阿滔離開左我屋企之後 ...自己諗左一晚 ... 竟然藍梓樂咁衰想玩我 ...我同樣地都要懲罰番佢"

第2日番到公司唔夠5分鐘 ...就要出去幫人化妝 ...一做就做左半日 ...

都唔洗番公司 ...! 算啦 ...唯有聽日啦 ..反正大家同一間公司 ..樓上樓下一定見到既 ..

可惜 .... 一等就已經等左5日了 ....阿樂都冇出現過

開頭以為係大家都咁無緣 ......但係其他同事口中知道佢連公司都冇番過

亦都冇交代一聲 ...係佢從來都未試過咁 ...!!

我心開始慌 .... 唔會有d咩事嘛 ...

上一次 .... 佢去左埃及 ....今次 ...佢會去邊啊 ?

我拎住個電話 .... 猶豫緊打唔打比佢好 ...因為咁多日以黎 ...

佢唔見左 ... 只係因為佢冇番公司 ...但根本我都冇搵過佢 ...!

算啦 ...死就死 !! 我拎起左電話 ..禁左小樂個電話 ...

聽筒傳黎待接駁既鈴聲 ... 我個心就一下一下快速咁跳

我一方面好期待聽到阿樂既聲音 ...但又怕唔知到時講咩 ...

係我思緒仲未平伏既時候 .... 已經有人接聽 ...而且仲係一個女人

[ 喂 .... 搵邊位]

聽左之後我即刻睇一睇我有冇打錯電話 ...確認左冇錯之後 ...心開始沉了 ...

[ 喂 ... 係咪阿純啊 ?]

點解佢會知我係邊個既 ...就算有來電顯示都冇理由叫得咁熟悉架?

我 :[ 嗯.. ..你係 ?]

[ 我係小嵐啊 ...你搵阿樂呀?佢而 ...]

係佢未講完既時候已經比我打斷左 .....

我 : 其實都唔係咩特別事 ... 只係見佢咁多日冇番公司姐 ...我都有野做緊 ...唔洗同佢講我打過黎架啦...唔該 ..拜拜

我急急咁收左線 ...唔想聽到佢同小樂係邊度 ...又或者係做緊咩 ...

諗番起又係 ... 我呢幾次落樓下 ...都唔見小嵐 ...原來佢地一齊緊 ......

算啦 ...唔好諗 ! 只要知道佢係安全冇事就可以 ....

阿樂係小嵐收左線之後 ...就即刻問哂心中所有問題 ...

樂 :阿純有冇講咩?佢而家點?語氣有冇咩特別?

嵐 :佢啊 ... ? 冇講d咩啵 ...只係話見你咁耐冇番公司 ...所以打個電話比你咋

樂 :下 ....呃人 ...

嵐 :咩呃人呀??

樂 :你又話我地咁做 ..佢一定會好緊張 ..你睇下佢而家. ...一d都冇 ...佢而家個心只係得果個阿滔架咋 !!!

嵐 :haha ...真係冇你乎啊 !! 玩下你咋 ....咁緊張 ...!!

樂 :玩下我 ?咁姐係點啊 ...講清楚d啦小嵐 !!

嵐 :佢一拎起電話聽到我把聲果陣 ..佢冇出聲 ...大概諗緊點解有個女仔聽而呆左 ...

樂 :咁之後呢之後呢

嵐 :到我再問一句係咪阿純果陣 ..我把聲好猶豫咁問我係邊個 ..之後我咪答左同埋問佢係咪搵你囉

樂 :咁佢有冇好驚訝果d呀??仲有 ..佢係咪搵我呀?

嵐 :我講都未講完 ...佢已經話其實都冇咩特別野 ..只係見你咁多日冇番公司 ...仲叫我唔好同你講 ..佢打過黎 ..

樂 :下, 點解會咁架 ? 我一早都話呢d野冇用架啦 ..佢人都同左阿滔一齊 ... 仲點會介意頭先聽電話果個係你丫 ?!

