上回 :

今年我又再拎住 d 黑玫瑰打算去探望死神 ~ 不過唔知點解我左邊眼眉係咁跳

媽媽話左係恐 ~~ ... 死啦 ... 今年媽媽佢仲話我犯太歲 , 會好黑仔 ~

仲不易結婚 , 但係我都照結 ~ 係咪好唔聽話呢 ~ 哈哈

愈行就愈近死神0既墓 ... 但係行下行下我就見到個背影好熟悉 ... 好似曾經向邊到見過咁

究竟係向邊到呢 !? .... 之後我行到佢後面 ...

佢一轉身 ... 佢0既面孔同死神好相似 ... 似到好似係同一個人一樣 ...

我唔敢相信 , 但係我個心偏偏就要令到我感覺得到佢就係死神 ...

因為佢身體發放一種感覺俾我 , 就係曾經向佢身邊0既感覺

先生 : 嘩 .... 乜我個墓咁污糟呀 !?

我只係聽到 lee 句我就即刻攬住佢 , 因為佢就係死神 ... 不過佢點解向到我真係答唔到

死神 : 嘩 ......... 你邊位呀 !?

我 : 你唔係死神咩 !?

死神 : 你痴呀 !? 咩野野死神呀 !?

我 : 對唔住 .. 我認錯人 ... [放低黑玫瑰]

死神 : e !? e ! d 黑玫瑰應該係拎黎拜我個 bor ~~~ [拎起玫瑰]

我 : 你好啦 bor ~ 如果你唔係死神0既我唔該你放低呀 !!!!

死神 : 同你講你笑之嘛 ~ 估唔到咁多年你仲記得我 bor ~ 嘻嘻 ~

我 : 點解你可以做到人0既 !?

死神 : 唔講得 ... 一講左我就要返返去個到呀啦 ~~~ ^^ 嘻嘻 ~

我 : 你知唔知我好掛住你好擔心你呀 ^^

死神 : 我知 ... 我知 ... 我睇得好清楚 ... 感受得到 ~

死神 : 你有 lee 種感受我已經好開心好滿足 ...

我 : 嗚嗚嗚 ... 不過點解 ... 點解你要為左我 ... 嗚嗚嗚 ...

死神 : 哎呀 ... 你又喊啦 >< 咁多年你都唔變呀 ... 小小事都喊 ...

我 : 嗚嗚 ... 我真係唔明呀 ... 嗚嗚嗚

死神 : 好簡單 ... 因為我愛你 ... 起初我都無發覺我愛上左你 ...

死神 : 自個次之後 ... 望住你返入自己身體0既時候 ...

死神 : 我發現左 ... 我鐘意左你 ... 原來感覺係會用身體去行動 ~ 哈哈 ~

我 : 為左我值得咩 !? 你咁鐘意死神0既工作 ....

死神 : 無話值唔值得 ~ 最重要0既係我願意為左你 "熙" 性囉

我 : 但係我無辦法回報俾你 , 你應該知道呀 !?

死神 : 我知 .. 我好清楚 ... 我亦都唔想破壞你同埋你男朋友 ... 我知道你地感情好好

死神 : 所以你今次返黎就係想見下你 ... 重新再開始 ...

死神 : 皇新開始學習點樣放低段感情 ... 然後再無情咁做返個死神 ....

我 : 咁唔好向到傾啦 ~ 向去我屋企先啦 ...

死神 : 你對腳 ...

我 : 你唔係話過我要返生係需要用隻腳黎換條命0既咩 !? 你唔記得左啦 !?

死神 : ......... 我真係無記性呀 ~? 哈哈哈 ~
回 : 我竟然可以見返死神 ... 4 年啦 ... 4 年件事淡忘啦

但係咁都可以俾我見返我0既恩人 , lee 個時候係我報恩0既時候啦

係我連累左佢 , 係我令到佢失去左所有0既野

然後我地就返左我自己屋企 , 一返到去我就見到楓坐左向到 ....

e !? 乜佢唔係睇鋪0既咩 !?

楓見到小泙帶住個男仔返黎都啞左 ... 但係今次佢無再好似以前咁衝動 ..

但係楓向小泙屋企拎返佢自己0既衫 ... 打算走 ...

