山羊座 CAPRICORN 22.12-19.01

學年預測
愛情：
你仲未想定落嚟，10月嘅一段戀情只會維持到年尾。之後你會同幾個迷人嘅男生約會，但佢哋只適合做朋友。直到夏季你先會搵到個長久嘅對象。
學業：
開始覺得某啲科目好難，甚至會跟唔上進度。你更可能要喺暑假參加補習班惡補一下吓。最後你會發現所有努力都係值得嘅！
朋友：
你嘅Best fd可能要移民，對你嚟講係好大損失。不過你身邊仲有大把老友支持你。記住佢哋有時都需要你撐o架。

水瓶座 AQUARIUS 20.01-18.02

學年預測
愛情：
你唔係想玩玩吓，只係想愛情同自由兼備。太黐身嘅男生唔啱你。放心，今年你將會遇到更多獨立嘅Cute Guys。
學業：
秋天時你對主要科目嘅記憶力會下降。揾個會突擊考你嘅老友一齊溫習，所有讀書功力就自然返晒嚟。
朋友：
你要學懂點樣將唔同性格嘅Fd連繫起來嚟。春天時你會認識一位火速熟落嘅新朋友。

雙魚座 PISCES 19.02-20.03

學年預測
愛情：
你份人超Sweet，就算只係普普通通同啲男生傾吓偈，佢哋都以為你對佢哋有意思。新學年你會同一位男性朋友一拍即合。
學業：
人人都以你今年淨係掛住Social，成績一定好差。假期之後，你從後趕上，仲名列前矛，邊個仲夠膽睇小你？！
朋友：
人緣極佳，吸引不少真朋假友。唔洗擔心，你有一班永遠唔會呃你嘅好朋友同Best Fd。

白羊座 ARIES 21.03-19.04

學年預測
愛情：
夏秋時嘅一段戀情佔據咗你唔少時間。但到咗春天，你不想再受到束縛。
學業：
今年學業運佳。秋天尾起，老師同同學會對你另眼相看，你仲可能喺暑假前勝出某啲比賽。
朋友：
你開始比其他Fd變得成熟。冬天時你會結識一班新朋友。但唔好完全唔理班舊Fd，夏天一到你會發現唔可以無咗佢哋。

金牛座 TAURUS 20.04-20.05

學年預測
愛情：
今年你超受男生歡迎。唔好咁急就下決定，睇清楚先。到春天你自然會揀到個好人選。夏天你仲會同佢糖黐豆。
學業：
秋天起渾身充滿創意正能量，但冬天一完就打回原型。解決辦法係揾個同你有共同目標嘅朋友一齊溫習，互相鞭策。
朋友：
你唔想再同班淨係吃喝玩樂嘅Fd埋堆，想揾啲有共同興趣嘅朋友。夏天時你可能會對擇友無咁執着。

雙子座 GEMINI 21.05-20.06

學年預測
愛情：
你不斷與唔同嘅男生約會。了解佢哋之後，你就會知道邊類男生至啱自己。春天時你就可以作出抉擇。
學業：
你淨係顧住玩課外活動，將學業完全拋諸腦後。直到1月你先發現原來兩者息息相關。
朋友：
今年同啲姊妹關係超好。你哋互相尊重，而佢哋好欣賞你，你嘅說話對佢哋仲好有影響力添。

巨蟹座 CANCER 21.06-22.07

學年預測
愛情：
今年你會有多段戀情，最難係要學識點樣講分手時唔Hurt到對方。直覺話你知真命天子仍未現身。
學業：
秋天時頭腦敏銳，但一踏入冬季讀書就力不從心。今年不妨參加外語班，滿足你對外地文化知識的渴求。
朋友：
秋天時某個Fd會妒忌你，令你在朋友中暫時變得唔可信。新一年問題會迎刃而解，你哋嘅友誼會因此而加深。

獅子座 LEO 23.07-22.08

學年預測
愛情：
秋天時愛情運佳，聖誕假前會同個Hot Guy發展。雖然只係去吓街，但同佢一齊都幾開心。
學業：
雖然全年學業成績不俗，但都提唔起你嘅興趣。直至春天你先會揾到你鍾意嘅科目。
朋友：
你好受歡迎，班Fd會選你做某些比賽嘅冠軍。雖然夏天時會引起某些朋友嘅妒忌，但真正嘅Fd會撐你。

處女座 VIRGO 23.08-22.09

學年預測
愛情：
雖然今年無刻意揾男友，但仍然會畀你遇到。起初你唔會留意佢，但到春天，你會不知不覺愛上佢。
學業：
即使在學業上揾唔到滿足感，你對功課依然認真，你想快些升大學或者出來工作。記住種瓜得瓜，今日要努力，他朝方成功呀！
朋友：
同班舊姊妹越越來越越唔夾。春天時你會識到一班志同道合的新朋友。

天秤座 LIBRA 23.09-22.10

學年預測
愛情：
今年超多人追，你會同至少兩個男生交往。春天時一位特別嘅男生出現，令你為佢而定落嚟。
學業：
為了要升到間好大學或者參加交流活動，除了一向好叻嘅語文同歷史科外，你連其他科都一樣咁掂。
朋友：
今年你會同不同文化背景或宗教信仰的朋友特別Fd，你會覺得同佢哋有好多共同興趣。

天蠍座 SCORPIO 23.10-22.11

學年預測
愛情：
秋天時不斷覓食，但要等到春天先有戀事出現。夏天會同個Cute Guy糖黐豆，但好快你就會熱情冷卻。
學業：
今年讀書好醒，令所有人大為震驚。秋天時有幾科要揾人幫手，但漸漸你會幫返人轉頭。
朋友：
唔係所有朋友都信得過。你同學校啲Fd玩好過同出面啲Fd玩，因為後者會為你帶來麻煩。

人馬座 SAGITTARIUS 23.11-21.12

學年預測
愛情：
今年戀事多。你深入發展一段戀情前要學懂接受別人嘅意見，同BF的嘅每個拗撬都會幫助你哋更了解對方。
學業：
你有時留心，有時發夢，但整體學業尚可。你要揀啲自己有興趣嘅科目讀。
朋友：
你一直係班Fd嘅Leader，今年你會搞清楚究竟想同邊啲朋友玩。

[ 本帖最後由 ◆〝ｃｓ☆╮ 於 2006-9-17 08:35 PM 編輯 ]