小嵐冇即刻出聲 ..只係心入面諗 ... 仲有咩方法可以令阿純忍唔住 ! 佢明知佢根本就冇同阿滔一齊 ..

只係想佢地兩個自己行出第一步 ..而唔係要人地幫佢出聲 ...不過而家自己又何嘗唔係幫緊佢地 ..

定還是只係自私 ...想見到阿樂多d?

小嵐自己心中有數 ... 明天就係一個期限 .. 比自己放低阿樂既時間到左

而佢地復合之期也應該到了 ...



樂 :喂 ...你做咩唔出聲啊 ?

嵐 :冇呀 ...我諗緊仲有咩方法咋嘛 ...

樂 :咩方法都唔洗啦 ! 我決定左 .. 放棄

嵐 :放棄? 點解啊 ...你唔係好愛佢,好想同佢一齊既咩?

樂 :嗯 ..我係好愛佢 ..但發覺自己人愈大 ..愈玩唔起愛呢樣野 ..承受唔到再大既傷害

嵐 :唔明喎 ...發生咩事呀 ..前幾日你仲好地地架 ..

樂 :你明唔明點解我唔直接搵阿純番黎 , 同佢講我愛佢丫 ?

嵐 :老實講 ..我真係唔明 ! 你地經歷左咁多 ..唔會因為面子掛 ?

樂 :係佢番黎搵我果日 ..以為佢終於番黎我身邊,所以我先決定懲罰下佢當日走左咁耐 ..但估唔到傻仔果個係我,原來佢又有男朋友喇 ...

嵐 :就係因為咁,你唔去嘗試?你覺得自己比唔上果個男仔咁重要咩?

樂 :果日係街見到果個男仔同阿純個好朋友一齊 ...我求佢唔好再傷害阿純 ...到左果一刻我發覺自己要好好咁保護阿純 ..唔可以再次失去佢 ..所以我又一次去搵阿純

嵐 :咁點呀,佢拒絕左你咩?

樂 :可能我講錯左句野 ...佢走左

嵐 :你講左咩?

樂 :佢話當日黎搵我果陣 ..我好冷淡 ...之後我話呢6年黎你都冇啦啦拋低左我好多次 ..自私

嵐 :你真係咁講 ?!

樂 :嗯 ,

嵐 :你真係好錯啊 ...你邊有可能講出口架 ..就算佢真係有咁做 ..你都唔應該 ....冇人叫你等架

樂 :嗯 , 佢都係咁同我講 ..

嵐 :唉 ! 但你都冇理由因為一句說話就放棄架 .. 果日佢都係火遮眼先走既姐

樂 :之後我都已經表明哂我仲愛佢架啦 .. 但都最後都係咁 ...你明唔明 ..係我唔想再去承受更多更大既傷害啊 ..我唔係細啦 .. 唔係好多野都可以好似以前咁豁哂出去架啦

嵐 :面子比佢更重要 ?

樂 :係我心入面 ,冇野重要得過佢 ! 但同佢相等既 ...仲有我既daddy mammy

嵐 :有咩關係啊?

樂 :如果再有更多既傷害既時候 , 我唔知自己會點 ..雖然我唔會去死 ..但肯定 ...唔會再有屬於自己既靈魂 ...你明未啊..所以 ...我唔再做任何野 ..做到朋友已經ok喇

嵐 :但 ...

樂 :我想一個人靜下 , 呢幾日都幫左我好多 ...我放多你3日假 ..你下星期一先番工啦

講完之後 ..阿樂就轉身行左入房 ..而小嵐望住佢既背影好懊惱 ..

愛真係可以咁理智嗎 ? 仲可以做到d咩黎幫佢地啊

真係唔忍心睇到佢地再拖拉

第2日 ... 小樂同小嵐同樣冇出現 ... 但竟然有一個好震驚既消息傳到去我耳邊 ..

同事a : 阿純啊 ..你會唔會又走架

果時我岩岩番到公司 ..放低左個袋 ..好出奇咁問 : [ 點解我要走啊 ?]

同事b :藍生要去英國接管果邊既生意嘛 ..