我 : 你做咩野呀 !? ... 你唔好諗錯呀 ... 佢係死神黎呀 ... 你估錯左啦

楓 : ..........

我不斷咁解釋 , 但係楓就好似聽唔到咁 .... 到楓佢行出門口0既時候 ...

佢同我講左一句 ...

楓 : 祝你地幸福 .....

其實向楓0既心底入面一認就認得出死神啦 ...

只係唔知點解楓會咁空易咁放棄左 ...

當楓打算走個刻 ... 死神捉住左楓 ...

楓 : 你放開手啦 ... 我 .... 係時候要放棄 ...

死神 : 你放棄乜野呀 !? ... 你睇下佢啦 , 為左你喊到眼都腫哂 ...

死神 : 應該放棄個個係我呀 ....

楓 : 咁點解你 ... 你又要返黎見佢 !?

死神 : 我地行出去傾兩句 ...

之後我就親眼咁望住楓同死神行左出去 ~

[ 天台 ]

上到天台 ... 佢地兩個都靜左一陣 ....

死神 : 其實我今次射登返黎見佢 ... 只係想話俾佢知我鐘意佢

死神 : 然後死左條心呀咋 ...

楓 : 但係我真係估唔到向我背後原來仲有一個更愛佢0既人呀 ...

楓 : 如果要比較的話 , 你係更適合佢呀 ...

死神 : 你唔好咁諗好無呀 !? 小泙鐘意嵐個陣你又點對小泙呀 !?

死神 : 有好多野我係知道呀 ... 而家唔係話邊個好愛小泙先係表不佢岩小泙

死神 : ....... 而係小泙愛0既人同樣愛佢 , 佢先幸福 ... 點解咁簡單0既野你都唔明

阿楓 : 點解你要見佢呀 ... 嗚 .... 你知唔知半年後我地就結婚啦 ...

死神 : 我知 ... [冷淡]

阿楓 : 咁點解你仲要返黎呀 !!! 你咁樣樣只會阻到我向前行呀 !!!

死神 : 我返黎只係為左見到小泙 , 然後放棄左佢 ... 不過原來小泙所愛0既男人

死神 : 竟然係咁無用 , 我諗我真係需要搶返小泙

阿楓 : 你講咩呀 !? [好激動咁一拳打埋去死神0既面]

死神佢第一次感到痛0既就係小泙復生個刻 ... 而今次係第 2 次0既痛

死神 : 好痛 ....

楓 : 我比你更加有用 !!! 我可以保護到小泙呀 !!!!

死神向到笑 ... 楓一頭霧水

楓 : 你笑咩呀 !!

死神 : 而家咁咪岩囉 , 係呀 , 邊方面都好 , 我都比唔上你 .. 你明唔明 !?

死神 : 就算我比你更愛小泙咁又點 !? 小泙佢當我只係恩人 ... 你而家明未 ...

楓 : ........................... 我係唔會答謝你呀 !! 哼 ~

就咁楓就走返落去搵小泙 ...

小泙一見到楓就即刻攬住佢 ...

我 : 楓 .. 你唔好走呀 ... 唔好走呀 ... 嗚嗚嗚 ... 老公 .....

楓第一次向小泙口中聽到老公 lee 兩個字 , 可以話係楓有生以黎最幸福0既一次

楓 : 你頭先講咩野野呀 !? ... 可 .. 可唔可以再講一次

我 : 老公老公老公老公 !!!! 你要我講幾多次都無問題 嗚嗚嗚 ... 只要你唔好唔要我就得啦

楓 : 傻妹黎呀 ~ 我邊到有 wo .... 但係點解以前我成日求你講你都唔講 , 而家先講

我 : 嗚 ... 咁人地怕羞呀嘛 ....

楓 : 傻豬 ~~~ 嘻嘻 ~ 我唔會再走呀啦 ~ 我唔會唔要你 , 唔會 dum 低你 ~

我 : 嗯 ~.... [小泙同楓攬到實一實]

lee 個時間 , 死神就向出面 , 佢望見佢地兩個攬埋一齊 , 個心好痛

但係向佢心底最入面 , 其實又登佢地好幸福 ... 真係矛盾 ...

