佢係好比心機,但唱歌真係有待加強
加動作呢樣係需要的
唱歌唔一定要咁笑
睇YABU個D都唔係次次都要笑
有人話佢台風好,但比起1 D Jr. 佢賫台風都仲係弱�Wd
都可以話小涼的人氣係因為偵Q
JOHNNY SAN原本唔係捧佢的
如果唔係良亮高得太快,佢同小涼個名拼音都係RYOSUKE,佢唔會咁快上位
比起其他Jr.佢太好釆喇
SHOON同TAIYO都拍過劇,都有被捧過
咁點解唔可以出道!!你講丫!!
SHOON舞蹈比佢好,歌聲都比小涼好
台風比小涼穩,經驗都比佢多呀
如果佢唔係拍偵Q,佢應該都唔會出道
TOMA佢都係受捧嫁,佢4TOPS個陣人氣比P更勁
只可以話小涼運氣太好喇
如果你想同我講KEITO的話
我唯有答你,如果冇佢BEST組會更慘
KEITO係JUMP的BACK
如果冇佢,SEVEN一定會被罵

[ 本帖最後由 魚仔餅 於 2008-2-17 05:33 PM 編輯 ]

其實，我認為Hey!Say!JUMP入面冇乜邊個係唔比心機，個個都好比心機..(唔可以淨係話得山田涼介係...)
而我都同意上者既講法，'JOHNNY SAN'根本一開始都

唔捧

山田涼介，佢一開始都係幫YUTO伴舞姐==
而且我覺得佢實力又唔算話好突出,例如:YABU佢識彈結他,YUTO識moonwalk等等
BUT山田涼介好似就冇乜長處囉(可能係我少留意佢==)
SO我覺得佢同普通Jr.冇乜分別..
咁我諗Hey!Say!JUMP入面求其抽一個人演去偵Q入面天草流呢個角色,得閒扮下COOL咁，
都應該會有好多Fans，好高既人氣囉~~~

佢好可愛牙'笑個樣都係'
好中2佢同YUTO一齊,,
**的確佢真係比好多JR,好彩好多
最起碼佢可以出道''有好多的機會
希望佢會一直努力落去喇'


[ 本帖最後由 shirlee 於 2008-5-11 07:29 PM 編輯 ]

涼介係演技方面真係表演得好好 !
有D人話佢紅都只係因為有運氣可以拍到探Q`
我覺得如果佢冇實力既' 人地都唔會揀涼介拍探Q.
而家就唔會有咁多拍日劇既機會.

跳舞方面涼介都真係好俾心機去學.
佢跳舞可能冇知念佢咁好.
但佢係跳舞方面既進步真係有目共睹.

做一個明星` FANS想涼介點`
涼介就要因應FANS既要求去做.
咁係對FANS既一種禮貌. 係答謝FANS對佢既支持.
做一個明星就係咁.
如果咁都要受其他人既批評`
咁佢應該要點做 ?

我地應該要相信喜爺既眼光.
其喜爺係出HSJ之前真係好耐冇出組合`
相信佢係係Jr.入面揀佢覺得最有實力最TOP既10個出黎.
係日後. HSJ 10人一定會有意想不到既成績 !.

只是發表個人意見. 不喜勿踩.

好中意佢呀~
佢做天草流個角色個時..
好令仔呀..
>v<

鐘意小涼..

唔係得個樣咖~
佢跳舞好勁咖
一世十卜小涼~~~

其實話涼介是因為好彩..有得出演探Q一劇
所以喜爺先至捧佢..
我覺得呢樣野係一定家啦
因為喜爺揀得出道既..梗係因為佢覺得你有料.有市場價值
如果唔係..點幫佢搵錢呀?!
喜爺揀得涼介..梗係因為佢有一定既價值啦!!(即係佢唔多唔少都有d探Q fans啦!!)

不過點解涼介會被人揀中去出演探Q一角..
一定唔係因為好彩..
即使係好彩..如果佢演得差..都唔會被觀眾接受
大家諗下..探偵學園Q喎..本身已經有一定既漫畫迷
佢地最唔鐘意d演得唔似原著既演員
但係涼介演既時候都未至於話俾佢地討厭
可見佢係演技方面係有料既..
雖然我都覺得佢係探Q入面演得有d生硬
比起童星出身既神木隆之介同有演出經驗既志田未來..真係唔係好掂
不過對於一個入左娛樂圈冇耐..又係第一次演戲既人嚟講..算係咁家啦..

