我自己坐左系到,望住個鍾,一分一秒咁過去,依家系朝頭早7點幾啦

我拎起左個電話,我想打俾呀龍,每一個數字都慢慢禁,但禁到最尾果個數字之後,

我就好自然咁收線,自我掙扎左好耐之後,我先決定勇敢D打俾呀龍,

電話接通梗,我期待聽到呀龍把聲,聽到佢同我講,我依家番梗黎啦

但我好失望,呀龍冇聽電話,佢愈吾聽電話我個心就愈亂,我好緊張

拎起電話,打完一次又一次,都系冇人聽,我真系好想知道呀龍依家到底做梗咩?

諗諗下,我喊左出黎,LEE個時候我真系好寂寞,就算平時我喊,我最愛既人都系我身邊,

但依家呢?我將要面對同呀龍分開,我要學識獨立...

**************************************************************************************
喬：做咩吾聽電話呀?你系咪吾識面對佢呀? [佢地兩個都除哂衫,系張床攬住對方]

龍：你知道邊個咩? [呀龍好溫柔微笑問呀喬]

喬：睇你個表情,我就知道邊個啦,系咪琪琪呀? [呀喬用一種好天真既眼神望住呀龍]

龍：嗯.. [呀龍好似好多野諗咁,細細聲咁嗯左一聲]

喬：佢打左咁多次黎,番去啦,我知道佢好需要你架! [但系呀喬心諗,其實我比琪琪更加需要你]

龍：傻瓜,我走左你咪好寂寞囉? [呀龍輕輕咁鍚左呀喬額頭一下]

喬：你走啦,我覺得自己已經好對吾住琪琪,琪琪佢系真心對我,同埋真心..愛你

龍：我依家吾知點做,我鍾意你,但我都鍾意佢!我系咪好花心呀? [知就好啦=''=]

喬：龍,你番去先啦,你成晚冇打俾琪琪啦,佢LEE個傻瓜一定系屋企喊梗 [呀龍聽到LEE句野之後就起左身]

龍：嗯,我真系要番去睇下佢先啦 [原來呀龍系要走,佢慢慢幫自己著番衫]

喬：我幫你呀.. [呀喬好似佢老婆咁,幫呀龍著衫]

龍：喬... [呀龍見到呀喬咁,佢又覺得好內疚]

喬：可能..今日你走左之後,以後再吾會好似依家咁,對我咁好,但系我已經好滿足,多謝你 [呀喬系呀龍塊面鍚左啖]

龍：吾會架,我應承你,走啦,自己小心D.. [呀龍開左門,之後攬住呀喬]

喬：嗯..我愛你..龍 [呀喬系呀龍個嘴鍚左啖]

龍：我都愛你! [之後呀龍鍚多一啖,就開始踏出LEE個吾屬於佢既家]

**************************************************************************************
娃：DINO,傾左咁耐,邊個黎架? [原來娃娃一早已經番到架啦,只不過DINO吾知道]

DINO：嘩,成隻鬼咁,嚇死我呀? [DINO嚇左一跳]

娃：咩我好似鬼咩?喂喂喂,你仲未答我啵,邊個黎架?

DINO：琪琪囉..

娃：你同人好熟架? [娃娃好似有D呷醋咁]

DINO：幾咁啦,以前女朋友囉 [估吾到DINO真系吾呃娃娃]

娃：做咩呀?愛上人呀? [娃娃好似愈黎愈呷醋]

DINO：不嬲架啦.. [DINO攪乜?對住自己條女都系咁講]

娃：咁我同佢,你愛邊個多D? [娃娃汶住DINO件衫,好似想發脾氣]

DINO：琪琪,你同佢冇得比架! [DINO,你會吾會覺得自己過份左呢?]

娃：嗯,冇所謂 [娃娃死死氣咁答]

DINO：原來你都覺得冇所謂既..

娃：我愛你咪得囉,你要記住我娃娃今生今世愛你一個,早抖 [講完之後,娃娃就番左入房訓]

估吾到DINO會有個咁好,咁長情既女朋友,佢真系好幸福呀,

DINO依家系到笑,笑得好甜XD

我打電話比呀龍,佢吾聽,唯有SD MESSAGE講出我心中既感受

我：我系咪應該要放棄?我地段感情應該從此劃上個句號? [我一路喊,一路打出每個字]

當呀龍收到個MESSAGE果陣,佢已經去到屋企樓下啦,佢見到我咁打,

佢就更加心痛,佢知道,佢又再一次令到我傷心啦,呀龍即刻跑呀跑,

佢用最快既速度跑番屋企,之後慢慢用鎖匙開門,開左門,坐系梳發既我,

用一種好無助既眼神望住佢,眼淚不停流,一滴一滴!