但係死神對小泙0既感覺亦存在住 .... 究竟佢幾時先可以再做返死神 ...

若果佢一直唔放棄小泙0既感情 , 佢有可能會再次入返個個可怕0既世界 ...

而家0既死神好難去抉擇 .....

上回 : 死神佢同楓傾得好清楚

好可惜死神佢仍然愛住小泙 .... 要一段感情放低 ... 我明白 ... 係好難好難0既

因為我都係過來人 .... 曾經深愛過 , 肯為佢作出任何付出 .. 0既愛

唔係令一個人都可以做得到 ... 所以可能被愛比去愛人更幸福 ... 但係相愛0既會係最美好

小泙喊完之後

我 : 不如今晚我地成班出去食飯呀 ~ 嘻嘻 ~ 橫掂媽咪佢地今晚都有野做

阿楓 : 你鐘意 ^^

死神 : .... 咁我地食咩野呀 !?

阿楓 : 食日本野囉 ~ 小泙鐘意食嘛 ~ ^^

就係咁我地約齊左阿龍 , 阿 yen , 同埋 peko 幾個人出左去食飯 lo ~

[ 7 : 00 pm mk 和民 ]

去到0既時候 , 已經有好多人向到排緊 ~

無辦法之下 , 我地向到等 , 等左半個鐘到 ~ 就可以坐低啦 ~

當我地一坐低左 ~ 就叫左 d 野食 ~ 向到等野食個陣

阿 yen : 佢係邊個黎呀 !?

楓 : 4年幾前 , 你記唔記得小泙0既事 .... 佢仲叫你去搵個 d 書 ...

阿 yen : 呀 !? 係真唔係呀 !??!?!?! 堅呀 !? [我點頭]

peko : 即係咩呀 !?

阿 yen : 不過講你都唔會信 , 個陣我都半信半唔信 ... 佢係死神 ....

peko : ............................ [靜左幾分鐘] .... 係真唔係呀 !? 唔好講笑啦 哈哈

阿龍 : 講真呀 ... [認真]

之後大家都靜左幾分鐘 .... 成台都靜哂 ... 而死神就打圓場

死神 : 怕咩 wo ... 我而家又唔會整死你地呀 ~ 哈哈哈 ~ 我只係普通人黎咋

peko : 哈哈哈 ... 係 wo [冷笑]

我 : 做咩 wo , 死神佢唔會害人呀 ~ 你地唔記得佢救左我呀 !?!? 哼 ..... [嬲]

阿 yen : 我地唔係咁0既意思 , 只係唔知點講野姐 ~

阿龍 : 咁耐無見你都仲係咁細路囡 ~ 小小事就瓜瓜嘈 ....

我 : 老公 ~~~~

楓 : 嗯 ~?

阿 yen : 咪住 ~~~ 小泙你頭先講咩野話 !?

我 : 嘩 ~ >< !!!

阿龍 : 佢頭先叫阿楓做老公呀 ... = = 哈哈哈

peko : 係 wo ~~~~ 你終於肯問口啦 !?

我 : 咁幾時又到你開口呀 !? [指佢向阿 yen 求婚]

阿 yen : 你答左我你個筆先 ~~~ 嘻嘻

我 : 哎呀 , 突然間好想去廁所 , 痾尿先呀 ~~~ [閃]

阿 yen : 你個衰妹呀 ~ 借尿頓 !?

之後阿 yen 打算追小泙 , 點知俾個男人一野撞低左 ...

個男人好有風度咁扶起阿 yen , 當時 peko 都打算行埋去扶呀啦

但係都係俾個男人扶起左先 ...

男 : 小心 d 呀 ... 廿幾歲人仲跌親 .... [把聲好熟]

阿龍 : 嵐 !? ....

嵐 : 哈哈 ~ ..... 呀 .... 乜咁岩呀 ..... [想走 , 我即當佢去路]

嵐 : 呀 ~ 小泙 ... 你唔係去廁所0既咩 !?

阿龍 : 坐低先啦 ...

嵐 : 唔啦 , 我同我0既朋友向個邊食緊飯 ~

阿 yen : 女朋友咋下話 ....

