我有個女朋友,已經怕拖2年半....感情卻找不出以前的那種滋味....若可以重頭再來,我選擇對佢更好..
               兩年半前...我們因一次朋友之間的聚會而一起.....起初感情還算不錯......首先我講講自己..我兩年半前係一個非常之曳既青年..雖然係讀哽書.但係每天都只懂得去玩.然後就加入黑社會(當時的心態是覺得好影),每天唔係打交,就係吸毒.生活過得很頹廢.而我女朋友就是在當時認識的...我地起初一起生活方式都沒有改變..都係繼續浪費自己的時間...我一開始同我女朋友一起我的心態係(還掂自己都未有女,求奇啦...)一開始,我真係唔係鍾意佢.但係感情就係咁樣累積而來..
              佢比我大一年,但係唸野,思考方面卻少我2年.佢係我學校既同班同學,因為我真係對佢一D都唔熟悉,一起左之後就覺得佢係家庭各方面都比我慘..佢係大陸移民過黎..我都係...不過都係香港生活左有5.6年.佢有個阿爸同阿媽...但係已經離婚了...佢同我講佢一開始黎到香港佢阿爸同佢阿媽都未離婚. 一開始得佢同佢阿爸係香港住..佢阿媽就係大陸...香港只有佢同佢阿爸..雖然好似相依為命咁..但兩人的父女感情就像街道上的陌路人..之後佢阿爸係香港同左第二個女人一起...仲一起住埋同一間屋,又生左兩個女,而我女朋友係個間屋企就好似一個租客.個後母又唔鍾意佢,我女朋友亦都好憎佢後母... 如果比著我.我都會憎佢.而且憎埋個老竇...我聽佢咁講,我覺得我女朋友好可憐.係香港已經好似無親人咁...所以一開始雖然唔係鍾意佢,但都繼續同佢一起.....我見佢家庭咁樣,就叫佢過黎我屋企度住..佢聽到好開心...而我地就係個時日日朝見口.晚見面..(由於我阿媽好OPEN,所以都好錫我女朋友)...
              但係,過得耐左,就發覺佢D脾氣同埋性格都好差...成日哎交..我對佢感情就慢慢開始淡..而佢就越來越鍾意我..=.=因為話就話哎交..次次其實都係比佢鬧..鬧完唔係佢TUM番我.而係我TUM番佢..可能我真係太錫佢...而且我對住佢,佢又覺得我好恰...但係我對佢感情就越來越少...都我身邊出現左個女仔..其實我之前都鍾意呢個女仔...之不過無同佢表白...之後我就同左個個女仔一起..(一腳踏來兩船,真PK啊我)起初同個個女仔一起真係覺得好開心..因為頭個一兩個月都算係情到濃時...但係覺得身邊好似少左把聲..係經常教訓既聲音..我開始發覺原來我愛既其實就係傻婆(傻婆= 第一個)...其實我同第二個女仔一起個陣時已經比傻婆知道左...而我已經同佢講分手..但係佢就死拖住我唔放.話唔介意..但係我就好惡咁同佢講分手啦..但係佢都係拖住我隻手唔比我走...我又衰心軟....都無分到...其實到左呢度,我唸佢真係好愛我...
              到左最後我同第二個女仔分手,覺得傻婆先適合我.....但係情況就同以前唔同啦...係輪到我食住佢...佢亦都唔夠膽鬧我...變到好似綿羊咁... 唔知道係咪自己的愧疚心重, 經常覺得自己曾經對傻婆唔住,就覺得自己好衰...想對佢好D,番工D人工比40%佢40%我阿媽..20%自己...每逢我一出糧佢就好開心..其實我同佢未結婚.我D朋友話唔洗比咁多錢佢..但係我真係好鍾意見到佢開心個樣..真係覺得乜野都值得,因為覺得佢真係好慘.同埋自己又咁衰.曾經咁樣對佢...想禰補自己之前既過錯....但係要來既,終於都會來...........

             慢慢我就恢復比佢食住既狀態...但係我今次感覺唔同...我覺得比佢食住好幸福..因為有一個對我咁好既女朋友....連我阿媽都好鍾意佢....但到左最近...我發覺佢唔同左..開始對我不揪不采..我問佢點解,,佢話佢對我感情淡左,但係唔係鍾意左第二個....
             我同佢真係經歷左好多野...我真係好想同佢結婚...我真係好後悔....當初自己真係好衰....
             各位可以叫我點做?我為左佢真係咩都得?可惜...          唉

真心話??我覺得無用.E+我地日對夜對...我想經常5係屋K...咁係咪一個解決的方法?