我：龍,你番黎啦? [我坐左系到不停喊,因為我岩岩系到諗,呀龍會吾會吾番黎?]

龍：琪琪,SORRY呀,我令你心痛啦 [呀龍即刻衝左過黎攬住我,我就不停喊,不停搖頭]

我：嗚...你系咪吾要我啦?求你呀!吾好離開我! [點解我要講埋D咁傻既野?]

龍：傻瓜,我點會吾要你呀?我邊到捨得呀? [呀龍不停拍我背脊安慰我]

我：你岩岩同呀喬做咩?你做咩吾聽我電話?你知吾知我好驚,好驚失去你 [我好想呀龍同我講,佢依然愛我]

龍：我岩岩送完呀喬番屋企,之後諗住番黎,但因為見到班舊同學,所以就到依家番囉! [編者話:呀龍你系得既,咁呃琪琪]

我：真系?咁你點解吾聽我電話? [編者話:琪琪,你太易信人啦]

龍：電話冇電呀,SORRY呀,令到你擔心我啦! [呀龍再一次緊緊抱住我]

我：好彩,好彩你同呀喬冇野咋!嗚.. [突然之間,我真系放下左心頭大石]

龍：乖啦乖啦,我點會同佢有野呀? [呀龍望住我微笑]

我：SORRY,我仲誤會你,以為你... [講到LEE到我已經講吾到啦]

龍：好啦,吾好亂諗野啦,我去沖涼先,你乖乖啦,訓住覺,我等陣黎陪你

我：嗯,沖涼你入黎房,吾好走呀 [吾知點解依家我愈黎愈害怕失去呀龍,失去LEE個溫柔既擁抱]

我慢慢行左入房,訓左系張床到,望住廁所,等呀龍出黎,等等下,

呀龍個電話有MESSAGE,響左下,我好八掛,好自然咁拎左黎睇,

喬：龍,多謝你,多謝你今晚陪我,我等你! [呀喬SD左LEE D野黎]

望住LEE個MESSAGE,我吾知可以有咩反應,呀龍岩岩可系話陪舊同學咩?

點解?點解依家呀喬SD埋LEE D野黎?呀龍呃我?點解要呃我?

佢同呀喬一齊成晚,到底發生左咩關係?

讓我手鬆開,我不想再死心錯愛,其實你怕寂寞,未見得珍惜給予你的愛] <---我個電話響

我：喂,DINO? [見到DINO來電,我即刻望一望呀龍,我驚佢誤會]

DINO：嗯嗯,訓醒啦? [系啵,應承佢訓醒打俾佢,我都冇做到添]

我：嗯,岩岩訓醒 [我周不時望下呀龍]

DINO：今晚出黎食晚呀,好冇呀? [出黎食飯?]

我：嗯,同邊個呀? [如果只系我同DINO兩個,呀龍一定會誤會囉]

DINO：你想呢?呀龍呢? [突然問起呀龍]

我：佢番左黎嚕 [我又望住呀龍,佢又望住我]

DINO：你地冇事嘛? [其實我都吾知有冇事]

我：冇事, [我咁講,呀龍又望住我]

DINO：咁咪好囉,夜晚7點系老地方等啦 [我地以前去開果間茶餐廳]

我：OK啦,掰掰 [由我一傾電話,呀龍就一直望住我]

龍：DINO黎架? [呀龍過左一陣,終於開聲問啦]

我：嗯,佢叫我地出去食飯呀! [好驚呀龍開聲鬧我]

龍：咁咪出囉! [呀龍笑起上黎,嚇死我,岩岩佢個樣好似嬲咁]

我：哈哈哈哈,好彩姐 [我地到傻笑]

龍：笑咩呀?傻妹 [呀龍又黎攬住我]

我：我岩岩以為你會鬧我,點知,你冇事啵! [好天真咁望住呀龍]

龍：傻妹,咁少事,做咩要鬧你?況且.. [呀龍心諗,其實我背住你做既事仲嚴重啦]

我：況且咩? [佢咁講,我已經覺得有D奇怪架啦]

龍：況且?況且我咁愛你囉 [編者話:你呃得琪琪一時,呃吾到佢一世]

我：哈哈,成日口甜舌滑,系咪做左D對我吾住既野呀? [我故意咁問佢,個樣仲好認真]

龍：對吾住你既野? [諗左一陣] 冇呀!

