上回 : ... 阿龍一路講件事 ... 其實佢已經好辛苦咁扶左我坐輪椅 ...

我先發覺 .. 其實無左隻腳係咁麻煩 ... 不過都係我自己拎黎呀 ...

之後阿龍又好辛苦咁扶左我上車 ... 好彩我只係無左一隻腳 ... 無左兩隻腳 .. 仲麻煩

向車上面 ... 我同阿龍不斷咁傾計 ...

我 : 阿龍 ... 不如唔好車我返屋企 ...

阿龍 : 你想去邊呀 !?

我 : 我想搵阿 YEN 呀 ... 我想見佢 ...

阿龍 : 佢都突登走費事你見到佢 ... 你仲去搵佢 ... !? 返屋企抖下啦 ...

我 : 咁我想去搵嵐 ...

阿龍 : 佢琴晚都唔知去左邊啦 , 你仲搵佢做咩野呀 !?

我 : 唔知 ...

阿龍 : 你岩岩先出院返屋企先啦 ... 好無呀 !? ... 唔好要我再擔心多一個人啦 ...

我 : 對唔住 ...

阿龍 : 乖啦 ... 你同阿 YEN 向我眼中永遠都好似妹妹咁 , 我唔希望我身邊個個人都有事

我 : 嗯 ... 我返屋企 .... 你幫我叫楓佢黎搵我 ...

阿龍 : 你自己返到屋企打俾佢吧啦 ^^ 佢實聽你電話

我 : 我唔知 , 我都唔明佢呷咩醋 , 佢未同我一齊之前可以係咁好 ..

我 : 琴晚0既事 , 我根本就唔想發生 , 佢嬲咩姐

阿龍 : 佢咁樣樣都係緊張你 , 重視你 , 好愛你姐 ... 佢係唔想失去你咋 ...

我 : 嗚嗚 ... 我都好難受呀 , 佢發咁大脾氣 ... 嗚嗚 ... 我只係想幸福開心之嘛

我 : 點解都咁難 WO ...

阿龍 : 每段感情始終要經歷下甜酸苦 X 呀啦 ~ 唔經歷過0既話 , 你地0既感情只係好脆弱

唔知點解我覺得阿龍佢真係好成熟0既感覺 ... 點解呢 !?

係因為佢經歷俾我地多 ~ !? 因為佢同嵐0既年紀差唔多 , 都只係大佢一年 ...

大我兩年 ...

其實佢個樣可以話係 3 個男仔之中 , 最高 , 最有男人味個個 ...

但係佢俾人0既感覺好惡 ... 唔易接近 ... 但係佢性格偏偏係好友善 ... XD

無幾耐 , 阿龍佢送左我返上屋企 ... 我0既鄰居見到我都問我有無事

仲問我唔好再咁傻自殺 ... 又話我嗲D 媽咪好擔心我 ... LEE D 野就算你地唔講

我都知道 , 我聽到仲好想喊 ...

阿龍送到我返屋企之後 ... 無幾耐佢就走左啦 ... 因為佢有電話打黎話有野要做走先

成間屋雖然唔係大 ... 但係就只係剩返我一個人 , 好悶好悶 ...

我曾經拎起個電話 , 打算打俾楓 ... 但係我打唔落手 .. 因為我唔知點同佢講

我好驚佢又再鬧我 ... 我唔想我地0既感情變差 ... 因為我慢慢開始愛佢 ...

平時佢總係係我身邊 ... 係我唔開心孤單0既時候 , 佢一定陪住我

但係而家我好唔開心好孤單 .... 陪我0既就只有自己一個人 .....

之後我訓左向沙發上面 .... 一直訓 ... 已經天黑啦

開始覺得肚餓 ... 今日阿爸阿媽都要收好夜 .... 要食野就要靠自己啦 ....

拎起支野 , 慢慢咁行去廚房 ... 可能因為唔習慣0既關係 ...

我跌低左向地下 ... 好痛 .... 我唔知點解自1喊左出黎 ...

我 : 嗚嗚嗚 !!!!!!

係咪因為我孤單 ... 定係我太掛住楓 .... 慢慢我心入面不斷咁墳滿左楓0既回憶 ...

向我病0既時候 ... 佢照顧我 ....

向我俾人蝦0既時候 , 佢會陪住我 ....

向我見到阿 YEN 同嵐接吻0既時候 , 佢會保護我 ...

向我想自殺0既時候 , 佢會盡力救我 ...

我真係好想見佢呀 ... 嗚嗚嗚 ....

突然間我手提響 ... 我不斷咁爬過去沙發到 , 因為個手提向沙發到 ...

我見到係楓佢打俾我 ...

楓 : ..................

我 : ..................

大家唔出聲已經足足有 3 - 4 分鐘 ...

我 : 嗚嗚嗚嗚 ...

聽到佢打黎我頭先個 D 不安 , 真係無哂 , 但係接聽左佢電話佢一聲都唔出 .... 我就又開始喊 ...

楓 : 做咩喊呀 !? 唔好喊啦 ~ [緊張]

我 : 嗚嗚嗚 ... 點解你唔理我呀 !? 你唔係話過 , 無論發生咩事都會陪住我

我 : 就算我唔願意你都會跟住我咩 ?! 嗚嗚 ... 點解我而家最無助0既時候 ... 最需要你向我身邊

我 : 點解你唔陪住我呀 !? 嗚嗚嗚

楓 : 對唔住呀 ... 其實我一早就向你屋企門口坐左向到 .... 唔好喊啦

楓 : 我唔知同你講咩野野 .. 所以我 ... 所以我 ... 唔敢面對你

楓 : 琴晚發你咁大脾氣 ....

向楓佢講 LEE 段說話0既時候 , 我好努力咁爬去拎返支野 ... 整返自己起身 ...

好努力咁行過佢 ....

開左門 ... 楓佢好驚啞 ... 見到我開門 ... 我咩都唔理 ... 就連支撐我個支野 , 我都唔要

我只係一野咁攬住楓 , 我唔想俾佢走 , 邊到都好 , 唔好離開我 ... 嗚嗚

楓 : 嘩 .... [我攬住左佢]

楓 : 小心 D 呀 .... 你 .... [一野抱起左我]

我 : 嘩 ~~ 嚇死我啦 ~ 嘻嘻

楓 : 又喊又笑 ~ 傻瓜 ... 對唔住呀 ...

我 : 噓 ... 唔好再講對唔住好無 !? ... 我只係想你以後唔好離開我 ... 嗚嗚 [攬到楓好實]

我 : 我唔想你離開我一步 , 就算一步都唔可以 ... 嗚嗚

楓佢慢慢咁放開我攬到佢好實0既手 ...