同事a :嗯 ... 我諗佢都會請埋你果去既

我 :英國 ?

同事a :你唔係仲未知嘛 ..公司上下都知喇啵 ...通告都出左 ...你自己去睇下 ..

我 :其實我同藍生都係朋友 ... 有好多野佢唔會向我交代 ...所以 ..我真係唔知

同事b :咁又係,加上你係化妝呢邊 ..而佢英國果邊係工程公司 ,

我 :係囉 , 所以我都仲係會留係度麻煩你地架

同事a :阿純你唔走就好啦 ..我地個個都好中意你架

我 :[笑] 傻婆 ..快d食埋早餐先啦 ..一陣要出去out job啊 ..

同事a+b :係啵 ..一陣先再講 ..

係佢地走左之後 ...我慢慢咁行左去告示板果邊 ..發現真係有張新通告

內容大致上都係講阿樂要離開公司一段時間 , 去英國果面 ..同埋所有調配既細節

大家之前唔小心po左d ...而家再重新po一次 ..所以唔洗理上一篇



第2日 ... 小樂同小嵐同樣冇出現 ... 但竟然有一個好震驚既消息傳到去我耳邊 ..

同事a : 阿純啊 ..你會唔會又走架

果時我岩岩番到公司 ..放低左個袋 ..好出奇咁問 : [ 點解我要走啊 ?]

同事b :藍生要去英國接管果邊既生意嘛 ..

同事a :嗯 ... 我諗佢都會請埋你果去既

我 :英國 ?

同事a :你唔係仲未知嘛 ..公司上下都知喇啵 ...通告都出左 ...你自己去睇下 ..

我 :其實我同藍生都係朋友 ... 有好多野佢唔會向我交代 ...所以 ..我真係唔知

同事b :咁又係,加上你係化妝呢邊 ..而佢英國果邊係工程公司 ,

我 :係囉 , 所以我都仲係會留係度麻煩你地架

同事a :阿純你唔走就好啦 ..我地個個都好中意你架

我 :[笑] 傻婆 ..快d食埋早餐先啦 ..一陣要出去out job啊 ..

同事a+b :係啵 ..一陣先再講 ..

係佢地走左之後 ...我慢慢咁行左去告示板果邊 ..發現真係有張新通告

內容大致上都係講阿樂要離開公司一段時間 , 去英國果面 ..同埋所有調配既細節

接住黎既呢一日 ..我唔係錯漏百出 ...就失手 ...所以上司amy就叫我放低哂手上所有job去見佢

我 :sorry啊 amy

amy :你係咪唔舒服啊 ?

amy冇鬧我 ..仲好關心我 ...但自己偏偏為左私人事就影響工作 ....好內疚 ! 但我都係選擇左講大話 .. 其實我唔希望再有咩出錯 ...影響公司 ..

我 :嗯 ..今日好似有dd發燒 ..成身都興興地 ..

amy :你早d出聲嘛 .. 唔舒服都仲番工 ..快d汁野番屋企抖下

我 :sorry啊amy ..

amy :傻女 ..今日既獲我仲揹得起 ..但如果再咁落去 ...就好難講

我 :嗯 ..我應承你 ..聽日一定精精神神咁番黎

amy :好啦 ..去解決你既問題啦

我正想起身離開既時候 ...聽到amy咁講 ...只有錯愕 ! 其實佢係一早知道我有心事 ?

唔通我既表情真係放哂上面 ?

______________________________________________________________________


小嵐一早就比個sms嘈醒左 ..一睇原來係阿樂sd過黎

[ 小嵐 ..好多謝你為我做左咁多野 ..但我依然係唔可以報答你既愛 ..

而家我去緊機場 .. 我決定左接管英國果面新收購既工程公司 ..

你問我係咪逃避既話 ..我絕對唔會否認

你要我日日對住佢 .. 我真係做唔到 ...

再見啦 ... 仲有唔好打算黎機場 ... 因為我會搭私人飛機走 ]

小嵐睇到之後真係呆哂 .... 好嬲自己點解唔將所有事實同阿樂講清楚