((((第四十一集))))

呀希：小芝。

呀希因為掛住小芝，所以提早開完會就返左屋企，點知返到黎淨係得Eａｖ同ｂｂ o係屋企。

小芝：呀希？

小芝原本淨係同俊霆食完飯就返屋企，但又比俊霆拉左去玩，直到小芝堅持一定要走佢先肯比小芝走。

呀希：去左邊呀？咁夜先返。

呀希由六點等到九點，等到自己都唔耐煩。

小芝：我同個朋友出左去玩呀。

呀希將小芝抱起。

呀希：下次唔好咁遲返黎呀，又唔帶電話！

小芝：我以為會早走呀嘛，咪唔帶出去囉。

部電話係呀希送比小芝，用左幾千蚊去買比自己，又驚自己大頭蝦唔見左，所以小芝今日冇打算帶出去。

呀希：買比你係想有事搵得到你，唔係比你收藏嫁。

呢個女人個腦都唔知係咪生晒草，都唔知自己一世咁聰明，點解又會愛上一個蠢女人？

小芝：我驚唔見呀嘛！

咁大個女都未試過攞住ｄ咁貴ｏ既野出街，萬一唔見左自己點同呀希交代？

呀希：唔見咪再買囉！

唉，以佢ｏ既身家，就算小芝唔見幾萬次佢都仲買得起！

小芝：我冇錢呀！

呀希：我有呀！

小芝：我先唔用你ｄ男人錢呀！

小芝離開呀希ｏ既懷抱跳落地，打算靠自己對腳行返上房。

呀希：方雅芝！

一張美麗而不失可愛ｏ既臉孔竟然會係咁難純服ｏ既女人！

小芝：呀！！！！

小芝一轉頭就見到狂獅咆哮，當然要即刻做百米飛人，起勢跑！

呀希：你以為跑得過我咩？

高小芝成個頭ｏ既呀希，唔洗兩三步就捉到呢個唔聽話ｏ既小女人。

（注＊呀希身高一米八五，小芝身高一米六二。）

小芝：大哥哥！細路女唔識世界呀！原諒我喇！

比人捉到正一正，最好就係扮乖。

呀希：唔得！又想用呢招，我先唔會咁蠢放過你！

次次都想用呢招擺脫佢？（普通話）──＞門都沒有！

小芝：嗚！我唔敢喇！嗚．．嗚．．

硬功唔得？唯有用軟功─────扮喊！

呀希：唔得，一定要受刑！

上次就係因為大仁慈喇！

小芝：嗚．．．敢問大人．．民女需受何刑呢？

小花楚楚可憐。

呀希：親愛ｏ既老婆，近排我覺得小言好似同我講話好悶，想要個伴陪佢喎。

呢次慘喇．．．．．．．

小芝：呀．．．係．．係咩？我叫Eａｖ帶個朋友仔介紹比小言識呀！

死到臨頭就撐開話題！

呀希：哈，唔洗煩人地ｏ既，我地“做”個出黎咪得囉！

小姐帽走唔甩喇，大色狼又要咬佢喇．．．．．．．．．．

兩日後──────────

呀希：小芝，我返工喇。

一個早晨香吻印到小芝雪白ｏ既面上。

小芝：唔．．．．

每日，呀希都比小芝早起身。每，日呀希都會送出兩個香吻，一個比小芝，一個比心肝寶貝仔──小言。

呀希：嘿，傻豬。

小芝未訓醒ｏ既樣，比醒左ｏ既樣更多幾分可愛。

呀希出左房門之後冇耐，小芝都起左身，抱住似足爸爸ｏ既小言落樓。

Eａｖ：小芝，咁早起身ｏ既？

小芝：唔．．．我都唔知點解，一起身就訓唔返，好似有ｄ咩唔對路咁。

一起身就個心囉囉“ｏ亂”，點訓都訓唔返。

Eａｖ：唔事ｏ既，我「針」杯奶比你飲喇，飲完冇事嫁喇！

小芝微微一笑。

Eａｖ：呀！係呀，差ｄ唔記得左，小芝你有信呀。

Eａｖ「針」左杯奶比小芝之後，突然記得今朝收到封寄比小芝ｏ既信。

小芝：我ｏ既？

小芝將飲緊水ｏ既小言交比Eａｖ。

小芝：仲有邊個會寄信比我？

Eａｖ抱住小言走左去大廳玩。

小芝：點．．點解？發生咩事．．．．？

打開信白色ｏ既信封，冇任何字，只有一張又一張ｏ既相。

一對男女親親熱熱，男ｏ既係俊霆，女ｏ既．．．係自己。

ｄ相起碼有二十幾張，越係睇就越心慌。

冷汗不由自主流落黎。

突然電話響起，嚇左小芝一大跳。

小芝：喂？

絲如：你好嗎，張太太。

呢把女人聲．．．．好熟悉。

小芝：你．．．係邊個？

呢把聲聽到好唔舒服．．．

絲如：ｄ相曬得好唔好呀？

心突然收窄，好緊，好痛。

小芝：你．．．究竟想點？

上當喇．．．自己上當喇．．．要點做？應該點做．．．．．．．

((((第四十二集))))