楓 : 你放心啦 .... 就算你要我離開你 , 我都唔願意 ... 你知呀 ^^

我 : 嗚嗚嗚 ... 你知唔知我頭先好唔開心呀 ~ 嗚嗚嗚 ... 我好掛住你呀好掛住你呀 !!!!!

楓 : 我都好掛住你 .... 對唔住 ... 應成你 ... 我會一世咁愛你 ...

我 : 嗯 ........

之後我錫左楓佢個咀一下 , 佢面紅 ... 好可愛 ~ 嘻嘻 ~

之後我地交換左好多個吻 .... 無幾耐有人向門口到咳左兩聲 ...

X : 咳咳 ..... 唔該你地做 LEE D 野可唔可以關門呢 !?

究竟係邊個咳呢 !? 大家係咪好想知呢 !?

上回 : 門口到咳左兩聲 ...

X : 咳咳 ..... 唔該你地做 LEE D 野可唔可以關門呢 !?

之後我同楓都即刻望去門口個邊 .... 原4係阿龍

我地兩個都即刻面都要哂 ...

阿龍 : 好心你地關哂門個 D 先啦 .... 我唔阻你地啦 ....

我 : 呀 >< 你 ... 你黎做咩野呀 !?

阿龍 : 無 ... 我擔心你無人理會肚餓諗住同你去食野 , 不過估唔到會有人黎餵飽你姐 =-= [望住楓]

楓 : 駛唔駛咁0既眼神望住我呀 !! 搞到我好似 DUCK DUCK 咁 =-="" [無奈]

阿龍 : TUM 返掂條女咪好囉 ... 咁樣樣佢就唔駛係咁喊啦 ...

楓 : 我係唔會再俾佢喊啦 ... 而家去食野啦 ....

之後楓佢抱左我去住輪椅 ... 然後推左我落去樓下0既商場食飯 ....

一路推我0既時候 ... 附近0既人都係咁望住我 ... 留意我

我覺得好唔舒服 ... 好討厭 ...

我去左間野餐廳0既時候 , 其中有班女仔仲話 ...

女 : 咁細個殘廢 .. 真係陰公 ~~~ [但係暗串]

女 : 超 ~ 佢殘廢都幾幸福呀 , 有兩個咁令仔又有型0既男人照顧

女 : 我殘廢都願啦 ~ 係咪 !?

女 : 咁又係呀 ~ 我都想兩條船照顧我 ~~~~ 真係好呀 ...

我忍唔住回左佢地幾句 .....

我 : 做咩呀 !? 羨慕呀 !? 羨慕0既咪試下跳樓跳斷隻腳囉 ~~~

我 : 不過都係算啦 ~ 你 D 咁0既大豬扒行出街 D 人都嘔飯啦 ~~~

我 : 同我一齊食飯簡直影響市容 ... 返屋企同塊鏡食你會開心 D 0既 ~

班女 : 你 !!!!!!!!!!!!!!

阿龍 : 做咩事呀 !? 出去同你買個野食姐 ... 咁多事0既又 =-="

楓 : 小泙 ~~~ 你 D 野食呀 ^0^

班女 : 真係名乎其實0既平 [指個波]

楓 : 你地講乜野呀 !? 我地食飯又關你咩事呀 ~

阿龍 : ... 你地精精地就唔好出聲 ... 邊個得罪佢條女睇怕唔會有好事發生 ...

班女 : 我駛怕你地呀 !? [好似想 CALL 人]

阿龍 : 你想 CALL 人0既都無所謂 ... 我 CALL 人快過你地呀 .. 唔想有事0既就啦啦聲走啦 ...

班女 : 超 ................ [閃人]

我 : ...... 食餐飯姐 ... 唉 ... 殘廢都咁 ...

楓 : 小泙唔緊要 ~ 佢地蝦你我實幫你出頭 ~ XDDD 無人敢蝦你呀 ~ [笑得好天真]

我 : 嘻嘻 ~ 我知道你一定會保護我 ~

阿龍 : 唔好係我面前咁幸福得唔得呀 !? ... 我而家單身呀 ....

我 : 你搵阿菲囉 ....

點解我會提到阿菲 !? 因為我真係好想知阿菲背後有咩野野係可以食住阿龍

個次竟然向我地面前大大方方咁行出去 ....

不過當我一提起阿菲 ... 阿龍面色即刻好沉重 .... 楓佢就打哂眼色話我知 ...

楓打眼色 : 唔好提起阿菲 LEE 個人 ... 阿龍佢一陣又唔食野你就x街 ...

我 : 對唔住呀 ...

阿龍 : 唔緊要啦 .... 食飯 ^^

雖然阿龍佢係對住我微笑 , 不過佢笑得好勉強 ...

食野0既時候 , 佢地一直都無出聲 , 而我又唔想搞到好似頭先咁 ... 所以都係唔出聲

食完野之後 ... 阿龍又有電話搵佢 , 原來又係大佬 ... 不過今次楓都要跟埋出去 , 好似係大事

所以佢地兩個送我返屋企 ... 返到屋企 ...

楓 : 小泙 ~ 向屋企等我知唔知呀 !? ^^

我 : 你去邊呀 !? 帶埋我去啦 ...

楓 : 個到好危險呀 ... 你向屋企等我 , 我今晚返黎陪你 ... 你有咩打我手提好無 !?

我 : 嗯 .... 咁你記得要聽我電話知唔知呀 !?

楓 : 嗯 ~~~

之後楓輕輕咁向我額頭吻左一下 , 我地兩個都笑得好甜 ...

阿龍 :  ... 攬攬錫錫轉頭先啦 ... -0-

楓 : 難得佢接受我梗係錫多 D 啦 ...

阿龍 : 大佬吹啦 ... 快 D 啦 ...

楓 : 拜拜

我 : 拜拜 ~~~~~

之後我關左門 ... 又再呆坐左向到 ... 爸爸媽媽都仲未返 , 好多野想同佢地傾 ...

但係佢地都未返 .... 係 WO ... 佢地食左野未呢 !? , 不如我煮 D 野俾佢地食呀 ~ ^^

之後我就坐向輪椅上面推自己去到廚房 ... 打開雪櫃先發現原來

自我離開屋企之後佢地都無再向屋企煮飯食 ... 因為成個雪櫃都無哂送 ...

咩都無 .... 我好灰心咁返左出去 .... 坐左向到 .... 然後望到我袋書 ...

我先記返起 ... 原來我仲未睇完本書 ....

之後我一個人向屋企又再拎起個本好殘又好恐怖0既書 ...

慢慢慢慢又再睇落去 ....

