1998年7月13日大家都知道果日大家都要離開．我心裡面痛左一痛．我唔敢相信有依一日既出現．因為果日我知道有可能我地以後再見唔到你．我係果日面上搵唔到適合既表情去表達我自己．我係心內面有句說話想同你講．當我地成班係自己班房要寫果張紙．其實我唔想寫．我寫完之後．我地差唔多要走．我走上去你５樓班房到．你已經唔見了．之後．我自己搭車返屋企 ．覺得特別唔舒服．原來果日重落雨． 一路上　我見到有好唔同學校既學生但見唔到你．當時得我一個人．我覺得特別孤獨．係車入面只係聽到大家離開學校消息 ．我望出車外邊覺得依日終於黎．我唔相信有依一日．我返到屋企既路好似今日覺得特別長咁．當晚晚飯我都冇咩心情去食．當你果班既同學打黎比我．當時有好多人在線上．但你唔係線上．但從你朋友口中．你升唔到中４．我心中都知道咩事了．你以前住係屯門．但你中二尾已經搬去佐敦．我依生裡面唔會再撞到你．再見唔到你既笑容同用手砵頭髮個樣．但你在你果班裡面有人話我鍾意你．我覺得依樣野．我同你講好d．之後我去搵私校．你老友都同我一間私校．但又唔班．頭果一兩年．我都好唔慣．我出黎做野．我對你依然冇變．冇耐我考左車牌．你知嗎．我渣左車係你樓下開住個天窗．望住你住果到．睇下你係唔係到．會唔會係依到撞到你．我等了幾個鍾．我好失望．我有試過在網上搵唔搵到你．但都係搵唔到．之後我開始有點望記了你．但有時想返起你．原來果種感到係好痛苦．個心入面依然望記唔到你．但係我依幾年都好點了．但近日5月16日收到個e貓．令我想返起你．我同你已經有９年冇見了．我得你果班唯一一個既同學既電話．試下可唔可以搵到你．．不過佢講已經冇同你聯絡了．不過佢話同你最好既朋友重有聯絡．我朋友幫我打比佢．但佢話已經同你冇聯絡了．但佢幫我係你朋友口中得知你既消息．你已經結左婚．重係兩年前既事．重有個仔．當我得知依個消息．我發覺我好失敗．唔敢相信依個係事實．如果當日我講左．會唔會你人生身邊既一半會否係我．但當我朋友問你既msn同電話．你拒絕左佢．你當佢唔係朋友．我覺得你變左．比著果時既你．你一定會比．你好可能冇左以前咁既生活．得知這個消息．我成個人on左．尋晚到依家都飲了幾多洒．但我一定有點辨法找到你的．唔比的話．我叫我朋友比我個msn你．但我唔會忘記你．我係最後果一日．分手總要在雨天．