同埋佢真係靠自己上位家..
唔係一味靠好彩..
因為佢係hey say 7個陣..跳多過唱..同普通jr冇咩分別
其實個陣根本係捧緊知念同yuto..(個人認為..)
大家可以聽番或姐睇番hey!say!個首歌..
佢真係冇邊幾句俾佢solo
所以喜爺都冇因為探Q既關係就捧到佢上天...
之後去到組hey day jump個陣..
開頭佢都冇被特別捧...
唱ultra music power個時..
好記得他同其他人一樣..普普通通..並唔係特別突出
咁點解佢可以有今日咁既成績?
原全係因為佢自己努力
其實個個人都好努力..
不過佢真係進步神速..所以fans愈嚟愈多..
由dream come true到your seed都可以睇到佢真正開始紅..
solo唔單止多左..跳舞位置都唔同左..(即企前左或者可以講係主要位置)
可見呢d係佢得到作曲填詞既人同舞蹈指導既人既認同..
先至有呢d安排..
最終嚟到近排推出既新歌..真夜中のシャドーボーイ
更加可以睇到佢已經被受重視啦..
上music station既時候..佢係坐主持隔離..係佢同主持交談...
呢d係以前都未有過...

仲有佢d演技真係進步左唔少
之前睇古畑中學生..
已經覺得他有進步..
講多句..佢點解俾人揀左做呢個咁有挑戰性既角色呀..
古畑個作者係因為偶爾間知道涼介既存在..所以先構思出呢個劇本
佢覺得可以做到呢個角色既人除左涼介之外就冇其他人選..
可見佢既演技即使係差都唔會差得去邊...
嚟到最近呢套劇..教師再生..
涼介的演技又上升左一層啦..
其實他自己都講過..
性格cool既角色..講起台詞俾人感覺係有d悶
容易俾人覺得只係背台詞..
所以他自己好努力去練習唔同既眼神..
結果教師再生裡既佢完全做到啦..
雖然仲有進步既空間..
不過對於一個15歲既人嚟講已經算唔錯..

最後涼介有一個優點...就係佢真係好有自信..
自信對於一個藝人嚟講真係好緊要..
如果唔係既話佢係個團體入面就冇咩存在感..
好似龍太郎咁呀..d團員..就連佢自己都覺得自己性格偏向悲觀...
所以講野口窒窒..存在感又冇咩..
不過佢呢排都積極左..自信左..
鏡頭前都見到佢表演好左好多..
所以有自信好過冇..
仲有佢跳舞加動作係無問題家..
個個jr..都係咁..
每個人都有自己既特色..
好似news既小山成日係唱歌個陣私下改動作..
news其他成員都有話佢..不過大家都冇話抗拒..反對
而且每個jr一入事務所就要學一d基本跳舞動作..例如轉圈
所以涼介都係用番佢學到既野姐...
不過最緊要既係涼介出哂名係佢笑容好睇..
差唔多個個前輩..即使係佢團員都覺得佢笑得好睇..特別係知念..
仲有佢並唔係成日都笑住唱..
而係對應番首歌既意思而笑定唔笑..
好似dream come true..係講希望..咁當然要有笑容啦..
又好似真夜中のシャドーボーイ呢首歌..佢係冇咩點笑到家...
所以唔可以因為一兩首歌就話佢太扮野..
我覺得佢算係幾低調既一個人..
因為睇佢地d歌既幕後花絮..可以睇到佢幾靜下....
同埋佢既長處可能係"發展平均"..
唱歌冇大問題..跳舞唔差..又有一定既演技..
藝人唔一定要有一技之長..(即好似yuto識moonwalk..踼躂舞)
好似news既山p亦因為有平均既發展..所以好紅..
而發展平均並唔係普通jr可以做到..

總括嚟講..我覺得佢有今時今日咁既成績..
唔係靠好彩..
人冇可能好彩成世..