我：系咩?但我知道你有喎 [我用兇恨既眼神望住呀龍]

龍：邊有喎 [突然緊張起黎]

我：哈哈,講笑之嘛,咁認真做咩呀? [系到大笑]

[想,找個人,想,被人抱,想,找個舒服床舖] <---講講下,呀龍電話又響

龍：呀喬,訓醒啦? [聽到呀喬個名,我好自然就望一望呀龍]

喬：嗯,起左身啦! [呀喬把聲好開心]

龍：點呀? [呀龍把聲都好似好開心咁]

喬：冇呀,我想見你,想你出一出黎食飯 [編者話:搶人條仔既女人系最賤]

龍：出黎? [呀龍又望下我]

喬：嗯,吾得呀? [呀喬好似有少少失望]

龍：岩岩DINO都約左琪琪同我,不如你一齊出黎啦

喬：哦,咁冇所謂啦! [呀喬好似吾開心咁]

龍：系尋日果間茶餐廳等啦!7點

喬：OK,掰掰 [之後收左線]

龍：琪琪,呀喬 [呀龍想同我講,呀喬又出黎]

我：我知啦,呀喬出黎嘛 [我其實有少少擔心,擔心好似尋晚咁]

龍：冇問題嘛? [呀龍好似覺得我一定會吾高興咁]

我：有咩問題呀?不過... [我停左一停,望住呀龍]

龍：不過咩呀? [呀龍即刻問我]

我：你會吾會好似尋晚咁,吾送我番屋企架? [捉住呀龍隻手]

龍：傻啦,點會呀? [好彩呀龍咁答姐]

到左6點幾...

我：換好衫就出去啦,出到去都差吾多架啦! [我岩岩換好衫,開左房門]

龍：依家出去? [系到奸笑]

我：梗系啦,我地約左人7點呀!依家都6點半啦! [我系到望住個鍾]

龍：依家出到去又成班人,我地兩個系屋企到二人世界多一陣吾好? [呀龍系廳入左黎房攬住我]

我：嘿嘿,咩你咁注重二人世界架咩? [睜大隻眼望住佢]

龍：哈哈,梗系啦,兩個人一齊幾好呀,又浪漫喎 [個傻佬系到傻笑]

我：你要二人世界之嘛,日日都系啦,依家出去先啦,遲到好冇禮貌架! [我拉住呀龍出門口]

龍：但系..但系.. [不停但系]

我：行就行啦!衰野 [終於比我拉左佢出門口,之後鎖門]

跟住我地飛的去左茶餐廳門口,岩岩好,冇跳標,$15

其實茶餐廳離屋企好近,行幾步路就系,但系因為我地懶-0-"所以要飛的

我：呀喬黎左啦! [一落車,已經見到呀喬系到啦]

龍：黎左好耐啦? [呀龍行左過去,微笑望住呀喬]

喬：吾系呀,一陣之嘛! [我覺得佢地兩個好似有少少怪怪地咁]

龍：咁..我地等埋DINO先啦! [呀龍講野好似吾多想望住呀喬咁]

喬：嗯 [呀喬同呀龍個反應一樣]

我：嘿嘿,DINO哥黎到啦! [遠處見到DINO行梗過黎]

DINO：等左好耐呀? [DINO見到我地三個企左系到,所以就跑左過黎]

龍：慢慢黎,吾洗跑過黎喎 [DINO喘哂氣咁]

喬：我地都系黎左一陣之嘛 [呀喬微笑住咁同DINO講]

DINO：好啦,咁入去啦! [DINO幫我地D女仕們拉門,幾宥風度下]

我：吾該哂啵! [拍下DINO個肩頭]

龍：食咩呀?琪琪 [坐低左,呀龍即刻問我食咩,算你啦,仲當我有到]

我：不如我地點幾個小菜,跟住一齊食啦! [我系到望緊D小菜]

龍：呀喬,好冇呀?冇問題嘛? [呀龍終於開口同呀喬講第三句野啦]

喬：嗯,無所謂啦! [佢地好似尷尷尬尬咁]

我：咁DINO呢? [見到DINO比人冷落左,我就即刻問佢意見]

DINO：嗯,我都冇所謂呀!你話事啦,不嬲我都順你意架啦! [咁講咩意思喎-V-"]

龍：咁好啦,就叫D小菜囉! [呀龍又拎起個餐牌系到參詳]

我：我出一出去搵下YOYO先,我好快番,你地系到等我啦 [因為鋪頭就系附近]

龍：嗯,快D番黎啦!小心呀!有咩事打俾我喎 [呀龍拍下我隻手]

DINO：我都去呀,我都諗住去買蛋糕比娃娃食 [DINO又起左身]

