阿樂係聽完阿純個留言之後,就即刻打左比嘉嘉 ..之後就搭飛機番黎香港

係機上面,佢好嬲自己 ....點解要玩

明明阿純已經由香港黎到英國,大家都心照 ......點解自己要玩呀?

如果佢真係唔記得左自己,真係比死更難受

十幾個鐘頭之後,阿樂到達左香港機場 ...... 而嘉嘉,阿芯同埋阿昕都係果度等佢

昕 :果個係咪阿樂呀?

芯 :邊個啊

嘉 :著住西裝果個囉 .....咁都唔認得

見到阿樂都望到佢地,所以就企左係原地 .....等佢行過黎

樂 :點呀,阿純呢?

嘉 :我地緊係冇約佢出黎喇,去坐低先講

佢地就係許留山坐低左,一個充滿甜品既地方,但佢地一d都嘗唔到甜味

樂 :點呀,佢而家究竟點樣呀?

嘉 :我尋日打過比佢 ...佢好似唔記得左你

樂 :你講真架 ..

嘉 :我問佢 [ 你同佢點呀?] 佢竟然答我,你話 [小銘?] ?

樂 :小銘 ?咁熟既 ..邊個黎架

嘉 :佢既第一個男朋友囉 ..

樂 :點解佢會咁問既 ?

芯 :你咁都仲唔明啊 ..

昕 :姐係佢既記憶停留左係小銘果個時期呀

樂 :真係?佢真係唔記得左我 ?

芯 :唔只唔記得左你,連我同昕佢都唔會記得架啦

樂 :點解呀?

嘉 :小銘係中二果陣 ....根本都未識你地3個

樂 :會唔會係一時唔記得架咋,不過佢又同我講咩會刪除 ....究竟係點既事呀?

嘉 :呢一方便我真係唔清楚,因為佢冇同我講過 ....但係尋日我問佢去英國見唔見到你果d ..佢話唔識你係邊個,仲話對你一d印象都冇

樂 :咁點算啊,唔得架 ....佢唔可以忘記我架,佢講過唔會忘記我架


呢個時候,3個女仔都望住阿樂,

因為佢伏低左 ...係度喊 ...

今日嘉嘉帶左我去一個地方,果度係一間好大好靚既屋 ....唔知點解有一種好熟悉既氣息

我 :呢間屋邊個架,幾時識左個有錢仔唔話我知啊

嘉 :你記唔記得我問過你識唔識藍梓樂啊

我 :嗯,好似係啊 ...做咩呀?

嘉 :呢間屋係佢架,

我 :咁做咩帶我黎呢度啊,我又唔識佢

嘉 :冇呀,我班朋友想燒野食 ....咁岩你又話想,咪一齊黎囉 ...

我 :下,我都唔識佢地

嘉 :而家咪介紹比你識囉 ...佢地個個都好玩得好nice架

我 :但 ....

嘉 :小姐,我地企左係個門口好耐喇 ...

佢一講完就已經禁門鐘,黎開門既係一個男仔,佢五官好好睇 ...一條又粗又濃既眉,炯炯有神既大眼睛,高高既鼻子,即刻令我諗起白馬王子呢個稱呼 。不過佢由開門果一剎已經眼定定咁望住我,令我好唔自然,仲要係一個靚仔,望到我面都紅,唔敢直視佢。

嘉 :喂,阿樂 ...你望到我朋友面都紅埋啦,人地靚女都唔洗眼金金丫嘛

樂 :唔 ..唔係,入黎先講

我入到去之後 ....見到有幾個陌生既人 ...不過佢地比我既感覺好親切,連呢間屋比我既感覺都係熟悉,好暖 ...

但係我從來都冇黎過,點解會有咁既感覺?

嘉 :我同你介紹呀,呢個係阿昕,阿芯,阿芯男朋友阿滔,呢個係阿家 ...我男朋友

嘉嘉逐一向我介紹佢既朋友,介紹到佢既男朋友時,仲漾起一個甜蜜笑容

我 :衰妹,你幾時多左個男朋友都唔話我知啊

嘉 :er ..咪就係你去左英國果陣囉

我 :下,幾日既事?

嘉 :嗯...唔好講呢d,仲未同你介紹呢間屋既男主人 ..阿樂

我 :大家好,我叫阿純

芯 :好肚餓啊 ...快d出去燒野食啦,阿家同阿滔起哂爐架啦


唔知點解我腦出現左一句說話 「又係掛住食」,我即刻拉住嘉嘉問佢

我 :嘉嘉,我係咪從來都冇見過你既朋友架"

嘉 :um ..做咩事呀

我 :咁阿芯佢係咪好中意食野架"?

嘉 :係啊,你係咪記得d咩呀?

我 :記得d咩?

嘉 :唔係唔係,我係想問你諗到d咩?

我 :哦,,我聽佢講完之後,我個腦出左一句野 [ 又係掛住食 ]

嘉 :你講真架,哈 ...我去話比佢地知先

我望住嘉嘉好開心既表情就好了解,有咩值得咁高興,同埋佢要話比佢地聽咩?

冇啦啦,背後傳黎左一把低沉既男聲

[ 阿純小姐 , ,可以做我女朋友嗎 ? ]
牙純會點答佢呢???