絲如：哼，叫你離開呀希，又唔肯乖乖地死開，好喇，而家相都有埋喇，你估，呀希會唔會相信你係比人屈呀喇？

當日，就o係小芝入左餐廳開始，絲如一直都o係佢地附近。

小芝：你係呀希ｏ既前妻！？

呢把聲好熟，佢肯定呢個女人就係呀希ｏ既前妻。

絲如：哈，又蠢唔晒喎。

小芝：你地夾埋黎引我上當！？

俊霆！佢地係識得嫁！唔怪得俊霆會過份親近自己，一個又一個ｏ既親密動作不斷發生！

絲如：叻女喎，不過可惜吖，你太遲喇。

真係估都估唔到會咁順利，蠢女人一點都唔覺得奇怪，當絲如沖曬左ｄ相之後，一張又一張ｏ既相就好似一張張銀紙咁。

絲如攞住ｄ相就知道佢好快就可以甩難，好快就可以搶返呀希，只要小芝呢個人消失，張太呢個寶座就會再次屬於佢。

哼，一切都係咁美好。

絲如：唔，你話呀，呀希睇到ｄ相之後會點呀喇？呀！會唔會一巴車埋你度呀喇？

當年，呀希ｏ個巴掌係絲如永遠唔會忘記。

小芝：唔會嫁！呀希會相我嫁！佢知我唔會做呢ｄ事嫁！

呀希唔會不分青紅皂白嫁！

絲如：信你？有証有據，男ｏ既熱情如虎，女ｏ既含羞答答。

每一張相都咁有力，仲唔係人造相，呀希點會唔信小芝背叛佢？

小芝：我根本冇對唔住佢，點解要怕你呀！

小芝相信呀希唔會誤會自己嫁！

絲如：哈，好呀，咁我問下呀希ｄ相ｏ既質素點囉，佢鍾意ｏ既話，我曬多幾打比佢都得嫁。

同佢玩心理，你仲未夠班！

小芝：你！

點解呢個女人下下都想迫死自己？仲有用呀希黎威壓自己！

絲如：我做咩呀？你唔係話同佢清白就唔怕咩？

咁大個財主，佢就唔信小芝唔會唔驚冇左呢個財主！

小芝：你究竟想點呀？

小芝終於屈服喇。

絲如：冇乜野ｏ既，呢排我就唔好彩爭人錢，你識做嫁喇。

終於入正題喇。

小芝：我．．我根本冇錢！

小芝除左ｏ個筆賣屋得返黎ｏ既錢之外，根本就冇其餘ｏ既錢！

絲如：冇錢呀？哦，咁好喇，我賣比呀希囉，佢一定會買ｏ既。

呢個蠢女人真係煩！

小芝：唔好呀！你．．你想要幾多呀？

絲如講ｏ既唔係冇道理，唔可以比呀希知道嫁，如果比呀希知道左，自己都想像唔到會有咩後果。

絲如：ｄ相咁多．．．就二百萬喇。

計埋ｄ利息，佢地爭人百幾萬。

小芝：二．．．二百萬！？

咁大筆錢，小芝咁大個女連諗都冇諗過！

絲如：點呀，我冇乜時間嫁咋。

小芝：我邊有二百萬咁多呀！

大拿拿二百萬，一時間佢可以去邊度搵呀？

絲如：你冇姐，呀希有呀嘛。

小芝：呀希．．．．．？

問呀希？

絲如：佢咁愛你，你開到聲佢一定咩都比你嫁喇。

小芝：冇．．．冇可能嫁．．．．

萬一呀希問自己做咩要咁多錢，到時佢可以點答佢？！

絲如：你死你事喇，總之呢，想要返ｄ相就係兩日後下晝三點，我就會係ｏ個個公園仔等你。

絲如話知小芝咩事，佢地要ｏ既，只係錢。

小芝：你保證會比返晒ｄ相我？

雖然小芝知道冇乜可能做得到，但都要先答應佢。

