呢一晚,我訓唔著 .....根本冇可能訓得到...

今日我終於明白 ...有好多野唔係你想像中咁 ...

係坐飛機黎呢18個鐘 ..我一直以為見到小樂果一刻 ...... 可以咩都唔理 ...重投佢既懷抱 ...

冇錯 ..... 我都係投進了他的懷 ....可惜是沒有抱

係我自願的,是他不情願的 .....

好不容易捱過了一個晚上 ..... 我應該打比佢嗎 ?

拎住佢既卡片 ..... 猶豫左好耐,最後都係冇打到

既然佢都為左忘記我而黎到英國,點解自己仲要懈而不捨咁去騷擾佢?

點解我要咁自私,自己就黎冇記憶果陣 .....先要留住人

或者我應該灑脫D ...忘記哂所有野,重新開始過 .....
_______________________________________________________

阿樂離開左酒店之後,佢冇番到屋企..... 反而去左酒吧

呢幾個月陪住佢過渡寂寞晚上既地方

其實自己係咪唔應該再玩呢 ? 佢想要既唔係呢D咩?

阿純都已經黎到英國啦 ...唔通仲唔明白佢既心意 ?

但奇怪既係 .....點解佢會冇啦啦黎搵我 ..... 真係唔似佢 .......

阿樂甩一甩頭,唔再諗啦 ...... 睇下阿純仲會唔會搵自己先啦

又過左3日 ..阿樂見阿純冇搵佢 ...就去佢入住果間酒店度搵 ...點知職員同佢講已經係今早退左房

於是佢用盡所有既辦法去搵,所有認識既人,什至係比錢人去搵 ...

係呢一剎佢先知 ......原來佢仍然係咁唔想堤去阿純

[ 直到你的身影消失心想怎麼會 以為我再約你你永遠也會奉陪]

不知不覺 .....阿樂唱左呢句歌詞出黎 ......

搵左足足一晚,都係搵佢唔到 ......

呢個時候佢手提收到個訊息,係由留言信箱發出 ......

佢即刻打去聽下

收到時間係上午6時20分 未有來電顯示

[ 喂,阿樂呀 ......係我啊 ! 我諗都差唔多時間要走啦 .....本來諗住可以親口同你講聲再見,點知你又飛左去留言,可能呢d就係緣分啦......我地冇既緣分!不過反而咁令我敢講d野比你聽! 其實今次過黎英國搵你,係因為我知自己就黎會唔記得同你既野,醫生同我講.....我既情況惡化左,大腦會慢慢將我既記憶刪除 ....係永遠都唔會再記得,過去既回憶只係會空白 ! 我好驚 ...我唔想忘記同你既一齊一齊 ,但我黎到.....發覺你已經放低左我 ......或者咁都係好事.....希望我過去對你做成既傷痛都係你既大腦慢慢刪除 .......我番香港啦,我愛你啊 ...小樂。]

阿樂拎住個電話流淚了,後悔了。

我終於番左黎啦 ...始終香港先係屬於我既地方 ...

一番到屋企,電話已經響起 ...邊個打得黎咁岩時候呀?

我 :喂

[ 阿純,你番左黎啦 ]

我 :原來係嘉嘉 ..你打得黎真岩時候 ..我岩岩番到屋企

嘉 :哦.. 點呀你同佢?

我 :我同佢?你講緊小銘 ?

嘉 :小銘 ?你第一個男朋友?

我 :嗯,唔係佢 ...你仲以為我可以有邊個啊 ..傻婆

嘉 :咁 ....你去英國見唔見到阿樂?

我 :阿樂?邊個阿樂呀?

嘉 :um ...藍梓樂啊 ..你記唔記得邊個啊 ?

我 :唔記得啵 ..邊個黎架 ?

嘉 :冇,以前d fd黎咋嘛 ..

我 :冇理由架,姓藍咁特別我應該唔會唔記得 ,應該我唔識架 ..

嘉 :丫 ...好似我記錯左,haha

我 :正一傻婆 ...佢又係英國架 ?

嘉 :嗯 ..係啊 ! 阿純你休息下先 ...我有電話入 ..轉頭打番比你

我 :咁好啦,我都想沖個涼

嘉 :嗯,拜拜


收左線之後,嘉嘉好驚 ....因為佢一直擔心既野,好似終於都黎啦

小銘 ....係阿瑜之前,阿純既一個男朋友 ...

點解個記憶會番去果陣時既呢 ?

都係搵阿昕佢地商量下先

嘉嘉即刻拎起電話打比阿昕,

[ o都 ..o都 ...o都 ....]

昕 :喂

嘉 :阿昕,你而家得唔得閒呀?

昕 :嗯,岩岩食完野 ....做咩?

嘉 :阿樂今朝打比我,話阿純前幾日去左英國搵佢

昕 :下,真係架,之後呢?

嘉 :咁阿樂個衰仔又唔理佢果d ..又玩野,點知阿純留左段言同佢講,醫生話佢惡化左,記憶會刪除,永遠空白

昕 :[ 沉默]

嘉 :今日,阿純番左黎 ...我問佢同阿樂點 ....佢竟然答我 ....唔知邊個阿樂

昕 :你 ......講笑咋?

嘉 :佢既回憶停番小銘果度

昕 :佢第一個男朋友?

嘉 :嗯 ...好有可能佢連你同阿芯都唔記得 ...

昕 :點解會咁快. ..只係兩三日之差

嘉 :其實都潛伏左好耐,只係我地冇諗過會真係發生 .....

昕 :而家應該點呀?

嘉 :我地都做唔到d咩,今日比佢休息下先,過幾日再約佢出黎 ....

昕 :不如叫阿樂番黎呀

嘉 :我會打比佢,佢有權知道呢d ....

昕 :我 ....打比阿芯講啦

嘉 :傻婆,就算佢唔記得你 ....我地都會係好朋友黎架嘛

昕 :我知道 ...