龍：嘩嘩,24孝男朋友喎.. [呀龍系到笑DINO]

DINO：梗系啦.. [個樣幾鬼自大]

我：咁你地點整食啦,我好快番架啦! [我同DINO就走左啦]

************************************************************
路上..

DINO：你同佢真系冇野嘛? [DINO吾知系關心我定系八掛]

我：本來有野,依家就冇啦 [望住DINO傻笑]

DINO：點解呀? [個樣好疑惑]

我：佢尋晚去左呀喬屋企,點知佢呃我,話舊同學聚舊囉! [我慢慢講出黎]

DINO：咁你吾嬲佢架? [唉-V-"我想嬲都嬲吾落]

我：算啦,我都吾想為左少少野就嘈 [其實我同呀龍已經一齊左好耐啦,我會好好珍惜囉]

DINO：嗯嗯^^你自己都大個女架啦,我諗你自己做梗咩,都好清楚架啦!

我：嗯,知道啦,我自己識諗架啦! [希望自己真系大個女,吾洗咩都靠人啦]

YOYO：喂,做咩黎左呀? [我地已經行到去鋪頭啦]

我：冇呀,我地系果邊間茶餐廳食野之嘛,咪黎睇下你囉! [見到YOYO真系開心]

DINO：你地傾住先啦,我去簡蛋糕先!老闆娘 [我想同佢講,我系老闆,吾系老闆娘,不過佢已經走左啦]

YOYO：做咩事呀? [系到望住我]

我：咩做咩事呀? [佢望到我實一實,攪到我好吾自然囉]

YOYO：你隻眼,腫哂囉! [原來話梗我隻眼]

我：喊完囉.. [好簡單]

YOYO：邊個蝦你呀?喊到腫哂! [YOYO摸我眼皮]

我：唉,同呀龍差D又鬧交架啦! [坐左系到慢慢同佢傾,之後我講左成件事俾YOYO知]

YOYO：吾系嘛?咁大件事? [YOYO好驚訝]

我：吾系好大件事姐! [我仲笑得出,嘻嘻]

YOYO：你睇實D呀龍呀! [YOYO比起我仲緊張]

我：點解呀? [見到佢個樣真系好想笑,因為我依家覺得冇乜野,佢就咁大反應]

YOYO：佢地發生過咩你都吾知啦,系咪呀? [佢咁講,我就愈黎愈驚啦]

DINO：好啦好啦,吾好嚇佢啦! [DINO買完蛋糕出番黎]

YOYO：你話吾系咩? [YOYO系到指住我講]

DINO：得啦,佢識諗架啦,我地過番去食飯先啦!掰掰 [DINO拉住我走]

************************************************************
喬：尋晚你冇番去,琪琪冇點嘛? [得番佢地兩個]

龍：喊囉,佢系咁軟弱架啦! [呀龍咁講,呀喬望到佢賓一實]

喬：其實,我後悔啦! [呀喬視線望住地下]

龍：咩後悔?尋晚? [編者話:一定啦]

喬：我知道,我地冇可能架啦,不過我真系好開心,同你做朋友我都滿足架啦! [呀喬少少想喊出黎]

龍：呀喬,SORRY呀,我依家真系比吾到D咩名份你 [編者話:第三者既名份咪得囉]

喬：吾洗講SORRY啵! [呀喬強顏歡笑]

龍：時間,時間可以證明一切,我會解決,我吾會放棄你架! [呀龍捉住呀喬隻手]

喬：嗯,我會等你! [呀喬笑左出黎,不過吾知系咪真心笑]

當呀龍捉住呀喬隻手LEE一刻,我同DINO已經番左去門口,隔住門,我都見到佢地拖住左

DINO：做咩呀?吾行? [DINO仲咪知咩事]

我：冇事呀! [我回頭望住DINO笑左一笑] 我地番黎啦! [我再扮冇野入去]

佢地見到我,就即刻鬆手,好驚訝望住我,但我依然扮冇野,

因為我吾想出醜,我吾想鬧佢地系姦夫淫婦,我只可以繼續當佢地系好朋友先會咁..

龍：咁快番黎既? [其實呀龍知道我望到佢地拖手]

我：嗯,買完之後咪即刻番黎囉! [我刻意攬實呀龍,因為見到佢地拖手之後,我更加怕失去佢]

龍：好啦好啦,d小菜黎到啦! [呀龍鬆開左,其實我覺得佢好刻意囉]

我：大家起筷啦! [唉,我仲要系佢面前扮冇野,真系好辛苦]

全程食飯我地4個人都冇出聲,有時候我就望下呀龍,當佢望到我望佢之後,'

我就好自然咁轉移我既視線,而呀喬同呀龍都成日望住對方,

DINO都知道少少野,佢都不停望住我地三個..食完野之後..