終於我睇到最後個頁 .... 我終於知道死神0既下落 .... 我驚訝到喊左出黎

我 : 嗚嗚嗚 .... 無可能呀 !! 唔會呀唔會呀 !!! 佢點會對我 ... 嗚嗚嗚 呀 !!!!!!!!!!!!!!!!!!!!!!!!

我不停咁喊不停咁嗌 .... 發洩我心入面0既傷心

上回 : 我終於知道左死神點解咁其異 .... 我明白左死神 ... 佢已經落左第 18 層地獄

係為左我而家落去 ... 係我連累佢呀 .....

[ 18 層地獄 ]

LEE 層如果多數只係處理返死神 ... 多數都係死神對人產生左愛 ... 又或者係做左件好錯好錯0既事

若果死神對人產生左愛0既感情 .... 佢地會為人留好多眼神 ...

LEE 種眼淚唔係憐憫佢地 ... 而係愛上左佢地 ... 通常會係行為上不停咁為佢做任何事

不過最終問題係 ... 如果死神希望人復生 ... 一定要獻上自己 ...

通常人0既生死係無得改變 .... 只有死神去操控先可以人0既生死 ....

所以如果人要復生的話 ... 死神就要獻上自己 ... 不過同時 ... 佢要落 18 層地獄

LEE 個就係佢應得的結果 ... 好多死神都知道有咁0既結果 ...

不過佢地為左喜歡的人 ... 多數都會咁做 , 有人認為佢地傻 ... 但係亦有人覺得佢地好偉大

而本人覺得 .. 死神向人類0既眼中一 D 都唔可怕 ... 佢地亦同樣有友善0既心

外表雖然好冷淡 ... 其實佢地比人類更有情 ....

18 層地獄 LEE 層會係一個可怕0既地方 ... 佢地要受0既 .... 係最痛0既苦 ....

要接受哂所以唔開心 , 傷心 , 同悲痛的感受 .... 接受所以最痛0既痛苦 ...

..................

之後我睇到 LEE 到我已經唔敢再睇落去 ... 我已1喊得好西利 ...

我永遠都唔會有自殺0既念頭 ... 因為我條命係死神佢俾我 ...

係佢將佢自己換左俾我 ... LEE 條命唔係單單我自己一個咁簡單 ... 而且 ... 嗚嗚

條命死神都有份 ... 就算我再有幾咁傷心都好 , 我都唔會再自殺 ...

因為 ... 我為左死神點都好 ... 要好好咁活落去 ....

而且我更加無能力可以救到死神 ... 為左報黎佢 , 我亦都只可以用我0既下半生

黎報黎佢對我0既恩 .....

喊左好耐好耐 ... 我0既媽咪返左黎 ....

佢見到我喊得好西利 ... 就好緊張咁問我 ...

媽媽 : 做咩事呀 !? 小泙 !? 發生左咩事呀 !? [緊張]

我 : 嗚嗚嗚~~~ 媽媽 ~~~ 嗚嗚嗚 ..... 我以後都會好好咁生活落去唔再自殺呀啦 嗚嗚嗚

媽媽 : 無事呀無事呀 ... 我知道啦 ... 傻囡唔好小小事就喊啦

媽媽佢不停咁攬住同摸我個頭 ... 向到安慰我 ...

我唔敢同媽媽佢講死神0既事 , 因為佢地一定唔相信 ... 所以我決定唔講

之後媽媽佢扶我返左張床到 ...

媽媽 : 好啦 ~ 訓啦 ... 聽日同你返學校辦退學手續 ....

我 : 嗯 ... 你聽日放假咩 !?

媽媽 : 我同公司告左假 ... 事假 ^^ 你點都重要過做野嘛 ~ ^^

我 : 多謝你呀媽咪 [錫左佢面一啖]

媽媽 : 咁你快 D 訓啦 ...

我 : 但係 ... 楓佢今晚黎 BOR !? ...

媽媽 : ....... 咁 .... 我幫你等佢門好無 !?

我 : 嗯 ^^

媽媽 : 只此一次咋 ~ 你知爸爸佢唔鐘意男仔向到過夜呀啦 ^^

我 : 唔該媽咪 ^^

之後我一訓就訓到去半夜0既 4 點幾 .... 我個口好乾 ... 我想飲啖水 ...

本算起身啦 ... 點知我一拎支野 ... 就唔覺意整到楓 ... 原來佢訓左地下 !?

楓 : 呀 ... 好痛 ><"

我 : 對唔住 , 我唔知你訓左向地下 ....

楓 : 唔緊要啦 ... 你想要咩野野呀 !?

我 : 我想飲水呀 ... 個口好乾 ><"

楓 : 我去拎俾你飲啦 ^^ ... 你坐向到 ~~ 知唔知 !?

我 : 唔該 ~~~ >3<

之後楓佢就斟左杯水俾我飲 ~ 唔知點解連杯水都覺得好甜 XDDDD

我一路飲就一路向到笑 ~ 嘻嘻

我 : 嘻嘻 ~~~

楓佢就輕輕咁掂我塊面 ....

楓 : 飲水都飲到笑0既 !?

我 : 唔關你事 ~ 嘻嘻

楓 : 笑咩呀 !?

我 : 無呀 ~ 我笑你對我咁好囉 ~ 嘻嘻

楓 : 咁我永遠都對你咁好 ~ 好唔好 !?

我 : 係先好講呀 ~ 唔準你好似向醫院個日咁

楓 : 我會盡力呀啦 ~~ 錫啖先啦 ~ 今日好累呀 ~~~

我 : 啜 ~~ [錫左佢一啖] 你出去做咩呀 !?

楓 : 無呀 ... 阿大佢講數 ... 咪叫埋我地去陪親下囉 ....

楓 : 點知講唔掂又打交 ... 打到咁上下又有差佬 ...

楓 : 我同阿龍咪走囉 ....

我 : 咁阿嵐佢有無出黎呀 !?

之後楓佢 BEE 一 BEE 我 ~ =-="""

我 : 我唔係有意提起佢定係擔心佢點點點 ~ 只係作為一個朋友 , 知你地 3 兄弟成日係埋一齊 ..

我 : 我先問下咋 ... =-=" 救命呀 ~

楓 : 無呀 ... 佢無黎到 ... 聽大佬講好似去左陪 DOUBLE ....

我 : 下 !? 咁阿 YEN 呢 !?

楓 : 我都無見到阿 YEN , 阿 YEN 佢點會向到 BOR ... 醫院個晚俾佢鐘左野

楓 : 仲會見到阿 YEN 咩 ... 阿 YEN 最 MIND 就係個樣 ....

我 : ........