絲如：當然喇。

睇黎，筆錢好快就會得到手。

小芝：好喇．．．我答應你．．．

收左線之後，小芝成個人都呆晒，雙目冇神。

夜晚─────────

呀希：小芝，我返黎喇。

小芝向呀希微微一笑。

呀希：哇！靚仔，做咩食到流晒口水呀？好好味哩？

呀希一返到黎就見到小芝抱住小言食糊仔。

小言一見到爸爸就o係度卡卡笑。

呀希：嘿，抱下隻豬仔先！

呀希抱起小言。

小芝：點解今日遲左返黎ｏ既？

比起平時，呀希遲左幾個鐘先返黎。

呀希：有間公司話要加股，所以遲左囉。

呀希不停惹心肝寶貝仔笑。

小芝：係呀？

小芝將ｂｂ食完ｏ既碗推埋一邊。

呀希：掛住我呀？

專屬呀希ｏ既迷人笑容再次展露係小芝眼前。

小芝：嘿，傻瓜！

小芝心目中ｏ既呀希同大細路一樣。

呀希：媽咪叫你喎！

呀希將傻瓜呢個名推比小言。

小芝：哇！你咁衰嫁！

兩個人打打鬧鬧，o係呀希眼裡面同平時一樣咁幸福，根本唔知小芝皮笑肉不笑。

第二日──────

手抱住小言去做健康檢查ｏ既小芝，心事重重。

護士：太太，ｂｂ好健康，冇咩問題嫁喇，呢份係ｂｂｏ既檢查薄同埋針卡。

小芝自己沉思係問題之中，完全冇聽到護士同自己講ｄ咩。

護士：太太？張太！

護士見小芝冇反應，唯有大聲ｄ叫佢。

小芝：呀．．．係。

小芝終於聽到有人叫自己。

護士：係咪唔舒服呀？

護士體貼咁問候小芝。

小芝：我冇事。

小芝苦笑。

護士：呢份係ｂｂｏ既檢查薄同埋針卡。

護士將份野交比小芝。

小芝：唔該。

小芝怯怯咁將份野放好，然後抱住小言返屋企。

一路上，小芝一直都心事重重。

屋企────────

Eａｖ：大少，返黎喇？

一入到屋，掛住小言ｏ既Eａｖ就抱過小言。

Eａｖ：做咩呀小芝？係咪唔舒服呀？

E ａｖ留意得到小芝面上一ｄ表情都冇。

小芝：冇事呀。

小芝仍然係苦笑。

小芝：呀，係呀，我．．．我有ｄ事要出去一陣，小言就麻煩你幫我睇住一陣呀。

Eａｖ：好呀，冇問題。

Eａｖ都冇再問落去，抱住小言走去大廳。

琴晚到而家小芝一直都好煩惱，佢知自己唔可以再拖，所以決定先去攞左ｏ個六十幾萬，然後就想辦法。

一路行，一路諗，究竟應該點開口問呀希攞二百萬，諗到眼淚都就黎忍唔住。

行到街口，小芝走向櫃員機，將張卡插入，輸入賬戶號碼同密碼。

抬頭一望，小芝感覺到自己ｏ既心臟就好似好快就要停頓咁！

小芝伸出右手食指，一，二，三，四，五，六．．．．．．七！？

七個零！？一．．．一千．．．一千萬！？

小芝：咩事！？做咩事？！一千萬！！我有一千萬！？

冇可能嫁！小芝左望右望，確定冇人係身邊之後再望向螢光幕。

小芝：個，十，百，千，萬，十萬，百萬．．．．千萬．．．真係一千萬．．．點解．．．．．．．？

無數個點解不斷從小芝ｏ既腦海湧出黎．．．．．

((((第四十三集))))

