係一個大型既畢業典禮上,一個笑容滿面既男仔正接受頒發証書,佢以全校第一既畢業成績接受證書,佢係

台上望住一路支持佢既媽媽,佢既媽媽喊得好厲害,但係唔似係開心既喊....之後仲走左出去

接左畢業證書,佢即刻落台去搵佢既媽媽

男孩:媽媽,你冇事嘛?係咪唔舒服?

佢媽媽已經喊到出唔到聲,剩係係手袋到拎左一封信.....


(信既內容)
=================================================================
親愛的孩子 :
                    你見到呢封信既時間,應該係你畢業既時候,我真係好想親身黎你既畢業禮,但係我知道係

無可能既事。厚望,我知道你一定會不負眾望畢業。我想講...我其實先係你媽媽,你會覺得好突然吧。

                    我同阿輝係青梅竹馬,佢由細同大都好照顧我,我地仲暪住大家既父母拍拖。有一日,我去

左阿輝既屋企同阿輝一齊溫習,因為就快考試啦。哥日阿輝既父母都唔係到,我地溫左幾個鐘,阿輝就

話要休息一陣睇漫畫,漫畫入面好多成人情節係正常。哥日咁岩又落大雨,屋企又無人。就係呢種

氣氛下,我地大家都情不自禁....我同阿輝發生左親密既關係。

                     就係呢次之後,我都過住同平時一樣既生活,但係冇幾奈我個肚一日比一日大,起初以為係

肚生虫,所以媽媽同我去睇醫生,點知我結果係我有左,媽媽好嬲,不停咁問我經手人係邊個,我死都唔講,

但係媽媽以死相迫,我終於講左出泥。

之後媽媽就同我去搵阿輝,媽媽帶我入去阿輝既屋企問阿輝既父母件事要點做,阿輝要點負責,點知阿輝既

媽媽竟然扔左幾千蚊落地話比我墮胎,從始冇拖冇欠,企係旁邊既阿輝剩係好似扯線公仔咁低頭,我真係好

失望。無幾奈阿輝就去左美國,我都再無見過佢。

                    但係我最後都係決定生你出泥,因為我知道錯既係我,唔係你,我唔可以阻止你黎呢個世界既

權利。生左你之後,我決定繼續完成我既學業,因為大學畢業係我既夢想,所以我只可以做你既姐姐。

                    但係我屋企根本無辦法同時供我繼續讀大學同養一個BB,所以我早上就讀書,晚上就去做散工

幫補屋企,雖然好辛苦,但係每見到你既笑,我都覺得係值得,而且我對你好有期望,所以你個名叫戴厚望。

就當我覺得我可以平平安安咁生活落去既時候,天要懲罰我。就係我差唔多完成我夢想既時候,我得左

癌症。我心愛既頭髮一日比一日少,我既夢想都正式粉碎。係我臨走既前幾日,你握著我既手叫我加油,我

覺得好溫暖,我多麼想你親口叫我一聲"媽"可是這樣會令你更加的痛苦,因為我知道我時日無多,奇蹟更不

會發生係我身上,我唔想你咁細個就承受咁大既痛苦,所以我只好忍。你現在應該知道點解你細個既時候,

你不肯認真讀書我會咁嬲;每當你叫"媽"既時候,我都會不自覺地應了一聲。
   
                     其實媽媽不是不要你,是我不能這麼自私要你係沒有父母的家庭下長大,所以到死的時候都不

和你同認,請你原諒我這個不負責任的媽媽。還有,你不要恨你爸爸,因為恨一個人很痛苦,而且不完全係佢

既錯,只可以怪你媽媽我一時既過失帶比咁多人既痛苦,我臨走同媽媽講要你完成我既夢想,你終於完成

左,多謝你,你代我向我既媽媽講,我對唔住佢,你以後要好好照顧佢,唔好學我咁不孝,仲有要帶眼識人,

再見

祝你

           永遠幸福

                                                                                                               不負責任的媽媽上

==================================================================
厚望睇完封信滿面都係眼淚,失落咁坐左係地下

厚望望住個天:我一早感覺到我地不單止係姐弟關係咁簡單。媽媽你放心我會聽你話好好照顧麻麻,媽媽,我愛你

呢個故事係我睇過最感動,因為我已經係好奈之前睇,所以只係記得內容,所以以上既都係憑我既記憶寫出

泥,可能同原本有d出入,本身係書面語,但係我改左白話,希望大家原諒,不過我真係打左好奈,標題都係我改

[ 本帖最後由 卜卜脆 於 2007-4-5 09:16 PM 編輯 ]

哥個係佢親生媽媽既媽媽,,姐係係個男仔既麻麻,,佢真正既媽媽死之前做佢既家姐,但係個男仔一直唔知哥個就係佢阿媽