楓 : 算啦 ~ 訓啦 ~

我 : ... 我聽日一早同媽咪去辦退學手續 ...

楓 : 咁我陪你地去啦 ^^ 有我向到幫輕你媽咪呀

我 : 即係話我好麻煩咁話啦 BOR ~ 哼

楓 : 邊到係 BOR ~ 老婆大哂嘛 ~~

我 : 邊過係你老婆呀 !?

楓 : 你咪係囉 ~~~ LEE 一世都唔俾你走呀啦 ~ 嘻嘻 [攬實我]

我 : 嘩 ... 救命呀 >< 唔準訓上黎呀 ~ 嘻嘻

楓 : 我地都係男女朋友啦 ~ 怕咩 BOR ~

我 : LEE 到我屋企黎嘛 ~ 唔準你咁呀 ><

楓 : 咁算囉 ~~~

楓佢就訓返落地下 ... 停左一停 之後又彈上黎

楓 : 真係唔想我攬住你訓呀 !? 嘻嘻

我 : 唔駛呀 ~ 快 D 訓啦 ~ 聽日 10 點要起身呀啦

楓 : 老婆早抖 ~~~~

我 : 楓早抖 ~

楓 : 唔叫我老公呀 !?

我 : =.=" 我都未嫁俾依 , 嫁左先講啦 ~ 哈哈

楓 : 車 ....

之後我地就訓覺 LO ~~~

回 : 我同楓都訓左覺 .... 大家一訓 , 就訓到第日0既 11 點幾 ...

媽媽 : 喂 .... 起身啦 ~ 11 點幾啦 ~ 再唔起身 ~ 遲到呀啦 ~ [狂拍門]

楓 : 嗯 ..... 你媽咪叫你起身啦 .... 喂 .... [仲訓緊 =-=]

我 : 我訓多 3 個字先啦 ... 好累呀 ..

媽媽 : 3 個字又 3 個字 =-=" !!! 快 D 同我起身呀 !! [再狂拍門]

我 : 呀 >< 救命呀 ~ 起身啦起身啦 ~

之後我起身 , 拎起我支野 ... 之後我用支野一野咁插落楓身上 哈哈

楓 : >< 呀 !!!! 好痛好痛 ><

我 : 捨得起身未呀 !? 快 D 扶我去刷牙洗面 ~~~ 嘻嘻 [奸樣]

楓 : 呀 ... 你真係呀 !!!

楓佢一野推左我埋床上面 .... 我的鼻尖貼住楓的鼻尖 .....

我 : 嘩 ... 媽咪呀 ~ 有人蝦個殘廢0既人呀 >< 救命呀 ~

媽媽 : 你兩個起身又向入邊玩咩呀 !? 快 D 出黎呀 ~ 哈哈 ~ 要去辦亡學手續呀 ~

楓 : 車 ~ 我就俾面你媽咪而家放過你一次 ~ 之後你無咁好彩 ~ KEKE [奸笑]

我 : 呀 ~~~ 你學我 >< """

楓 : 快 D 起身啦 ~ 我扶你出去刷牙洗面先啦 ~

之後楓扶我坐左上輪椅之後 ... 我就向廚房刷牙洗面 , 因為廁所唔夠大嘛 ~ ^^

之後刷完牙洗完面 , 楓佢就推我一齊去到學校 .....

[ 學校 ]

返到學校咁岩佢地就放 LUNCH .... 當我岩岩到學校門口0既時候 ...

嵐佢企左向到 !? ... 我同楓都覺得驚訝 ....

我地走埋去拍嵐 ....

嵐 : E !? .... 呀 .... 咁岩 ... 呀 !? [驚]

楓 : 你做咩向到呀 !?

嵐 : .... 我 ... 我 黎 ... 接 ... 接人食飯 ...

我 : 接阿 YEN !?

嵐 : 唔係 .....

我 : 咁你接邊個呀 !?

嵐 : ..................... [無言]

突然就有把女仔聲 ... 嗌嵐 ... 當然 LEE 把聲我永遠都唔會忘記啦 ~

就係 DOUBLE

DOUBLE : 嵐 ~~~ 你向到做咩呀 !?

嵐 : 無呀 .... 撞到 D 朋友之嘛 .... 咪吹兩咀囉 ...

DOUBLE : 哎呀 ~~~ 你0既朋友真係廣泛啦 ~~ 殘廢0既 !?

之後我 BEE 嵐 ~ 叫佢解釋清楚係咩事 !!!

嵐 : ........ 噓 ......

DOUBLE : 哎呀 ... 對唔住呀 ... 我真係無心呀 >< 我唔知講 D 咁0既野會 HURT 到你 BOR

楓 : 八婆你好收聲啦 BOR !!! 嵐出句聲啦 !!!

之後阿 YEN 佢又放 LUNCH 見到我地 , 我見到阿 YEN ... 不過佢對眼好腫好腫

之後成身有好多俾人打0既傷痕 ... 明明阿 YEN 係唔會俾人蝦 ...

點解而家會搞成咁 !? ....

阿 YEN : ............. 唔好嘈 ... 走啦小泙 .....

DOUBLE : 點呀 !? 死哂狗呀 !? 而家無左嵐佢保護你 , 你就死哂狗 !?

阿 YEN : 今日個仇我一定會報 ... 小泙我地走 ...

媽媽 : 小泙 ~ 我買左水俾你啦 ~ ^^ 飲呀 ~~

我 : 媽咪你行開一陣先 ... 之後入學校我打俾你 ...

媽媽 : 但係 ...

我 : 得啦 ~ 有楓佢向到照顧我 ~ 唔會有事 ~

之後我媽咪就行開左 ....

嵐 : DOUBLE 唔好搞事啦 ... 走啦好無呀 !?

DOUBLE : 你唔好唔記得你同我講過咩野野呀 !! 我想做咩要咩無人阻到我 ~

DOUBLE : 正如我要得到你 , 我話左要得到你就好似而家咁一定得到你 !! [望住我講]

我 : 死八婆 ~ 好可惜呀 ~ 我根本就唔想得到佢 BOR ~ 我有左佢 ~ 就算無嵐都唔重要

楓 : 係呀 !! 唔好以為個個都會鐘意嵐先得呀 ~ 好似你咁 BAD TASTE 咩 !!

阿 YEN : 佢 LEE 種貨識 ~ 通街都係啦 !!! 都唔明你點會選擇佢 ~

阿 YEN : 我要搵人保護我0既 , 大把都有 !!

阿 YEN 佢終於似返以前0既佢 , 唔再好似岩岩0既佢咁死狗 ...