呀希：小芝？

呀希ｏ岩ｏ岩洗完白白出黎，頭髮滴住水咁行出黎。

小芝：嗯？

小芝掙開沉重ｏ既眼皮。

呀希：好累呀？咁早就訓覺覺豬？

呀希一路用毛巾整乾個頭一路行埋床。

小芝：唔係呀．．．

呀希抱起小芝，細碎ｏ既吻落o係小芝幼滑ｏ既面上。

呀希：唔．．．有冇乖乖地食飯？

呀希發覺，小芝瘦左。

小芝：有呀。

有就有ｏ既，不過只係食幾啖。

呀希：有？好似比人偷左幾磅肉咁ｏ既？

小芝：係咩？

小芝望望自己。

小芝：邊有呀？

小芝唔覺得自己有瘦到。

呀希：食多ｄ野，知冇？

小芝未答就比呀希封住左個嘴，熱吻又再出現。

呀希：做咩咁唔專心，有野瞞住我？

其實呀希得覺得小芝有ｄ怪，有時會目無表情，而家連咀咀都唔多有反應。

小芝：唔．．．我．．

小芝有口難言。

呀希：唔准瞞住我，講。

小女人有秘密？

小芝：ｏ個一千萬．．．．

小芝講ｄ唔講ｄ。

呀希：一千萬做咩？

呀希唔比小芝回避自己ｏ既眼神。

小芝：個一千萬係你比我嫁？

其實自己都估得到ｄ錢係邊個比佢。

呀希：係呀，有問題？

就係小芝返到香港冇耐之後，呀希就將一大筆存左比自己心愛ｏ既女人ｏ既戶口。

小芝：點解比咁多錢我？

小芝唔明白點解呀希會比咁多錢佢。

呀希：因為你係我ｏ既女人，我擁有ｏ既就姐係你ｏ既。

因為愛小芝，一切ｏ既野佢都可以比小芝。

小芝：但係．．．

呀希用手按住小芝ｏ既嘴唔比佢講落去。

呀希：唔好但係，你ｏ既一切永遠都係屬於我ｏ既，而我ｏ既一切亦都係屬於係ｏ既。

小芝望住呀希，心頭一陣陣感動。

呀希：筆錢係你嫁，你唔需要向我交代。

冇錯，只要呢個小女人開心，幾多錢都冇所謂。

小芝：呀希，點解你要對我咁好？

小芝眼紅紅。

呀希：傻豬，因為我愛你呀。

係呀希溫柔ｏ既聲音之下，眼淚再忍唔住咁流落黎。

呀希：我愛你，我好愛你，你係我ｏ既命運．．．．．．

呀希以親吻小芝ｏ既淚水去表達真誠．．．．．．

第二日──────

今日一早，呀希返左工冇耐之後，小芝就起左身坐係床邊，望住手上ｏ既提款卡。

心一直冒汗，究竟自己咁做係咪ｏ岩？

但冇辦法，如果唔比錢ｏ既話，後果可能會好嚴重．．．．．．

小芝：呀希．．．對唔住．．．對唔住．．．嗚．．

眼淚一閃一閃，閃住歉意．．．．．

下晝二點半───────

呀希：喂？

正正忙於工作ｏ既呀希，突然一個電話打擾左自己。

絲如：ｈｉ。

係一把柔柔ｏ既女人聲。

呀希：邊個。

呀希一下子記唔起係邊個。

絲如：我係絲如。

呀希：冇事唔好煩我。

呢個女人真係好煩。

絲如：哈，唔知小芝ｏ既事你會唔會關心呢？

想收佢線？好難喇！

呀希：你又想點呀？

聽到關於小芝ｏ既事，呀希當然唔會收線。

絲如：唔係我，係你ｏ既小女人攪事姐。

今日佢一家要將小芝剷除！

呀希：唔好攞佢黎ｏ達我。

竟然利用小芝黎壓佢？

絲如：點敢呢，係喎，我唔記得你而家應該係好忙嫁ｏ波，真係唔好意思喇。

呀有：有野就講，唔好阻住我。

呀希都知唔佢方會係好野。

絲如：冇，只係我“鄧”你唔低姐∼自己又咁忙，又冇事間睇住小芝喎，攪到而家同第二個男人．．．哎呀，唔好意思喎，唔覺意又講你家事喎。

呀希：你講咩第二個男人呀？！

第二個男人？！

絲如：哈，你唔知嫁？乜佢咁衰嫁，咩都瞞住你。

呀希：你講我就要信嫁喇咩！

呀希火都黎埋。

絲如：佢比我撞到正一正，相都比我影埋，佢知道之後我影左佢相之後呀，仲話今日會比二百萬條仔，叫佢有咁遠走咁遠呀！

呀希冇應到佢。

絲如：唔信呀？唔信咪而家返去跟住佢睇下囉！

呀希已經冇耐性再聽落去，收左線之後，個心一直都唔安樂。

呀希：呀光，我有事要走開開一陣，個會取消左佢。

呀希打比呀光，佢已經受唔住內心ｏ既折騰，佢決定要返去睇下。

下晝三點半，公園────────

俊霆：喂，呢邊呀！

小芝黎到公園冇耐就見到俊霆，佢行埋去俊霆度。

小芝：ｄ錢，我攞左黎喇。

小芝手抱一個白色紙袋，裡面係一疊疊ｏ既銀紙。

俊霆：咁快就有喇？

小芝將袋野遞比俊霆，俊霆接左之後竟將佢打開，攞出一疊銀紙出黎睇，嘴角露出奸笑。

俊霆：嘿，我走左之後你一定會好掛住我嫁喇，我都一樣會好掛住你ｄ叫床聲。

小芝聽唔明俊霆係度講咩野，只係見到俊霆個樣突然變得好似一隻惡魔。

俊霆一早就見到身處於角落ｏ既男人，佢知道呢個男人將佢地ｏ既對話聽得一清二楚。

嘿，呢個小女人，水洗都唔清──────

((((第四十四集))))

