我的貓貓1月16日開始唔食野,成日lay o係個籠度唔出黎,到左夜晚連口水都流埋,1月17日,成身軟晒,無晒力咁….我即刻帶佢去睇醫生la!!
我朋友話睇過”馬鞍山動物醫療中心”話幾好,咁我就即刻坐的士去睇,我約左3點9,遲左十幾分鐘,佢將我個位比左人,跟住我話我好緊急,佢話入面睇緊隻狗都好緊急!咁我唯有等la!!

等左一陣終於到我,佢檢查左我隻貓一陣,又話佢溫度低,個腎好似有問題,個肺又有問題,又便秘wo~~ 我見隻貓好辛苦,我想盡快醫佢,佢話叫我驗血,吊鹽水,留院一晚!! 最後我叫佢幫我吊鹽水先,跟住話佢間診所7點後會無人o係度,問我轉唔轉去旺角o個間,佢話旺角o個間24小時有人睇住,我話咁我去旺角睇la!! 跟住佢收左我220蚊診金,跟住話去到旺角要再收多一次診金,因為會有另一個醫生睇多一次,跟住我又坐的士去睇!!

去到旺角動物醫療中心,個獸醫睇完佢又係叫我驗血,又係話隻貓溫度低,可能個肺有事wo! 頭先又話個腎又事,而家又話個肺有事,咁我話即係腎無事,而家係個肺有事?!佢話唔知,要驗血先知,咁我叫佢驗,跟住佢同我吊鹽水,我睇住佢用刀片界開我隻貓隻手d皮,跟住吉支針入去,吉左兩次先吉到,吉完之後再打d透明野落支針度,打左少少,又話唔得,拎返支針出黎,又界過另一隻手,睇到我心都痛埋,支針又長,仲要比佢界開d皮兩次!!

跟住佢要我隻貓留醫,比張紙我簽,同寫個價錢比我,鹽水520蚊,藥費100蚊,驗血550蚊,留院480蚊,一共1650蚊!!佢話唔收我診金,因為我先前比左一次!!

跟住我返屋企,交低隻貓比佢地,過左一個鐘佢地打比我,話壞消息,我隻貓驗到有腎衰竭,跟住夜d又打比我話打左d抗生素比佢同埋餵佢食野!!

跟住到左11點幾,打比我,話佢體溫上升返,不過病情都係無咩好轉,跟住佢話我隻貓唔知點解用口呼吸,叫我照x-ray, 460蚊!! 咁我打比我朋友,叫佢幫我問下人,因為佢朋友係獸醫!!跟住佢獸醫朋友幫我3way打去問佢”如果隻貓真係呼吸困難,咁你會唔會比d野佢幫佢,令佢呼吸得好d”!! 佢就答”你而家隻貓條利都係紅色,如果真係呼吸唔到,我地會放佢入氧氣箱,如果真係有困難先會放!!

獸醫朋友o個間照x-ray 200幾蚊,佢話呢間貴,叫我聽日轉去佢o個間好過!! 跟住佢同佢講,因為價錢問題,唔想照住,跟住個女仔就話咁你照住一張先,200幾蚊,跟住獸醫朋友叫佢照住一張先,跟住我地收左線la! 獸醫朋友同我地講,照一張已經睇到咩事,唔需要照兩張!! 過左十幾分鐘,佢打返黎比我,話”醫生話照一張睇唔清楚,唔照la!!” 跟住話”隻貓有便秘,比左d藥隻貓食,等佢d屎軟d,易d屙屎出黎”!! 明明同我講呼吸困難要照x-ray,呼吸困難仲比野佢食,佢想我隻貓死快d咁…叫佢照一張,又話睇唔清唔照,都唔知咩醫生黎,如果隻貓真係咁需要照,佢點都應該幫佢照la!有乜理由咁講野!!跟住獸醫朋友都話覺得呢個醫生好有問題!!

到左1月17號6點43分,佢打黎同我講,我隻貓死左,話因為呼吸困難,經過搶救,都救唔到!!

跟住第2日,我返去拎返我貓貓遺體,順便問清楚噚晚發生咩事,佢話噚晚當值醫生同護士都未返,一係我夜d等佢地返黎先問,跟住我叫佢睇噚晚個紀錄,佢話我隻貓個腎又有事,又話唔止一個腎有事,個肺又有事,個肝又有事,同埋打左抗生素都要幾日先會有效!!

經過今次咁不愉快既經驗後,我覺得呢間旺角動物醫療中心入面既醫護人員好無愛心, 當我隻貓貓留院其間,佢地千方百計打黎叫催促我比錢做好多額外既野,當我拒絕佢地既要求後,佢地既態度又吾友善, 令我感覺好無助, 點解佢地吾好好咁去醫我隻貓,要做咁多無謂既野??  

我以後都吾會再去呢間咁冇愛心既 動物診所ga la!!!!