DOUBLE : 咁邊個保護你我咪要邊個囉 ~ 哈

阿 YEN : 你估我老豆真係咁白痴 , 個個人都俾你咩 !? 係嵐佢無x用先借俾你之嘛

阿 YEN : 我地係咩人你好清楚呀 !? 要同我地玩黑 , 你邊到夠料呀 !?

阿 YEN : 返屋企訓覺啦 ~

DOUBLE : 你 !!!! 你信唔信我打多你一鑊呀啦 !!!

阿 YEN : 我又唔怕呀 !! 今日係我唔還拖 ~ 唔表示你日日都可以打到我 ~

阿 YEN : 而且由今日起 , 我同小泙都退學啦 BOR ~ 夠料0既咪黎我屋企打我囉

DOUBLE : 你條八婆 !! 嵐 !!! 打佢呀 ! 再打佢一鑊都無問題啦 !!

嵐 : 收聲啦 ....

DOUBLE : 你講咩話 !? 我聽唔清楚 BOR ...

嵐 : 我叫你收聲呀 !! 我係似住我大佬話要我陪你條癲婆我先陪你咋 !!!

嵐 : 你估我真係好x想陪住你呀 !? ....

DOUBLE : 得 !!!! 你地好野 !!! 睇住黎呀 !! 我一定搵我老豆呀 !!

我 : 哎呀 ~ 爸爸呀 ~ 爸爸呀 ~~~ 你個乖囡我俾人蝦呀 ~~~ [大聲]

之後 DOUBLE 好唔 LIKE 發哂脾氣咁走 ...

大家 : 哈哈哈哈

楓 : 一陣又要返去同大佬解釋啦 ....

嵐 : 唉 .... 我真係忍唔住啦 ... 忍左咁耐 ... 條女都癲呀 !!

阿 YEN : 慘得過我 LEE D 正常0既俾人打啦 ~

我 : 阿 YEN 過黎呀 ... 俾我睇你有無事 !?

之後阿 YEN 行左黎我身邊 ....

我 : 陰公囉 ~ 成身都傷哂 ... 塊面 .... 係咪嵐打你呀 !? .... 痛唔痛 !?

阿 YEN : 唔痛呀 ~ 小泙咁對我咩都抵返哂啦 ~ 係咪 !? [眼都紅哂]

嵐 : ........ 小泙 ... 我有野想同阿 YEN 傾 ....

我 : 唔得 ... 你同我解釋埋先 !! 你個晚做咩要一走了之 ~ 我明明話左邊個都唔準走

我 : 你地知唔知你地個個走哂我有幾 DOWN 呀 !?

嵐 : 對唔住 ... 我真係面對唔到你 ... 就算而家我見到你

嵐 : 我就諗起你跳樓單野 .. 我好想嘔 ...

我 : 咁點解你要避姐 !? 而家件事都唔關你事啦 ~ 係我係跳樓自殺

我 : 但係件事根本就唔會因為你一個而跳樓自殺 ... 我係屋企人又無 .. 你兩個都無 ..

我 : 就連楓佢0既屋企人都擔心我 ... 我覺得自己真係獻世囉 ...

我 : 避我無問題 , 點解你又要避阿 YEN 姐 ... 你地都知道大家愛大家

我 : 我真係唔明白你為乜要咁對佢囉 !!! 咁傷佢第一時間唔係理佢

我 : 仲要走 !? 你係咩人呀 !?

阿 YEN : ... 小泙夠啦 ... 而家係佢向我解釋0既時間 ... 你入去學校等我 ....

我 : 咁好啦 ...

之後楓佢推我返入學校 ....

我 : 楓 拎手提俾我 ~ 我打俾媽咪 ~

楓 : 你真係由得佢兩個呀 !?

我 : 唔係可以點姐 , 阿 YEN 都叫到我咁做 .... 我都無辦法啦 ...

楓 : 咁又係 ...

之後我就打俾媽咪叫佢向學校等 ...

上回 : 阿 YEN 洗開左我阿楓 .... 我同阿楓佢兩個人向學校到等媽咪黎 ...

同時 .... 阿 YEN 同嵐0既情況 ....

佢地靜止左 15 分鐘 ...... 兩個只係呆企左向到 ... 好耐好耐 ...

嵐 : .......... 差唔多暖返啦 ...

阿 YEN : 嗯

嵐 : 企左咁耐 , 不如我地搵個地方坐低飲野啦 ~ 好無呀 !? ...

阿 YEN : 嗯 ...

但係阿 YEN 仍然係一副受左傷0既樣 ....

當佢地去到一間荼餐廳坐左坐叫埋野飲 ....

伙計 : 你位想食 D 咩呀 !?

嵐 : 我要個 B 餐 , 飲冰咖啡 ....

阿 YEN : 咖啡對身體唔好 ... 你飲奶荼無咁傷呀 ..

嵐 : 咁要杯凍奶荼呀 , 唔該 ...

阿 YEN : 我剩係要杯凍檸水就得呀啦 , 唔該 ...

嵐 : 你 D 傷口仲未好唔好食酸野 , 好易有疤痕呀 .... 飲鮮奶 , 鮮奶好 D ...

阿 YEN : 是但

其實從 LEE 樣野就睇得出佢地兩個已經好關心對方 ...

但係雙方仍然唔肯踏出第一步 , 咁樣樣係無辦法行前行呀 ...

而且 DOUBLE 件事 , 仲未完結 ....

嵐 : 對唔住 .... 塊面仲痛唔痛 !?

阿 YEN : 無事 , 有心啦 ...

嵐 : 其實我真係唔想變成咁 ... 我 ... 我 ... 只係 ...

阿 YEN : 放心啦 ~ 我知我地0既關係係咩 ! 聽日開始我會叫阿龍睇住我

阿 YEN : 我地以後咩關係都唔係 ... 知道嘛 ?

嵐 : 點解 !? ... 點解 ....

阿 YEN : 點解 !? 我對你真係淡哂 ~ 係我認我愛你 ~ 但係你呢 !?

阿 YEN : 你仲要做幾多傷害我同小泙0既事呀 !?

阿 YEN : 我真係唔明白你點解可以咁做囉 ~ 你有幾愛我 , 我真係要好好諗清楚

嵐 : DOUBLE 件事係你老豆拉我咁做呀 ~ 佢為左得到 D 地同權力先咁做姐

嵐 : 如果我得唔到你老豆0既信心 , 佢點放心交你俾我呀 !?

阿 YEN : 剩係 DOUBLE 件事 , 就已經唔可以將我交俾你啦 ~ 一世說話就俾個娖點到團團轉 ~

阿 YEN : 我今日見到你就打算講清楚 LEE D 野

阿 YEN : 我要做返我自己 , 我唔想再懦弱落去 , 小泙無左隻腳 , 但係佢仲可以好開心

阿 YEN : 我 LEE D 係咪應該要俾佢更加開心呀 !?