呀希：方雅芝！

就o係小芝聽到一頭霧水ｏ既時候，呀希把聲突然o係小芝背後響起。

小芝：呀．．呀希？！

小芝一轉身就見到怒氣沖沖ｏ既呀希，嚇到小芝退後幾步。

但因為小芝ｏ既退縮令到呀希更加覺得小芝身有屎，唔見得光。

俊霆：哎呀，佢就係你條仔呀？唔錯呀佢都。

俊霆火上加油。

呀希：佢係邊個呀！？

呀希一手捉住小芝手臂，個樣好惡好惡。

小芝：唔．．唔係咁嫁！

小芝好緊張咁向呀希解釋一切！

呀希：我問你佢係你邊個呀！

而家係呀希眼中，解釋即係掩飾。

俊霆：我係佢條仔！

只要小芝離開呀希，佢就可以得到甜美可人ｏ既小芝。

小芝：唔係呀！唔好聽佢講呀！！佢講大話嫁！你唔好信佢呀！

小芝不斷解釋。

但太遲喇，呀希已經一巴車左落小芝塊面。

力度之大，小芝成個人訓左落地。

俊霆：你痴線嫁？！打女人！？

俊霆眼見小芝比呀希打到成個人訓落地，即時走向小芝。

訓係地ｏ既小芝，面上多左一個紅卜卜ｏ既掌印，滿面淚水，呀希心頭痛得好犀利。

呀希：我估唔到連你都一直呃我！你以後唔好再出現o係我面前！我唔要你呢ｄ女人！

但小芝身邊ｏ既男人就証明佢出賣自己，背叛自己。

呀希絕情咁轉身就走。

小芝：呀希！

小芝眼見呀希離開，就唔再訓o係地，撐起身打算追呀希。

俊霆：喂！唔好追喇！

但俊霆捉住小芝冇打算比佢走。

小芝：放手呀！

小芝大力掙扎，但點都扯唔開俊霆隻手。

俊霆：你追都冇用嫁喇！佢唔會信你嫁！

俊霆望住小芝好似發左癲ｏ既野貓咁扯開自己，都覺得自己好衰。

小芝：我叫你放手。

小芝露出從未出現過咁眼神同語氣。

俊霆：你．．ｏｋ。

小芝ｏ既眼神令俊霆乖乖放手。

呀希屋企──────

小芝：呀希！開門呀！嗚．．．嗚．．．．

小芝追住呀希，追到返屋企，但呀希連大門都反鎖埋唔比自己入去。

靠o係門ｏ既呀希，不時聽到一聲又聲ｏ既喊叫聲。

小芝：呀希．．．嗚嗚．．．唔好．．．唔好唔信我呀．．．嗚．．．

有正有據，我仲可以點信你？

小芝：嗚．．．．唔好唔要我呀．．．．．嗚．．．．

小芝好後悔點解自己會咁蠢上完人當仲要上多次？

屋內ｏ既呀希，心如刀割。

Eａｖ：少爺，做咩唔比小芝入黎呀？

手抱住小言ｏ既Eａｖ，一聽到有人返就走去睇睇，點知一睇就見到呀希反鎖道門唔比小芝入黎。

但呀希冇應到佢。

Eａｖ：做咩唔應我呀？

Eａｖ再行近呀希。

呀希：以後．．．唔好再比佢入黎間屋。

呀希低頭離開。

Eａｖ都冇再問佢，因為佢見到地下ｏ既水珠，係呀希ｏ既眼淚。

門外ｏ既小芝，不斷叫呀希，聽到Eａｖ個心都酸埋。

幾個鐘頭後────────

Eａｖ：少爺，小芝佢到而家都未走，你要唔要．．．．

話都未講完就比呀希打斷。

呀希：唔見！我唔會再見佢。

呀希抱住小言，心痛到竟然出血，自己同小芝ｏ既愛情結晶令佢感到痛楚。

Eａｖ冇再出聲就離開呀希間房。

門外──────

小芝：點呀！？佢肯唔肯見我！？

小芝將一切ｏ既事講晒比Eａｖ知。

Eａｖ：小芝．．．不如你等佢下左啖氣之後再黎哲佢呀。

小芝再次喊出黎。

Eａｖ：傻女呀！唔好喊喇，喊到我個心都痛埋喇！我知呢ｄ唔係他ｏ既錯呀！我信你呀，但而家點都好喇，你等佢下左啖氣先再同佢傾喇。

呢個時候，佢覺得佢地分開下冷靜下先再講清楚都未必唔好。

小芝：Eａｖ．．嗚．．．幫我．．睇住小言．．

小芝講完之後就轉身走左。

或者自己真係要離開一下，但係自己應該去邊．．．．．？

小芝漫無目的咁行，天公不造美，竟然落大雨，小芝冇走去避雨，任由雨水沖大自己。

細小ｏ既身影，o係大雨之中消失o係大街之中．．．．．

((((第四十五集))))