喬：下個星期我生日啦! [食完野之後,呀喬第一個開聲講野]

龍：我仲記得喎 [呀龍望住呀喬笑]

我：諗住點過生日呀? [我終於都開聲講野啦]

喬：仲未諗到 [一聽到咁樣之後,我驚呀龍會同呀喬兩個自己過生日]

我：不如去海灘玩呀! [突然之間真系好想去海灘聽下海聲,散下心]

DINO：都好喎,又可以BBQ [好彩DINO撐我]

我：不過都要睇下壽星女想去邊既 [我望住呀喬]

喬：好呀,我都鍾意去海邊! [呀喬諗都吾洗諗,一口應承]

龍：嗯嗯^^咁到時叫埋YOYO同阿LOK去囉,冇問題嘛?

喬：好呀,多D人陪我,我會好開心架! [呀喬即刻笑得好甜]

DINO：話定啦!到時我帶埋我的麻煩女友去得吾得先? [麻煩女友-V-"]

喬：好呀!約定你地啦! [呀喬冇望我地,只系望住呀龍]

我：好啦,埋單啦! [傾完之後即刻嗌埋單]

喬：我請你地啦今次.. [呀喬即刻拎銀包出黎]

龍：吾洗,我埋啦! [呀龍一手推開呀喬既銀包]

DINO：好啦,兩個都吾會爭啦,我埋啦! [DINO拎埋錢出黎埋單]

我：嘻嘻,比錢個個爭住比.. [我系到笑佢地]

龍：咁行啦.. [呀龍自己起左身,走左開門]

我：龍,等埋我啦! [我即刻嗌住呀龍]

龍：SORRY,自己有自己行添 [呀龍伸左隻手出黎拖住我,望住我微笑,之後又望下呀喬]

喬：咁我走先啦! [呀喬佢個樣好似好吾開心咁]

龍：自己番去小心D啦,我要送琪琪番去呀! [呀龍果然吾送佢番去]

DINO：咁我都走先啦,約定下個星期啦! [DINO揮手講掰掰]

我：好啦,掰掰 [之後我同呀龍就拖住手慢慢行番屋企啦]

好快就過左一個禮拜啦!今日系呀喬既生日..

LEE一個禮拜都風平浪靜咁過左,呀龍表面上好似都冇同呀喬聯絡,

但實際上就吾知有冇?有時候,我沖完涼出黎,偷偷望呀龍,

見到佢拎住個電話系到禁,到呀龍望到我果陣,佢又系到禁禁禁..

好似想DEL野咁,我見到咁既情形,我就第一時間諗佢系咪同呀喬SD MESSAGE..

吾知我地咪諗多左啦?希望佢地真系冇野啦T^T

龍：嘩,今日好有陽光氣色喎 [呀龍由頭望到我落腳]

今日因為要去沙灘,我著左件背心仔,短褲,人字拖,仲要札起左頭髮

我：去沙灘玩喎,我最鍾意架啦! [我去左照鏡]

龍：今日開心嘛? [呀龍系我後面攬實我]

我：開心? [諗左一陣間] 開心果個吾應該我.. [我系到暗示比呀龍知,其實我LEE排都吾系好開心]

龍：嗯?咁又系喎,今日系呀喬既生日! [呀龍到底明吾明我講咩架?]

我：好啦,依家都下晏兩點幾啦啵! [成日覺得呀龍吾守時]

龍：約左YOYO,DINO佢地未呀? [呀龍之後望下錶]

我：約左啦,約左去附近果間超市等 [諗諗下,約左人地三點,系時候出門口啦]

龍：咁行囉,仲要買野食添! [今次呀龍好乖咁行左出門口]

我：喂喂喂,成日自己行,又吾等埋我 [我企左系到吾行]

龍：衰豬,等老公仔抱下你啦! [一手抱起左我,講D野仲好肉麻咁]

呀龍一直抱住我,抱到我去超市門口,佢地都黎到哂啦!

我地黎到之後,呀喬望住呀龍微笑點頭一下!

