(星島日報報道)何韻詩疑暗串古巨基抄歌事件已擾攘了個多星期，期間更愈鬧愈大，演變成有歌迷對阿詩留言恐嚇、雙方歌迷互罵等，但當基仔仍在網誌中談及有關心情，阿詩早已無心戀戰。文：林子棠 圖：莫家聰

　　阿詩前晚在無綫錄影《勁歌金曲》時，就雙方歌迷罵戰一事表示沒甚麼好回應，總之要表達的已說過，不想繼續再說，亦慶幸歌迷算乖，平時教過他們在任何情況下，都不要人講一句、又答一句。

　　問到是否認同「甚麼偶像就有甚麼Fans這句說話？」她連聲大叫：「嘩嘩嘩！識我的人都知我唔係撩是鬥非，或會批評別人的人。我都有教Fans有人鬧我都唔好回應。其實都係有一、兩個Fans激動咗少少，我見佢（古巨基）啲Fans都好乖，都有上我個Blog叫人冷靜點。整件事好小事，唔放大來看。」

　　有自由發表意見

　　提到上次與基仔碰頭又不獲理睬的尷尬場面，阿詩謂：「該次的情況大家都尷尬，其實大家都有微笑和Say Hello，不然想我怎樣？難道來個擁抱嗎？總之大家都無事。」阿詩還說即使下次碰上基仔也會打招呼，但她未諗過會否很尷尬，「尷尬……應該唔會啩，點答呀？我唔知喎……」阿詩又話不會嚇怕今後在Blog少說話，因她是發表個人意見，但有人笑言她衰多口，「哦？我都知我衰多口，性格問題，無辦法，我只是發表意見，正如放甚麼上Blog都可被人變成另一件事。可能有些事大家想多了，但我早已習慣，食得鹹魚抵得渴嘛！」

遊客無法瀏覽此圖片或下載點，請先註冊或登入會員。

佢的確係有D衰多口既
不過我都+卜佢