三日後───────

呀希：Eａｖ，今晚唔洗煮我飯。

呀希一返黎就上樓。

Eａｖ：你又出去呀？

呢兩日呀希一返黎就換衫出去，每次返黎都飲到醉醺醺。

呀希：我ｏ既事唔關你事。

聲音仍然冷淡。

Eａｖ：少爺！

Eａｖ叫住呀希，呀希停住步伐。

Eａｖ：你幾日冇睇過小言喇。

呀希的確唔想見到小言，每當望住小言，自己個心痛過不停。

Eａｖ：就算係我多管閒事，但佢只係一個ｂｂ，點解要咁冷落佢？

呢幾日呀希都避開唔見個ｂｂ。

呀希：小言．．．佢點解係咁喊，佢病左？

呢幾晚呀希都聽得到ｂｂ喊聲，但佢過唔到自己ｏ個關，佢好驚見到小言，一見，痛苦就會萌生。

Eａｖ：佢好好，冇病冇痛，只係見唔到媽媽所以喊姐。

堂堂一個大男人竟然會變成咁，Eａｖ睇見咁，連自己都覺得嬲！

呀希：呢ｄ女人，要唔要都擺！

佢恨小芝！佢恨佢ｏ既不忠，恨佢假情假意！

Eａｖ：連我呢個外人都信小芝，何況佢係你最愛ｏ既人，你都唔信！？

呀希：有正有據！我仲點信佢呀！？

呀希轉身面對Eａｖ，雙眼怒氣沖沖。

Eａｖ：我信！我信佢講ｏ既野！我信佢唔會呃一個自己深愛ｏ既人！

呀希：愛我！？愛我就唔會同第二個男人一齊！

Eａｖ：小芝佢同我講，係你前妻夾埋個男人引佢上檔嫁！

呀希：佢講大話！佢根本就係由頭到尾都呃我！

當日佢地ｏ既對話，佢全部都聽到晒。

Eａｖ：你點解仲要咁執著呀！到而家小芝都冇黎搵過我呀！

呀希：佢可能跟住個男人遠走高飛喇！

小芝冇左佢，仍然有第二個男人可以照顧佢。

Eａｖ：如果佢冇做過呢！？佢錢又冇，親人又冇！如果佢真係冇做過ｏ既話．．．一定會出事嫁！

呀希：哼，佢同ｏ個男人一齊又點會有事？

手上有成二百萬，又點會有事？

Eａｖ：點解你只係想你自己睇到ｏ既呀？！如果小芝出左事我第一個就唔放過你呀！

Eａｖ就算知道會得罪老闆，但佢點都要幫小芝掙返啖氣！

呀希：呢ｄ事，唔需要你理。

Eａｖ：你真係冇藥可救！

呀希對Eａｖ黎講，真係太失望，可憐ｏ既小芝，你究竟發生左ｄ咩事？

第二日─────

絲如：喂？

ｏ岩ｏ岩訓醒ｏ既絲如，突然收到電話。

呀希：可唔可以出黎一陣？

係呀希打比佢。

絲如：哼，個女人走左冇耐就黎搵我呀？

哼，既然呀希搵佢，咁姐係呢個男人好快就會得到手。

呀希：一個鐘頭後黎我公司。

呀希冇再多講就收線。

而得戚ｏ既絲如，當然即刻為自己打扮，裝飾一番再去見財神。

呀希公司──────

呀希：Cｏｍｅ　ｉｎ．

（叫佢入黎。）

一個鐘頭後，外籍女秘書逍知呀希，絲如到左。

女秘書：ｏｋ．

（好ｏ既。）

女秘書轉身出左去。

女秘書：Yｏｕ　ｃａｎ　ｃｏｍｅ　ｉｎｔｏ　ｎｏｗ，ｍｉｓｓ．

（小姐，你可以入去喇。）

女秘書禮貌咁幫絲如開門入去。

絲如一身豔紅ｏ既低胸短裙，豔妝出現。

絲如：小希，搵我有咩事呀？

女秘書走左出之後，絲如唔客氣咁行埋去呀希身邊。

呀希冇應到佢。

絲如：係咪悶呢？

絲如從後攬住呀希，雙手探摸好耐冇接觸ｏ既男性身軀。

呀希仍然笑而不動咁坐o係度。

絲如見佢冇反抗，得寸進尺咁坐上呀希大俾。

呀希皮笑肉不笑，單手由絲如ｏ既大脾開始向上摸。

絲如：乜你咁心急嫁。

呀希ｏ既舉動令絲如沾沾自喜．．．．．．．．．．．．．．．

((((第四十六集))))

呀希：絲如．．．．．．．．．

呀希隻手由大脾摸上去，呀希隻手一路路摸上，經過絲如ｏ既胸．．．．

絲如：唔．．．

一聲呻吟從絲如ｏ既口中傳出。

呀希隻手冇停係絲如ｏ既胸部，反而再摸上絲如條頸．．．．

呀希望住絲如條頸，怒意爆發，粗大ｏ既手，絕情咁用力捏住不堪一擊ｏ既頸。

絲如：呀！！！！！！！！！

一聲慘叫代替先前ｏ既呻吟聲。

呀希：我黎問你．．．．．．

呀希ｏ既表情變得陰險，力度令到絲如呼吸困難。

絲如：你．．．放．．．放．．．手．．．

絲如而家自知呀希有企圖，絲如用盡力反抗，但太遲喇，佢根本扯唔開呢隻手。

呀希：個男人同你有咩關係？

絲如：我．．唔．．知．．．

呢個答覆令呀希更加嬲，力度再加大。

絲如：唔！！！

絲如面部泛紅，每一啖氣都咁辛苦。

呀希：講呀！

今日佢一定要知道真相．．．．．．．．

絲如：我．．．講．．．

呀希將絲如拋開，絲如成個人比呀希拋左落地。

絲如：咳咳！！咳咳！！

絲如不停咁係度咳，咳到面都紅ｏ西。

呀希：答我呀！

呀希企起身，企你絲如面前。

絲如：佢係我哥哥．．．

頭先，佢仲以為會死係呀希手上．．．

呀希：我未聽過你有哥哥。

絲如：我地係同父異母．．．．

的確，當日所見ｏ既男人個樣同絲如真係希幾分相似。

呀希：你地串通呃我就係為左令小芝離開我定係為左ｏ個二百萬？

小芝冇背叛到自己．．．．．

絲如：對唔住．．．嗚．．．嗚．．．我攞唔到筆錢盲會比佢買去做雞嫁喇！嗚嗚．．我唔想做雞．．．嗚嗚．．

呀希：走！永遠唔好再出現係我面前，如果唔係，你一定會死得好難睇！

絲如狼狽咁爬起身跑出去。

雖然知道小芝冇背叛自己，但佢竟然唔信小芝，仲將小芝拒於門外！

呀希：呀光！

呀希跑出辦公室，衝去鄭少光ｏ既辦公室。

呀光：做咩事大叫呀？

埋頭苦ｏ既呀光一抬頭就見到呀希衝埋黎。

呀希：點都好！搵小芝出黎呀！

呀希一講完就跑住走。

呀光：大佬呀！又係咁？！

黎次已經係佢第二次趕走小芝，都唔明呀希趕走人又要穩返人，次次都係咁──煩！

((((第四十七集))))

