每個國家地方都有其特式o既文化/禁忌等等，日本亦唔例外．．
因此跟日本人有社交上o既接觸/拜訪日本人/送禮/探病等等各方面都有其禁忌，
當然不知者不罪，相信如果係不小心犯o左其中一d禁忌相信日本人係唔會介意o既．．
但係當然可以避免的話就唔好犯啦！
正所謂各處鄉村各處例，有d對香港人來講唔係咩禁忌唔係咩大問題，但對於日本人來講反而係一大忌諱，
因此以下提出少少，大家跟日本人有社交接觸時要留意囉！

送禮方面：
送禮o係日本社會中係一件好普遍o既事，好多時候都會有送禮o既情況出現，
例如到日本人家中拜託必定會帶上禮品，
但要注意不論係禮物o既選擇或包裝禮物o既包裝紙顏色上都要注意。
首先日本人認為紫色係一種悲傷o既顏色，而綠色日本人更認為係不祥之色，正如日本人家中都唔會見到有綠色o既裝飾，
因此送禮的包裝紙應避免選用以上兩種顏色。
至於禮品方面，日本人多數會送食物、Tie、手巾仔等等，梳係嚴禁作為禮品的，因為梳日文讀作「kushi」，發音跟「苦死」相似！
此外亦應避免送花，因為日本人認為「花」係示愛或辦喪事時先會用到。
＊講開花，順帶一提，日本人認為荷花係「喪花」、唔吉祥o既花。探病亦唔應該帶山茶花、淡黃或白色的花。
另外由於菊花為天皇o既標誌，因此日本人大多唔會接受印有菊花圖案o既禮品。
禮品重量亦應適中，太重可能令對方覺得你對佢有請求、太輕又會令對方覺得你輕視佢。
禮品數目應為奇數(除了9)，因為日本人應該偶數能被整除，意味著能被分開。

作客方面：
到訪應先按門鈴告知屋主自己姓名，如果無門鈴的話千萬唔好敲門，應開門然後再講一聲：「失礼します」或「ごめんください」。
日本人家中設有玄關，客人需於玄關脫下鞋子然後著上預先準備o既拖鞋先入屋就坐。而進入Tatami的房間應脫下拖鞋。
坐tatami時應保持坐tatami的坐法，如"正坐"、"橫坐"或"盤膝坐"。
日本人唔習慣俾人參觀自己o既房間，因此應避免提出呢個要求，男人亦應避免隨便進入廚房。
o係日本人家中訓覺時，枕頭方向唔好放向北面，因為日本停屍間的屍體頭都是向北面放的．．
因此「北枕」意思等於「死亡」。
＊餐桌禁忌方面，招待客人給客人裝飯時避免一碗裝太多，因為客人只吃一碗飯的話象徵無緣，是應避免的。
此外，筷子應放在桌上避免放在碗碟上。
跟日本人食飯有一大忌諱：
當對方夾菜俾你時，應該遞上碗接受。千萬！千萬唔好用筷子去接對方夾俾你o既菜！
筷子傳筷子亦係一大禁忌！因為只有執骨時先會筷子傳筷子．．

數字方面：
「苦」與「死」在日語中是一大忌諱。因此跟呢兩個字發音相似o既詞語對日本人來說都係一大忌諱。
正如以前提過日語中的梳子「kushi」，正是跟「苦」與「死」字相似！
另外42「shi」「ni」，正好跟死にます(shi ni masu)發音一樣，所以醫院中大多無4/42號病床或病房，民居電話亦避免「42」。
另外「13」亦係避忌數字之一。
而禮金方面應避免以「4」與「9」字的禮金數目。

當然仲有好多其他o既禁忌．．
不過實在無可能講得晒，因此只係提出d普遍少少同比較容易被忽略的。

喔喔...好多野.,.^^~..''