阿 YEN : 我決定唔會再同你拖拖拉拉 , 我會搵個更好 , 希望你同 DOUBLE 幸福

阿 YEN : 以前成日利用左你 , 真係唔好意思 ~ 但係今後都唔會再有咁0既事 ~ 再見

就係咁 , 阿 YEN 連杯野飲都無飲到就離開左嵐 ...

嵐係好想捉住阿 YEN ... 但係阿 YEN 講得好決絕 ... 嵐佢無辦法行動 ...

相信而家 LEE 一刻 , 阿 YEN 對嵐確確實實係已經死左條心 ...

無幾耐阿 YEN 都返左黎學校會合我地 ...

我 !? 梗係第一個好緊張阿 YEN 0既事啦 ~

阿 YEN : 做咩呀 ~ ^0^ 咁擔心我咩 !?

我 : 你同嵐佢點呀 !? ... 你無事嘛 !?

阿 YEN : 有咩點呀 !? 咪無哂機會囉 ~ 嘻嘻 ~ 我唔想再同佢係埋一齊 ~ 就係咁

我 : 但係 ... 你以前好鐘意佢呀 ... 都係我之嘛

阿 YEN : 算啦 ~ 再諗返起同你岩岩識個陣時 , 我都未鐘意佢0既

阿 YEN : 只係 DOUBLE 個件事先令到我愛上左佢 ... 但係而家先發覺

阿 YEN : 我同佢根本就唔適合係埋一齊 , 如期咁樣 , 不如同小泙一齊幸福仲好啦 ~ 嘻嘻 [攬住我]

雖然阿 YEN 佢攬住我 , 但係我感覺到佢個心好似有種空虛0既感覺

好似受左好0既傷咁 !? .... 我唔清楚佢同嵐之間發生左咩事

但係我知道阿 YEN 用左佢最大0既努力向我面前不斷咁笑得好開心 ....

無幾耐 .... 我地一齊交左封退學申請信 ....

LEE 段時間未得到校方0既同意 , 我地兩個仍然都要返學 ...

媽媽佢本身都叫我唔好返 ... 話我咁樣樣返學好辛苦

但係我想陪住阿 YEN ~ 就算幾辛苦 , 我都唔介意 .... 校方都因為我隻腳0既問題

對我有特別0既破例 ~

之後我地好開心咁去飲茶 .... 飲茶個陣大家都食左好多野

我地都好開心 , 好似重來都無發生任何事一樣 ...

之後媽媽推我返屋企 , 而楓佢就送左阿 YEN 返屋企先 ... 話哂佢都要保護阿 YEN

雖然楓佢想陪住我 ~ 嘻嘻 ~ 但係我想暫時同媽媽兩個一齊

上回 : 楓佢送阿 YEN 返屋企 , 知道佢同嵐係係返埋一齊 ... 唔知點解我覺得有自己有小小罪惡感

係因為我令到佢地兩個唔可以係埋一齊 !?

但係我清楚一樣野 , 就係阿 YEN 個心好空虛 ... 好孤單 ...

媽媽推到我返屋企0既時候 ... 就只有我同媽媽兩個 ~

諗返起以前成日都係佢煮野俾我食 , 但係而家照顧我0既竟然係媽媽

我真係好想有 LEE 種生活 , 但係我得到 LEE 種生活唔係我自己換返黎

但係死神佢換俾我 ... 係佢換返條命俾我 ... 但係我已經唔太記得佢個樣啦

我明明叫自己一定要記得佢個樣 , 但係我0既記憶好唔清楚 ...

但係我知道自己如果遇見到佢的話 , 我一定唔會忘記佢 ~ 記返起佢 ...

媽媽 : 阿囡 , 你買 D 花做咩呀 !?

我 : 我想拜一個人 ... 我一陣同楓佢去 .. 你就向屋企休息一下 ...

媽媽 : 但係黑玫瑰唔係拜祭個 WO ....

我 : ^^ 放心啦 ... 仲之係拎黎拜一個人 ...

媽媽 : 嗯 ... 你同個個男仔拍緊拖呀 !?

我 : 嗯 ^^

媽媽 : 你無左隻腳 BOR , 佢唔介意咩 !? ... 而且 ... 你而家咁 ...

我 : 我知道佢唔會介意我 , 向佢心目中 , 只會有我 ...

媽媽 : 我唔想你俾人呃呀 ...

我 : 媽媽你放心啦 ~ 楓佢對我好好呀 ~ ^^ 又照顧我 , 以前一直都對我好好

媽媽 : 你咁講就無辦法啦 , 仲之有咩事媽媽向你身邊知嘛 ...

我 : 傻0既 ~ 會有咩事 WO ~ 嘻嘻

媽媽 : ........................

之後媽媽就煲左 D 湯俾我飲 ~~~ 好幸福呢

媽媽 : 睇熱啦 ~ 真係呀 ... 慢慢飲呀

我 : 呀 >< 好熱 ~

媽媽 : 係咪呢 ~ 個頭講完個頭就整親啦 ~

我 : 你煲到咁熱唷 ~

媽媽 : 你仲怪我 !? [怒]

我 : 嘻嘻 ~ 講笑之嘛 ~ 好幸福呀 ~ 媽媽 ,,, 我仲記得以前媽媽未去返工0既時候

我 : 我每次病左 , 你都會斟杯熱水俾我飲呀 ~ ^^ 而家就好似以前咁

媽媽 : 嗚嗚 ... 小泙對唔住 , 係媽媽唔岩 , 以前就對你唔好

媽媽 : 等你而家搞成咁先對你好 ~ 嗚嗚嗚

我 : 媽媽呀 ... 都唔關你事 , 唔好咁啦 ~ 我而家仲好好呀 ^^ 起碼我而家得到我想要0既野係咪 !?

媽媽 : 我會遲左份工佢 , 以後去照顧你 , 我都同爸爸講過無問題 , 爸爸會辛苦 D ...

我 : 你地又唔同我商量啦 ~ 真係過份呀 ~

我 : LEE 到又係我屋企 , 我又咁大個人 BOR ~ 邊到會唔識照顧自己呀 !!!

我 : 加上 D 醫藥費洗左咁多錢 , 我地屋企而家應該係赤字先岩呀

我 : 如果你再唔返工 , 爸爸就更更更更更加辛苦呀啦

我 : 我都會好似以前咁幫你地煮好夜晚個餐 ^^ 同早餐 ... ~ 嘻嘻

媽媽 : 唔得呀 , 留你一個人向屋企我始終唔放心 ...