[ 本帖最後由 相樂 於 2008-12-13 10:41 PM 編輯 ]

我想講既野係．．．

第一，山田涼介的確是靠探Ｑ而人氣急升，
但係，唔好唔記得，佢係ＪＪＥＸＰＲＥＳＳ個陣，
已經係第二紅既個個，即係次於ＹＵＴＯ
探Ｑ的確係佢既搭腳石，不過就唔係完全係佢可以入到ＪＵＭＰ的主因。
探Ｑ之前涼已經係ＪＲ中人氣比較高既一個，
你睇佢係ＢＣ既衫都可以同ＹＵＴＯ差唔多就知，
跳舞又成日都可以企到好前，
當然！ＹＡ３紅係一定的∼但ＪＪＥ個陣都唔錯！
要強調既係呢Ｄ全部都係Ｑ之前既事！！

第二，係元７中，個５個人無可否認既係個陣（除ＹＡ３）最紅既５個ＪＲ！！
當然，個５個都會係台風最勁既其中５個，
如果你話涼係靠好彩先可以出道，
我想問既係，當時既ＹＵＴＯ，大貴，ＹＵＹＡ，
邊一個可以話有好大既才藝呢？
咁唔通你地可以話元７全部都係靠好彩？
我想講既係，喜爺係唔會捧一Ｄ淨有才藝的ＪＲ，
而係會捧有相等才藝而又人氣高的ＪＲ！！
如果講出道∼ＪＵＭＰ一定會有元７呢５個！！

第三．睇到１１樓的話，ＳＨＯＯＮ既才藝的確有咁上下，
但我又睇唔出佢邊度既台風可以勁過山田涼介？１１樓可以有證據？
ＳＨＯＯＮ同ＴＡＩＹＯ嚴格黎講唔可以話被捧過，
當時喜爺要捧既係ＹＡ３，嚴格黎講係捧ＹＡＢＵ同光
由ＹＡ３一開始，ＹＡＢＵ就一定係被捧得最勁個個，亦無疑係唱歌最勁個個，
後來光既加入，一入社就可以同ＹＡＢＵ一齊和音，
好明顯見到喜爺的用意！
ＳＨＯＯＮ既人氣一直都上唔去，
更我想問番你，喜爺會唔會捧一個人氣唔係咁高的ＪＲ丫？

第四我要講既係山田涼介既才藝！
首先，演技方面，無錯，佢可能唔係ＪＵＭＰ之中最勁個個，
起碼大家都會公認光係最勁，
但係山田涼介有佢自己一套的演法，
對於第一次演探Ｑ既佢，可以演到咁已經係好西利，
而吸引人既我相信好少會因為佢演技，而係佢既樣！
但我想講，靚仔本身就係佢其他一樣’’才藝’’！
有好多ＪＲ都未必能夠有涼介咁既樣！
然後，講唱歌，好明顯唔係山田涼介最西利，
講最勁既一定係ＹＡＢＵ／光，
所以呢樣冇得講∼
之後，跳舞，講真呢樣我覺得山田涼介係俾左好多心機！
佢自己都講過知道唱歌唔係好得，所以想係跳舞更加努力！
佢進步得咁快亦係有目共睹∼連光都講過係山田涼介入社３個月後舞蹈進步得連佢都嚇親！
山田涼介好大部份唔係靠好彩，
佢自己係ＹＡＭＡＤＡＳ講過，
佢係最遲一個同期既ＪＲ可以揸咪，
佢係兩日內要背好廿幾首歌的舞蹈，
唔通呢Ｄ可以用好彩？

第五，有人講涼係靠探Ｑ，
我想講，探Ｑ之後佢都只不過係第二紅，
當時喜爺分明仲捧ＹＵＴＯ！好明顯啦．．．
但係真正紅係係０８年開始，
ＤＣＴ同ＹＳ就好明顯，
其實唔止涼介，ＹＵＹＡ都好明顯捧得愈來愈多！
相對黎講之前既ＹＵＴＯ，ＹＵＲＩ同ＹＡＢＵ就少左，
咁係好正常既事姐，
話唔定聽日喜爺又會捧第二個呢？

最後，我唔希望有人對山田涼介再有偏見！！
我係ＪＵＭＰ大擔，
我覺得如果要講，俾證據最重要！！
唔好得個講∼∼

（係我意見，唔中意我都冇計）

佢系我既大本命!!~
佢型得黎又帶D可愛!!~雖然佢有好多颜飯!!~
但我就一定吾系個D飯!!~
超中意佢牙!!~>.<

我好鍾意山田涼介,同埋我唔係顏飯
佢型得黎又有d可愛呀!
我唔知點解咁多人都話佢似女仔囉
佢只係可愛小小姐
所以唔該唔鍾意山田涼介既人唔好對佢有偏見!
山田涼介真係好努力嫁
佢拍既所有戲我都有睇過
我係佢既忠實fans!!!