阿 yen 咁講野真係蠢 , peko 亦都唔鈍 , 一睇就知係阿 yen 以前0既舊愛 ....

事實仲會點發展落去呢 !?

上回 : 阿 yen 同 peko 嘈左一場大交 , 楓同埋嵐咁好朋友 , 楓緊係追埋上去啦

[ 楓同 peko ]

peko : 你唔好跟住我啦 , 一陣小泙見到嵐又唔知點呀啦 ... 人地咁令仔 , 係多人鐘意呀啦

楓 : 你唔好亂講野好無呀 !? 唔通你就唔可以信下阿 yen 咩 !?

peko : 你叫我點信呀 !? 俾著你呀 !! 你見到咁0既情況 , 咁樣樣介紹 , 點忍呀 !!

peko : 平時佢發脾氣我都可以忍 , 但係今次我真係過唔到自己個關

楓 : 咁你愛佢呀 [坐低左向到傾]

peko : 我愛佢 ... 之但係 .... 我個刻覺得我係佢心目中完全唔重要囉

楓 : 唉 .... 點解 .... [電話響]

楓 : 等我一陣聽個電話先 ~ ^^ 老婆打黎 ~ [行開左一邊聽電話]

我 : 楓 ~ !? 你地向邊呀 !? d 野食黎尬1無人幫手食呀 >< 快 d 返黎啦

楓 : 得啦得啦 ~ 唔好再吹我啦 ~ 同 peko 傾完傾就返黎呀啦

我 : 車 ~~~ 阿 yen 佢喊呀 ~~~ 你快 d 叫 peko 返黎 tum 佢啦

楓 : 嗯 ~ 好啦 ~~~ 我而家帶 peko 返黎啦 ~~~

我 : 拜拜 ~~ 啜 ~ >3<

楓 : 啜 ~~~~

點知阿楓佢一擰轉頭就已經唔見左 peko .... 今次阿 yen 真係大鑊啦

阿楓佢係咁周圍搵 peko 可恉都搵佢唔到 , 打佢電話又唔通

[和民]

當時我只係見到楓佢自己一個返黎 , 而嵐佢同朋友食完野 , 就坐左我地台

當然同阿 yen 係分開左坐啦 ~

我 : peko 呢 !?

楓佢就向我耳邊細細聲講

楓 : 今次玩大左呀 .... 同你傾完電話 ... peko 就唔見左人啦 ~ 點算呀 ....

我 : 咁大鑊 !? 你有無搵清楚佢呀 !?

楓 : 我梗係有搵啦 ><

阿 yen : 佢呢 !? ... 去左邊 !? [眼紅]

嵐 : 駛唔駛咁緊張呀 ... 眼都紅哂 ....

阿 yen : 楓你幫我搵佢啦 ... 好無呀 !? ....

楓 : 我已經好努力咁幫你搵呀啦 ~ 都係搵唔到 ........ 佢今次應該黎真呀 ...

阿 yen 聽到即刻連野都無食過 ... 我係咁夾俾佢食 ... 佢都唔肯食

阿 yen : 我無胃口呀 , 你地食啦 ~

嵐 : 你食 d 野啦好無呀 !? 咁大個人仲好似小妹妹咁 ....

阿 yen : 我係小妹妹呀 !!!! 而家關你咩事姐 !? 我係無胃口呀嘛 ~ 唔俾人唔食野呀 !?

阿 yen 好惡咁鬧嵐 , 嵐即刻好無奈囉 , 佢都係關心同著緊阿 yen 姐

見到自己愛0既人唔食野 , 個種感覺我相信一 d 都唔好受囉 ...

相反仲要俾佢鬧 ... 唉 ~ ...

lee 一餐明明係開心0既一餐 , 但係食落係無味道呀 ...

上回 : 嵐俾阿 yen 噴到一面屁 .... 之後食野都無味 ...

食完之後阿龍竟然話大圍去唱 k 囉 , 以前搞 funtion 都係我同阿 yen 搞0既

但係佢只係會負責出現個個囉

阿龍 : 難得咁齊人 , 不如去唱 k 啦 ~ 第時都唔知仲有無機會再係埋一齊呀啦

阿 yen : 下 !? 你 ... 發燒呀 !?