我 : 咁啦 ^^ 1 3 5 7 就叫楓佢黎照顧我 , 2 4 6 就叫阿 YEN 黎好無 !?

媽媽 : 麻煩人地仲更加唔好 .....

我 : 佢地係我0既朋友邊到會麻煩 BOR , 家上有佢地向到我都無咁悶呀 ^^

媽媽 : 咁今晚我同爸爸傾下先啦 ...

我 : ^^ 退左學之後我會搵野做呀啦 ~ 到時你唔駛煩咁多啦 ~ 爸爸又可以放假啦 ^^

媽媽 : 等你好返先啦 ....

我 : 隻腳都話斷左囉 = =" 邊到會好返呀 ~ 我識照顧自己就得啦 ~ 係咪 !?

媽媽 : 同爸爸傾清楚先算啦 ...

我 : = =" 咁好囉 ....

無幾耐阿楓佢都返左黎 ~

楓 : 伯母 ... 我返黎啦 ^^

上回 : 阿楓佢岩岩返到屋企 ~

阿楓 : 伯母我返黎啦 ~

媽媽 : 嗯 ... 你陪小泙出去呀 ... 小泙佢有地方想去

阿楓 : 嗯 ~

入去我間房 ~

阿楓 : 嘩 ~~~~ D 花送俾我呀 ~ 哈哈 ~~~ 但係我唔想要黑玫瑰 BOR ~

我 : 唔係送俾你呀 ~ 我係拎去拜一個人呀 ..

阿楓 : 你又諗死神0既事呀 !?

我 : 我0既死完全都係因為佢 , 我做唔到咩都唔做 , 可以當無事發生過呀

阿楓 : 我知你個心諗咩 , 但係你可唔可以當無死神0既存在姐 !? 係佢自願換條命俾你呀

阿楓 : 黠解你會為佢諗 , 我呢 !? 你有無為我諗呀 !? 我想你諗我多 D 呀

我 : 我唔想同你嗌交呀 , 我只係覺得我自已應該為左佢返 D 野姐

阿楓 : 口口聲聲就話為左佢做 D 野 , 其實你個心就鐘意左佢 !!!!!

我 : 你唔好打橫黎講好無呀 !? 我都話想為佢做返 D 野 ~ 我鐘意個個係你

我 : 點解你唔明姐 !? 佢係我恩人呀 !! 做人要識報恩呀 !!! 我覺得你有 D 冷血囉 ...

阿楓 : 我冷血 !? 我鐘意你 , 我可以切切底底咁愛你 ~ 就算你無左隻腳我都願意照顧你呀 !!

我 : 你而家即係咩意思呀 !? 即係覺得我無左隻手你好介意啦 !!

阿楓 : ....... 我唔係咁0既意思呀 ...

我 : 算啦 ~ 我諗我地真係無可能係埋一齊 , 我無左隻腳唔岩你 , 你搵返一個健康0既女朋友啦 ,,,

阿楓 : 我都話左唔係介意你囉 ... 你唔好咁執著好無呀 !?

我 : 對唔住 , 我份人就係咁 , 一句說話就夠啦 , 夠啦 , 我唔想見到你 .... 唔該你走

阿楓 : 我唔會走呀 ....

我 : 我唔想見到你 , 暫時我地冷靜下先啦

阿楓 : 算啦算啦 ~ 當我唔岩我唔著好無 !? 係我講錯野 ... 但係你信我我真係好愛你呀

我 : 好愛又點姐 !? 你介意我無左隻腳呀 .... [喊]

我 : 我聽到個刻真係心碎囉 , 係你自己話唔介意 ~ 今次系你自己講出口

我 : 你叫我點呀 !? ....

阿楓 : 都係你成日提起死神 ~ 如果你唔提起佢根本就無事發生 ...

我 : 我都只係話去拜佢去 , 你駛唔駛咁大反應呀 !?

阿楓 : 咁又唔見你送花俾我 !?

我 : 你係男人黎個可 !? 女人送花俾男人會唔會搞笑 D 呢 !? .... 而且 D 花係拎黎拜死人用...

我 : 你竟然呷個死人醋囉 XDDD [笑]

阿楓 : 笑返咪好囉 .... 對唔住呀 .... 原諒我啦好無呀 !?

我 : 你改呀 ~ 你改左 D 性格我就原諒你 ...

阿楓 : 咁我呷醋都係緊張你之嘛 ~ 話哂我以前都未試過咁愛一個女仔

阿楓 : 咁我都係唔識點去對你姐 ....

之後我用隻左手一野 MET 佢塊面 ~~~

阿楓 : 呀 >< 好痛 ~

我 : LEE 下係你自己 LO 黎呀 ~ 無論點我都鐘意你 , 我地經歷左咁多野 ...

我 : 唔係應該係幸福0既時候咩 !? 而家你仲呷埋 D 無謂0既醋 ~ 係咪無意思呢 !?

阿楓 : 知啦知啦 ~ 對唔住啦 ~~ 我0既老婆大人 ~

我 : 邊個係你老婆呀 !? 無 LEE 個人 WO

阿楓 : 咁即係你唔願意做我老婆啦 ~ 算 ~ 我搵過第 2 個

我 : 你可以咁做呀 ~ 如果你捨得我0既話 ~ 哈哈

阿楓 : 唔制 ~ 我都係要你做我老婆 ~~~ 哈哈 ~~~ [攬實我]

我 : 傻佬 ~

之後我地就起行去返之前我訓個間醫院 ... 因為個到就係我最後一次見返死神0既地方

LEE 個地方我覺得就好似佢死去0既地方一樣

向到我可以拜佢 ... 希望有機會可以俾我見返佢 ... 我只係想報佢恩就係咁簡單

上回 : 向醫院0既附近我設左個位置當係死神死0既地方

向個到每年0既今日我都會拜祭佢 , 阿楓佢都會陪我黎 , 年年都唔會變

無論係落緊雨定係打緊風都好 , 我都會當佢係恩人咁拜

如是這一直過左 4 年啦 .....

lee 4 年裡面 , 我地一直都無改變過 .... 我同阿楓仍然係埋一齊

雖然我地曾經因為過我隻腳0既事 , 嘈過好多次 ... 有 3 次仲話分手 ....

而其中一次我地有 4 個月真係算係分左手 , 之不過我地最後都係因為太愛對方

而原諒左大家0既說話 .... lee 4 年對我黎講真係唔易過 ....

身邊無左邊是但一個都好 , 對我黎講我都會變得唔習慣 , 生活裡面有左佢地 , 就好似有我咁

可以講話我需要佢地囉 .....