當日小芝離開o個晚，呀希其實一直都企o係落地玻璃窗前偷睇小芝，佢見到小芝細小ｏ既身影慢慢消失係雨水中。

佢好想追返小芝，但痛恨留住左佢ｏ既腳步，令佢冇辦法抬起佢雙腳追小芝。

呢三日呀希不停o係度諗事件ｏ既來龍去脈，先係絲如呢個女人打黎，之後跟蹤小芝。

當日佢一返到屋企就撞正小芝行出門口，佢機靈咁跟係佢後面，直到小芝入左銀行再出返黎。

呀希當時都心中有數小芝手上攞住ｏ既白色紙袋裡面係乜野。

本黎想上前問個清楚，但因為懷疑心影響自己，所以佢最終都係跟住小芝，打算再睇落去。

可惜，個真相太震撼．．．．．

小芝竟然同一個男人會面，個男人同小芝ｏ既對話之中，令佢一聽就知，小芝背叛左自己。

小芝比自己迫走左之後就開如放棄自己，每一日返到屋企，小芝ｏ既身影就會浮現係自己面前，每次聽到

小言係度喊就會心痛，痛到眼淚都跟住一齊流，種種痛楚都令自己選擇逃避！

晚晚都會飲到醉醺醺先返屋企換衫返工。

直到一個唔起眼ｏ既女工人講左一番一針見血ｏ既說話，自己先發覺件事唔係眼見為實咁簡單！

先係比人令自己唔相信小芝，後是將對小芝ｏ既信任粉碎，繼而打埋小芝。

點解當時自己要咁衝動，一ｄ都唔相小芝？

點解唔一早就去查清楚件事？呢件事根本就係ｏ個個女人同佢同父異母ｏ既哥哥為錢而攪出黎ｏ既！

今日當絲如出現你自己面前ｏ既時候，佢一眼就睇得出絲如ｏ既眼神閃過一味勝意，呢一味勝意連自己ｏ既心都寒埋，因為佢知道呢件事係同絲如有關。

要到而家先知道自己怪錯小芝！一個女仔無依無靠，身上錢都冇，萬一．．．萬一出左事，佢都唔可以保證自己仲生存係世上有咩意思！

夜晚十點───────

呀希：小芝！！！！！！！！！！！！

呀希出左公司之後，就搵以前跟開ｏ既大佬要求佢幫手，最後叫左二百幾人去搵小芝，佢將小芝ｏ既相影印比幫手ｏ既人，自己當然一樣出去搵小芝。

呀希同其他人開車由天后搵到九龍城，每道地方都停留個幾個鍾，幾架車不停開下停下。

呀希：喂？！唔好比佢走呀！我而家黎！

直到八個鍾頭之後，終於有人打比呀希話搵到小芝。

原來小芝根本冇離開到中環。

呀希超速返去中環！

中環某公園──────

呀希：佢係邊呀！？

呀希一落車就跑去公園，一到公園就見到幾個幫手搵人ｏ既男仔。

男：佢係ｏ個邊呀！

幾個十幾歲ｏ既男仔帶住呀希跑向小芝ｏ既身在地。

呀希：小芝！

謝天謝地！小芝就坐係自己面前！

可惜．．．．．

呀希：小芝？

呀希上前攬起消瘦ｏ既小芝，一攬就覺得小芝ｏ既體重唔對路。

呀希：做咩唔應我呀？你唔好嚇我呀！應下我呀！

小芝面上冇表情，雙眼空洞，根本唔識比反應。

呀希：點解會咁嫁！？

呀希望向身邊ｏ既幾個男仔，但幾個男仔一時之間都唔知點答佢。

呀希：答我呀！

男：我．．．我地都唔知呀，一搵到佢就係咁喇。

呀希望向好似木偶咁唔識反應就係默默咁比人扯動ｏ既小芝。

呀希：小芝，小芝！望住我，望住我呀！

小芝就好似活死人一樣。

呀希：係咪唔舒服呀？我．．．我同你去睇醫生！

呀希心急咁抱起小芝，抱住小芝跑上車。

呀希：小芝，好放就到嫁喇！

呀希快手咁放低小芝再走去司機位開車。

醫院───────

小芝未到醫院就已經暈左，訓係病床ｏ既小芝，手插上針管吊住鹽水。

呀希：佢點呀？

呀希雙眼佈滿血絲咁坐係床邊。

醫生：病人嚴重脫水，飢荒，體重過輕，我睇佢都起碼三，四日都冇食野同飲水。

呀希：點解．．．．佢唔識應人？

抱住冇反應ｏ既小芝，連自己差ｄ都以為小芝死左。

醫生：嚴重脫水，飢荒會令人神經錯誤，或者可能係佢自己本身唔想講野。

雖然醫生ｏ既眼神充滿疑問咁望住呀希，但佢都冇再講野就走左。

小芝．．．唔想講野？呀希默默望住小芝ｏ既倦容，心痛不而．．．．．．

((((結局──────))))