龍：生日快樂! [呀龍即刻行左去呀喬面前同佢講生日快樂]

喬：生日禮物! [呀喬諗都吾洗諗,伸手問呀龍拎生日禮物]

龍：咩你咁冇禮貌架? [呀龍拍左呀喬個頭一下]

喬：算啦,我都吾計較有冇生日禮物,你黎左咪得囉! [呀喬又系到笑]

龍：咁行啦,去超市買野食去BBQ啦! [今次呀龍主動拖住我]

我：YOYO,生日蛋糕準備好未呀? [我一路行一路同YOYO傾計]

YOYO：你覺得呢? [咁又系,YOYO一家記得既]

LOK：個傻妹成晚系到整,加哂料架! [阿LOK同YOYO仲系咁恩愛]

我：咁吾該你啦啵! [之後望下阿LOK] LOK,你好似肥左喎

DINO：我都覺得,冇見你一排姐! [DINO系到笑阿LOK]

我：梗系好幸福啦依家 [撞下阿LOK]

LOK：下-V-"肥左?我吾覺既.. [阿LOK即刻望下自己]

龍：算吧啦,就算你幾肥,YOYO都要你架啦! [系到奸笑]

YOYO：邊個話架?未必架啵! [望住阿LOK]

LOK：你話呀?你一世做死我既黃面婆架啦! [一手攬住YOYO]

我地一路傾計…都好似冇乜點留意過呀喬…

我就望去後面…睇下呀喬做乜…

我見到佢自己一個悶悶不樂咁跟住我地行…

我：龍,陪下呀喬啦,佢同YOYO果D吾系好熟,我驚佢悶親呀! [吾知點解我主動叫呀龍陪呀喬]

龍：嗯? [呆左望住我] 聽心理專家講,女人系最小器既動物

我：咁你依家系咪吾陪先?人地話哂今日都生日 [我同呀龍一直都好細聲咁講野]

龍：喬,行過黎啦,行得咁慢! [呀龍拉住我停左系到,等埋呀喬,之後就一手拉呀喬過去佢隔離]

喬：嗯? [呀喬又好懷疑咁望住呀龍] SORRY呀,行得咁慢 [呀喬之後即刻講SORRY]

我：壽星女今日大哂呀! [我望住呀喬微笑]

喬：傻啦,有咩話邊個大哂呀?大家出黎開心架嘛.. [呀喬用佢一個微笑答番我,禮上往來XD]

我：系啵,黎到都未同你講生日快樂 [我行左去呀喬身邊] 生日快樂! [講完鍚左一啖呀喬,吾好亂諗,只系面到鍚]

喬：多謝,吾怪得之呀龍咁鍾意你啦,琪琪你真系人見人愛呀! [呀龍真系愛我咩?]

DINO：系呀,我地個琪琪真系幾人見人愛架! [望住我奸笑,我覺得好似有少少諷刺,衰人-V-"]

我：咁講咩意思呀? [行左過去打佢]

DINO：咩呀?話你人見人愛咋啵! [不停走不停笑]

LOK：你地系到等我同YOYO啦,我地自己上去買啦! [想二人世界咋-V-"]

DINO：拎吾拎到咁多野呀? [DINO冇同我玩,停左一停問阿LOK]

LOK：我地有兩個人,點算吾夠拎呀? [指住YOYO]

DINO：行啦,一個女仔拎得幾多野姐? [推左佢地兩個行]

LOK：咁吾該架啵! [兩兄弟又好似之前咁啦]

YOYO：琪琪,你地系到等我地啦! [YOYO停低左大嗌]

我：知道啦.. [大嗌回應番佢]

就系咁樣…佢地三個就走左啦…睇住佢地個背影走得愈黎愈遠…

我就覺得愈黎愈尷尬…因為得番我同呀龍仲有呀喬三個人咋…

龍：你地口吾口渴呀? [過左一陣,呀龍第一個人出聲講野]

我：吾口渴呀! [我講完之後,呀喬都搖頭]

龍：咁呀…冇野啦! [又冇人講野啦]

喬：今日好多謝你地呀,肯抽時間出黎陪我 [過左一分鍾,呀喬又開口講野啦]

我：傻啦,你系呀龍好朋友,都系我個好朋友,吾洗講埋LEE D野架啵! [又好無奈笑笑口咁答]

龍：你今日開心未得囉… [總系發覺,佢地講野都吾鍾意望住對方]

喬：嗯…我諗今個生日一定好開心 [終於望住呀龍啦,望住佢隻眼,就知道佢一定好開心]

我：佢地落黎啦… [好彩佢地都落黎啦]

DINO：喂喂,屎忽琪,仲吾過黎幫手拎野 [無啦啦叫我屎忽琪,突然之間諗番起以往既事,佢都成日串我]

我：你講咩呀?講多次-V-" [佢拎住左一袋袋野,我就偷襲佢,因為佢點都冇手打我架啦]

DINO：好啦好啦,吾好嘈啦,幫手拎啦,好重呀! [即刻比左兩大袋我拎]