而我同阿楓打算向半年後結婚 , 雖然爸爸媽媽佢地都唔太讚成 , 話仲細 wo ... 嘻嘻

不過我覺得我同阿楓都行埋左咁耐 , 好應該改變一下生活 ... 試下兩個人係埋一齊生活0既感覺

楓佢為左我改變左好多 .... 一個由中 3 出黎無讀事0既男仔 ....

向而家0既社會竟然可以自己開間鋪頭仔 , 賣下 d 女仔衫 , 飾物仔 ....

搵唔係話搵好多 , 只係夠兩個人生活 , 另外仲有錢儲咁囉 .... 間鋪頭仲改名叫做 L [平]

大家唔好以為個平係話我個名 , 其實佢意思係話我 [平] 胸

阿 yen 佢地開頭唔知就話佢肉麻 ... 之後我爆左出黎 ,,,, 佢地個個笑到收唔到聲 .. 嘻嘻

而阿 yen 佢變左好多好多 ,,,,, 佢向個次之後佢話覺得香港太多唔開心0既回憶

當然 ... 有我係佢最開心0既回憶 ... 不過佢始終希望行開下 ... 改變一下 ...

個陣我真係好唔捨得佢 , 我身邊好需要佢 ,,, 但係佢偏偏係最快走個個 ....

就係咁 , 佢就自己一個人飛左去好多唔同0既國家到旅行 , 話就話為左自己0既將來打算

其實我知道佢係去散心 , 不過估唔到佢會去 2 年咁耐 ... 足足要兩年先可以放低到嵐

我諗其實佢真係好愛好愛嵐囉 , 但係可能因為佢地兩個唔夠緣份呱 ...

如果佢地真係有緣0既 , 我相信 lee 個世界一定有月老 lee 個人 ~

佢一定會將有緣0既人串埋一齊姐 ~ ^^

上回 :

阿 yen 為左忘記嵐所以去旅行 ... 去左好多唔同0既國家 ...

佢返黎0既時候 ... 唔夠 3 個月就已經有男朋友 lo ... 其實我地大家都估唔到佢真係放得低

而且仲可以重新開始過 ... 佢男朋友叫做 peko ... 係一個竹星仔 ... 成日用英文大我地

佢地點識 !? 無辦法啦 ... 始終可能係有錢人應該配返有錢人呱 !?

個男仔個陣又係俾女仔飛 ... 好唔開心 , 就周圍去左好多地方旅行 ...

咁岩向意大利0既時候 , 同阿 yen 搭同一架機 ... 之後佢地就係咁識左 ... 估唔到仲係香港人

同病相連0既人係夾 d 0既 ... 之後佢地仲一齊周圍去 ... 之後返左黎香港 3 個月先係埋一齊

都可以話係楓串合佢地呀 ... ^^ 因為 peko 個陣開始對阿 yen 有 d 野 ...

但係又怕因為由朋友0既關係開始 ... 唔想大家變得好怪 ... 所以就放棄左個念頭

點知又俾楓佢發現到 ... 所以之後咪串估佢地囉 ~

但係我都估唔到楓而家可以同一個男仔咁 fd ^^ 其實都唔錯呀 ~ 2 對情侶都係好朋友 ~ 幾好呀

而阿 yen 0既爸爸都同阿 yen 一樣變左好多啦 ....

好似話阿 yen 去左旅行之後 , 佢再咁辛苦都無意思 wo ...

所以決定左收山 ~ 金盤洗手 ~ 哈哈 ~ 不過個陣阿 yen 仲未知呀 ~ ^^ ~ 好似係差唔多半年後0既事

之後阿 yen 0既爸爸將佢咁多年搵到0既錢黎到養老囉 ... 嘩 !!!

個到 d 錢呀 ~ 真係同李嘉成有得 fright 囉 ~ 哈哈 ~ 不過應該都係留返黎俾阿 yen 呀啦 ~

而阿 yen 0既爸爸 d 業務點 !? ... 交哂俾阿龍搞掂 lo

無辦法啦 ,,, 阿 yen 0既爸爸其實好想有個仔 , 可惜偏偏得阿 yen 一粒囡 ~ 又唔想佢有事

但係阿龍跟左佢咁多年 , 佢都好放心交哂俾阿龍0既

之不過阿龍佢唔同左好多啦 , 當佢做左大佬個陣 , 見到我地咪有時講下笑咁囉

但係對 d 細0既 ,,, 就比以前更加 cool .... 以前佢都唔多聲呀啦 ... 唉

不過我地都好小見阿龍啦 , 真係希望大家可以好似以前咁一樣 ~ ... 但係 lee 種日子係唔會持續

聽阿龍話嵐佢都無再跟人 ... 好似仲同 double 有來往 ... 但係好似又分開左

我都唔清楚呀 ...

上個月又俾我咁岩撞到 double 佢唔同左好多 , 個樣殘左 ... 而且仲好似好多心事咁

簡單 d 黎講 ... 我只係知道佢爸爸生意失敗 ... 差人好多好多錢

有搵過阿龍幫手 ,,, 但係阿龍唔肯幫 ... 阿菲都有求過阿龍 , 睇黎佢地應該好好朋友

但係實情係點我就唔太清楚啦 ...

而我 !? 我都無咩點變到 , 仍然努力咁做我自己 ^^ ~ 雖然香港0既人個個都用歧視0既眼光望我

但係我反而無咩覺得點 , 只係佢地自己本身有問題姐 ^^ 一個無左一隻腳0既女仔姐

有咩咁大不了 ~ ^^ 我覺得我咁樣樣都好幸福呀 , 唔得咩 !? ~

而家向一間親戚介紹之下0既會計師樓到做野 ... 雖然我都好努力 ...

但係因為香港人好鐘意歧視 ... 話我無左隻腳 ... 好唔方便 ... 點做會計師

但係我又唔明白 wo ... 會計師唔係用個腦0既咩 !? 關隻腳咩事 ...

不過算啦 , 就算我做唔到會計師都唔緊要 ~ 因為我做到我自己喜愛0既工作都唔錯呀

而且公司0既同事個個都習慣左我 ~ 而且我又係公司0既開心果

所以我一 d 都唔 mind wo ~ 嘻嘻 ~~~

而今日 .... 又係要拜我大恩人0既日子啦 .... 楓佢今日因為間鋪比較忙所以陪唔到我一齊去

不過唔緊要啦 ~ ^^ 我知死神佢會原諒我0既 ~ 嘻嘻 ~ 係咪 !?

所以我一如以往咁拎住 d 黑玫瑰好開心咁向醫院進發