第二日───────

呀希：小芝，你醒喇？

呀希整晚都守係小芝床邊。

呀希：肚唔肚餓呀？

呀希坐上床望住虛弱ｏ既小芝，但小芝冇出到聲。

呀希：老．．．老婆呀，對唔住呀．．．．

而家呀希係時候道歉，自己ｏ既錯令小芝再次受苦，簡直罪該萬死！

呀希：我．．．我知自己好衝動，唔聽你解釋．．．小芝．．．應下我好冇？

小芝回避呀希眼神。

小芝變瘦到好似冇肉咁，面上仲留住當日呀希打佢ｏ既痕跡，呀希心痛咁伸手摸紫黑色ｏ既掌印。

小芝：唔信我．．．．

小芝終於應反呀希，但係仍然冇表情。

小芝：點解要．．搵我．．．．．？

眼淚雖然除住面上ｏ既曲線流下，但呢種得唔到信任ｏ既感覺，大概都唔能夠用痛黎個字形容。

呀希：小芝，我．．．我認我係衝動，係我唔信你，係我信其他人都唔想你。

的確係自己信第二個都唔信最愛ｏ既人。

小芝：點解．．．．點解唔信我．．．．

呀希不停拭去小芝ｏ既眼淚。

小芝：放．．．．．．

小芝好細聲。

呀希：咩呀？

細到坐係旁邊ｏ既呀希都聽唔到。

小芝：放．．．我．．．走．．．

呀希：唔可以！我唔會放你走！我一世都唔會放你走！你只可以一直留係我身邊！

呀希今次真係知錯喇，熱淚不停係呀希眼中打轉。

小芝：我唔想．．．．再愛一個．．．．唔信我ｏ既人．．．．

呀希：唔好！我求下你．．．．唔好離開我！唔好留低我！小芝！我愛你呀！我好愛你呀！求下你唔好唔要我．．．．．

呀希雙手抱緊小芝，男兒淚不斷湧出。

小芝：點解愛我．．又唔信我．．．

小芝ｏ既眼淚一滴滴咁滴落呀希ｏ既頭髮。

呀希：唔好．．．小芝．．．．老婆！我唔敢喇！唔好拋低我同小言呀！好唔好呀．．．嗚．．．嗚嗚．．．

為左挽留最重要ｏ既女人，就算係男人都要為小芝放下所謂ｏ既尊嚴，好愛小芝，唔想冇就咁左佢．．．．

小芝：你．．．．嗚嗚．．．．你再有下次．．．我唔會原諒你嫁！嗚嗚．．．

小芝亦抱緊滿面淚水ｏ既呀希。

呀希：嗚．．老婆．．．老婆！

面對住呢個男人ｏ既眼淚，自己又點會唔心軟？

一個禮拜後────────

神父：方雅芝小姐，你是否願意成為張偉希先生ｏ既合法妻子，不論殘疾，病倒，窮困都願意付出一生去愛護，照顧對方一生一世？

小芝：我願意。

神父：張偉希先生，你是否願意成為方雅芝小姐ｏ既合法丈夫，不論殘疾，病倒，窮困都願意付出一生去愛護，照顧對方一生一世？

呀希：我願意。

冇錯，今日係呀希同小芝ｏ既大日子，呀希唔可以失去小芝，所以佢唔再拖延，佢要小芝真真正正咁成為自己ｏ既妻子。

係小芝出院冇耐之後呀希以最快ｏ既速度準備好晒呢個婚禮，禮服，婚莎，喜帖，酒店，教堂等等，花費超過六百萬。

名人張偉希娶妻一事，驚動全港。

今日呢對準新人抱住愛情結晶一齊步入教堂，承諾一生ｏ既諾言。在場ｏ既人同記者加埋都數之不盡，就係呢對新人步入教堂ｏ既一刻，攝影燈光閃過不停。

神父：請為對方戴戒指並以親吻見證愛ｏ既歷史。

呀希先為小芝戴上戒指，然後小芝亦為呀希戴上戒指。

最後愛意透過雙方ｏ既嘴唇，傳達到對方ｏ既心臟。

俊男美女親吻ｏ既一幕，令在場ｏ既人萄醉係愛情之中。

呀希：我愛你，小芝。

一生一世，絕不變改。


完~~

好好睇aR!
睇到我就減.就減咁..

嗚嗚``
真係好感動呀>v<"
終於明白到自己最愛既人唔信自己既個種心情喇*
真係好難受架!T^T
呢個P0*好好好睇呀>v<"
SUP*你``..=]