我：嘩,好重呀! [即刻扮哂野]

喬：我幫你手拎啦…YOYO比D我拎啦 [呀喬過左黎]

YOYO：吾洗啦,今日你生日,壽星女喎 [YOYO將D野俾哂阿LOK]

LOK：但系今日吾系你生日喎 [阿LOK好無奈,要幫YOYO拎埋]

YOYO：拎就拎啦,咁多野講 [好惡咁鬧阿LOK,佢地兩個真系攪野呀]

DINO：好啦,我幫你拎番啦,邊捨得你拎咁重既野呀? [個樣好認真]

我：咁好啦,吾該哂啦! [即刻比番哂DINO]

DINO：吾洗客氣喎…不過你爭我一個人情呀! [之後做口形叫我屎忽琪-V-"]

我：哼\._./咁都得? [啞哂望住佢]

龍：好啦好啦,DINO,每人一半呀! [呀龍一手搶左幾袋野]

DINO：呀龍,我地三個好慘呀,出黎做阿四 [即刻啤住DINO]

我：咩你好慘咩? [好大力咁MEET DINO手臂]

DINO：吾慘吾慘… [即刻180度轉變]

之後我地分開左兩架的士去沙灘,我,呀龍,呀喬三個就一架,

都算好左好多啦,我地三個都有講有笑..

我：依家都四點鍾啦! [不知不覺四點鍾嚕]

龍：都仲早,去游下水,夜晚再BBQ啦 [呀龍拖住我隻手]

喬：今日天氣好好呀,好多年都冇成班人過生日啦,自從我失憶之後 [呀喬望住窗外既風景]

龍：吾緊要喎,今年開始,我會年年都陪你過生日 [作為朋友既身份陪嘛?]

喬：用咩身份陪我先? [編者話:呀喬刻意咁問]

龍：朋友 [呀龍諗左一陣間,再望下我,先答LEE個問題]

喬：朋友咋? [呀喬個樣好似好失望咁]

龍：嗯? [呀龍望住呀喬好無奈咁嗯左一下]

喬：我吾要朋友呀! [我地兩個都望住呀喬,之後呀喬系到笑]

喬：吾洗咁驚喎,我只系想講,我要你用好朋友既身份黎陪我 [嚇死我,我以為佢會講以男朋友既身份]

********************************************************************
DINO：到未架?乜咁耐架? [DINO好似個大細路咁系到郁黎郁去]

YOYO：比D耐性啦吾該! [YOYO禁住DINO]

DINO：仲之同琪琪佢地一架車啦! [同我一架車,梗系想打架呢-V-"]

LOK：點解呀? [DINO咁講,好易令人誤會架]

DINO：同你地兩個一架車都冇野講既,你地又系到打情罵悄 [DINO好無奈咁望住佢地兩個]

YOYO：再嘈依家掉你落車呀! [YOYO一野打落DINO到]

DINO：阿LOK,睇下你條女! [搵阿LOK救佢,可惜阿LOK都救吾到佢啦]

YOYO：啑啑,娃娃呢?今日冇黎既? [系喎,吾講吾覺]

DINO：本身叫佢出黎既,不過諗諗下都系吾好啦! [男朋友喎]

LOK：點解呀? [阿LOK又頭都大埋]

DINO：佢煩呀!成日跟住我,因為佢太愛我啦! [幾鬼自大]

我：系咪到啦? [我望住窗外面,都系一大片海境]

龍：嗯,前面就系啦! [呀龍同我一齊望出窗外]

喬：好靚呀!我真系好耐都冇黎過海邊啦! [呀喬今日成日笑,我諗佢好開心啦]

龍：鍾意黎既話,我地幾個可以成日黎玩架! [如果日日都可以過LEE D咁自由自在既生活咁就好啦]

我：記得帶埋我黎呀! [我系到嗲呀龍]

喬：梗系帶埋你黎啦,呀龍咁鍚你! [呀喬咁講完,佢地兩個都系到對望]

龍：好啦,到左啦,落車啦! [好快就到左啦,我地比完錢,之後企左系到等YOYO佢地]

我：佢地都到左啦! [見到DINO佢地岩岩落車]

YOYO：嘩,好正呀! [YOYO衝左過黎望住個海,伸左個懶腰]

DINO：行啦,今日咁好天,落去游水呀! [DINO急不及待衝落去沙灘既方向]

YOYO：DINO,等埋我呀! [YOYO又同DINO一齊癲]

LOK：吾好跑咁快呀!小心跌倒呀! [阿LOK跟住YOYO,因為YOYO跑得好快,落沙灘又有條斜路,好危險]