我 : 係囉 !!! 阿龍你無野呀 !? 無啦啦搞唱 k

阿龍 : 咁你地而家係咪即係話唔去先 !? 唔好去囉 ~ 夠膽你地就咪去 ...

嵐 : 我無所謂 , 反正我都係跟大圍呀啦 ...

阿龍 : 楓你話呢 !?

阿 yen : 嘩 ~ 你地唔駛問左 d 女士們先0既咩 !? 過份

阿龍 : 咁我大佬0既寶貝女 , 請問你去唔去呢 !?

阿 yen : 咁就差唔多啦 ~ 嘻嘻

我 : 哈哈哈 , 抵死 ~

阿龍 : 咁你話點呀 !?

阿 yen : 梗係唱啦 ~ 咁唔開心一定要發洩一下呀 ~~

楓 : 真係服左你 ....

阿 yen : 小泙 ~ 你呢 !? 去唔去呀 !? 你唔去我唔去呀啦

我 : 咁你咁想發洩 , 你話我陪唔陪你呀 !? ^^

阿 yen : 咁即係 5 個啦 ~ ^^ 嘻嘻 ~ 好耐無咁齊人囉

楓佢向我辟邊細細聲咁講左句

楓 : 5 個 !? 咁佢即係唔計 peko 在內囉 !? .....

我 : 唔知呀 ... 你打俾 peko 再算啦 ~

之後我米埋左單之後 , 就 5 人行去 red box 啦 ~ 因為阿龍係個到睇場0既人

咁當然我地係唔駛錢 ~ 任玩啦 ~ 嘻嘻

[ red box] ~~

一去到阿 yen 就好似以前咁槍左支咪 ~~~ 狂點歌

而楓佢地當然唔會槍啦 ~ 因為例牌係咁呀啦嘛 ~ 都習慣左讓我地 lo

阿 yen : 唱咩歌呀 !? 快 d 點啦 ~~ 嘻嘻

阿 yen 好似當 peko 件事無發生咁樣樣 , 好開心咁玩 ....

我真係完全唔覺得佢係發洩緊 ...

服務生 : 龍生 ... 請問你地想飲 d 咩野 !?

阿龍 : 開一支芝華士 ~~

大家 : 嘩 !!!!!!!!!!!!!!! 駛唔駛呀 !?

阿龍好似聽唔到我地講野咁再點

阿龍 : 之後再要 2 打啤酒 , 係咁多先啦 ~

我 : 阿龍 , 駛唔駛咁盡呀 !? 你唔係唔知我唔飲得呀 !?

阿龍 : 但係今日除左你之外 , lee 到個個都好飲得個 wo

阿 yen : 嘩 !!!!! 你好似計小左我囉 ~ 哈哈 ~

阿龍 : 你咪扮野啦 ~ 好明顯你都係飲得個個囉 , 再唔係叫你條仔黎幫你頂囉

講錯野 .......... = ="

阿 yen : 我條仔死x左 ....

即時阿 yen 0既面色又開心 , 轉為黑面 ....

嵐全籮都無出過聲 , 不過一見到阿 yen 黑面 , 佢又 tum 佢開心

嵐 : 嘩 ~~~~ 你睇下睇下 !?

阿 yen : 睇咩呀 !?

之後阿 yen 真係行近 d 阿嵐到望下佢手入面0既野 ... 點知嵐佢一野中左阿 yen 0既面

阿 yen : 呀 ~~~~~~~~

阿 yen : x你呀 ~ 哈哈 ~ 扮哂野呀 ~ 想郁我咪出聲囉 ~~~ 哈哈哈 [又笑返]

嵐 : 笑下咪幾好 , 唔係你一黑面個個都唔敢出聲呀啦

阿 yen : 我邊到有 wo ~~ !! [bee咀]

嵐 : 啦啦啦 , 你睇下你而家個樣 , 仲唔係黑面 !? 哈哈 ~ 不過係黑面鴨后囉 ~ 哈哈哈

阿 yen : 呀 !!! 你條賤男呀 ~ 想死頂啦

就係咁 , 我地又好似倒流時光咁返返左去以前 ... 成班一齊玩

玩得好開心 .... 但係可惜 ... lee 段時間一定唔可以保持以前一樣