我同呀龍,呀喬跟住佢地後面,慢慢咁由條斜路行落去,海風慢慢吹落我塊面到,

就系好舒服,望住個天同個海都藍色,感覺真系超正,一路行一路微笑

DINO：喂,行快D啦! [佢地三個已經落到去沙灘啦,仲同我地揮手添]

我：嗯嗯^^依家落黎 [我好興奮,即刻衝落去會合佢地]

DINO：小心呀!慢慢黎啦!個海吾會吾見左架啵! [又系到串我]

我：我都廢事理你呀! [之後我落到去,吾理DINO,望住個海]

YOYO：琪琪,我地落去游水囉.. [YOYO系個沙灘到除衫,除左面頭果件衫,裡面有件三點色]

我：嗯嗯^^ [我學YOYO系到除衫,裡面同樣有件三點色,不過我既身材比起YOYO差好多啦]

DINO：快D啦,呀龍呀喬,落水玩啦! [我地個個都除剩泳衣,差呀龍同呀喬]

喬：知道啦 [呀喬都系系海灘到除左件面衫]

YOYO：嘩,咁好身材既? [呀喬除左衫之後,露出佢既驕人身材]

我：攪到我自卑添! [即刻望下自己]

DINO：吾洗自卑架啵! [無啦啦行左過黎,仲聽到我講咩] 我鍾意咪得囉 [細細聲同我講]

我：你好似笑梗我既? [即刻好無奈]

DINO：吾系,認真架!鍾意一個女仔吾系鍾意佢個樣或者佢既身材,而系個種感覺! [突然間好認真咁講]

我：如果到時冇左果種感覺,咪姐系吾鍾意囉? [我成日都咁諗]

DINO：我對其他女仔可能會,不過對你系吾會既! [又攪到我好尷尬]

我：我知道,好朋友嘛! [笑住黎同佢講]

DINO：落水玩啦! [DINO拉住我落水,我吾識游水既]

我：吾好呀,我吾識游水架,等我拎左個水泡先啦! [系咁掙扎]

DINO：吾洗驚啵!死吾去架啵! [仲不停拉我出去]

我：救命呀!救我呀! [不停嗌救命,佢地成班系咁笑]

DINO：落去啦,好淺水咋! [掉左我出去]

我：呀!救..救命.. [不停撥水]

YOYO：琪琪,好淺水咋-V-" [YOYO不聲嗌出黎,之後我試下用腳企住,點之真系好淺水]

我：啑,系喎 [D水先到我條腰-V-"岩岩一定好柒]

DINO：都吾知你驚咩? [DINO又系到大笑]

我：咁我驚嘛! [見到佢地個個都笑我,我好無奈]

喬：好啦,游水啦! [呀喬繼我之後,第二個落水]

DINO：你仲玩吾玩呀?琪琪 [死人頭DINO成日整估我]

我：好呀,不過你玩先啦! [一野推左佢落水,笑死我]

DINO：玩野,死人頭! [拉埋我一齊落水,用水不停潑我]

就系咁,我地成班人都玩得都開心,開始入夜啦!我地都上左水..

我地各自去左換衫,女還女,男還男XD

我：今日開吾開心呀?呀喬 [我地一路換衫,一路傾計]

喬：當然啦,有咁多人陪我過生日,我真系幾感動架! [呀喬抹住頭同我講]

我：開心咪好囉!我諗呀龍都想你開心架! [我知道,呀龍系好在乎呀喬既感受架]

喬：呀龍想你開心就真! [呀喬覺得好尷尬]

YOYO：不過我覺得今日好似琪琪你開心D啵! [YOYO同D好討厭既眼神望住我]

我：當然啦,因為可以同成班人一齊玩,好耐冇試過啦! [今日我似主角多D,哈哈]

喬：個個開心咪得囉,如果得我一個開心,而其他人吾開心,我就會吾開心架啦! [咁又系]

我：好啦,換好衫出去啦!好餓呀! [我最鍾意就系BBQ架啦]

YOYO：好啦好啦,依家行出去啦! [YOYO頂我吾順,所以拖住我出去]

***************************************************************************
龍：好啦,我地整定個爐先啦! [佢地岩岩換完衫出左沙灘]

DINO：嗯,佢地都就出去啦! [DINO拎起D炭]

我：喂,我地出黎啦! [好興奮咁走出黎]

LOK：出黎啦,坐多陣就食得架啦! [LOK拖住YOYO,幫佢霸住個靚位]

我：呀龍,系咪好辛苦呀? [系呀龍後面攬住佢]

龍：你坐低先啦,好快得架啦.. [呀龍幫我拎左張登]