(轉).真人真事,就因為相識如像童話 但偏偏結果是這樣

呢個係真人真事黎嫁
係1個男仔既初戀..
真係.我睇完都覺得好正
其實到移家.個男仔仲未放低個女仔
男仔既現況:
單身..今年22 (未過生日就21)
final yr 既學生..

女仔既現況:
佢係咪單身我唔想知
細我一年  其他唔清楚

開頭真係幾似故事
第一階段:認識
角色:佢:琳  我  我堂妹:妹  佢fd:睛
個日係2003年4月7日 我好記得 始終係佢識果陣
我就約我堂妹去海洋公園玩 我就見知自己都有少少肚餓
就買左好多小食 同兩支大可樂
因為個日真係好熱 就同妹一人飲一支
而且又太累 所以就排摩天輪條隊諗住上去一度食一度睇風景
點知d工作人員有特別既安排 因為後面有好多排隊就叫我同阿妹加埋前面兩個女仔一齊坐
開頭我真係唔想 心諗「大佬 買左咁多野食 梗係想同返自己人一卡架啦 」
果陣只係得個15歲  所以諗野都比較幼稚
都算 坐到上去 我就大動作左少少推跌左支大可樂
淋濕佢條衫
琳: .....(當時佢無出聲 啞左)
妹: sorry 呀 我哥哥無心ga
睛: 對唔住佢自己唔識講架 肚餓就去食野果度食啦 洗唔洗上埋黎食呀?
(妹知我性格好易火 佢就係咁幫我say sorry)
睛: 佢啞架??整濕人仲唔自己say sorry?
我: ok 我錯 對唔住 我賠返件衫比你好無?
(果刻我真係好炆 我咁大個仔未試過係咁比條女係度噓我)
睛: 下 你賠唔賠得起呀?
我: 有咩賠唔起?(因為細個諗野比較小朋友)
睛: 普通? 成二百蚊件架?算唔算普通?
我: 我唔覺得有幾特別喎 佢都未出聲 你出聲呀?
(果刻我同佢個fd 真係嘈起上黎, 我地上面果卡都望左落黎睇咩事)
琳: 算啦 都唔算得係d乜野 不如就咁算啦 先生希望下次你唔好買咁多野去玩啦
(個一刻 我都收哂火 因為我咁大個仔都未見過d 咁識體諒既女仔)
我: 咁樣唔得 起瑪我都要賠返條衫比你 你話我知你件衫係邊度買??
琳: 真係唔洗 反正我著埋今次都唔要
(果陣時200幾蚊已經好貴 唔同依家 由於屋企環境比較好 所有方面都唔係問題 細個又唔知咩叫揮霍 所以覺得200蚊唔係問題)
睛: 喂 既然人地咁有誠意囉 咪接受囉 又唔係我地問題
琳: 下 咁唔係幾好意思喎
(睛就同琳好細聲唔知講左d 咩 我地聽唔到)
睛: 算啦 唔洗啦 你依家比錢我地好過啦 我地反正都唔想再見到你
咁岩 我銀包就返200幾蚊 比左200蚊佢地 回程都夠錢
所以比左佢地之後我同堂妹都返屋企啦..

去到無幾耐...


呢個故仔,唔係,係真人真事.真係好感人.個男仔係好好仔黎
雖然有做錯.但係都有改番好..
真係好少呢啲男仔嫁啦.支持下啦;)

搶1~~~
幾正下!!支持

嗯..個男仔真係好好嫁:)
希望多啲人黎啦

寶寶 我黎左喇-,-
之前係人地屋企 so黎吾到十卜你;(

第二章- 偶遇
自從發生果件事之後 我諗起佢都好幾晚 所以我有一晚決定係msn 同我fd講
我fd- 戒仔  我
我: 喂
戒仔: 咩料?
我: 你依家得唔得閒??
戒仔: ok呀 有事?
我: 唔算係特別事 只係想人搵傾計咁姐
戒仔: 挑 傾計姐 直接d啦嘛 婆婆媽媽
我: 妖 我自己係咪同你講左果件事既??
戒仔: 海洋公園??可樂事件??
我: -.- 係
戒仔: 掛住人呀?
我: 少少啦 不時都會諗果次lor
戒仔: 係咪後悔?
我: 少少 最衰無問佢囉電話啦
戒仔: 一早咁做就唔會咁啦... 咁我幫你唔到啦 打機啦 888888888888888888
我: 咁好啦..88!
msn完之後 我就去左訓 由於第日唔洗返學 所以訓到好晏~
打左陣機  見肚餓就去睇雪櫃有無野食 乜都比我食哂
唯有沖完涼 再落街~
由入''車立'' 去到7仔 都係同緊個fd傾緊電話~
我發現好熟識而我又記掛既面孔係我面前經過
所以我就cut鬼左我個fd線  
我當時好驚 我又想同佢相認  但係我又驚佢話唔記得我
但係諗起我同戒仔係msn咁講  因為後悔左第一次 所以決定去波
我走到佢前面
我: hi
琳: ....hi( 因為太過唐突 佢好驚訝)
我: 你記唔記得我呀???
琳: um  記得呀 上次海洋公園整污濁我件衫果個男仔呀嘛
我: 哈哈 係呀 估唔到你仲記得我喎(果時劇尷尬 邊會想人記得自己d 衰野ga btw佢記得我好開心)
琳: .....(佢個陣無講野 對住本雜誌係度笑)
我: 係呢? 點解你會係度ge? 唔通你都係住呢區??
琳: 哦 我落黎幫我阿妹買雜誌之嘛 係呀 你都係住呢度??
我: 哦哦 係呀係呀
(果陣我同佢都無乜點講野 因為實在太尷尬 佢又好想返屋企咁 所以我問佢)
我: 係呢 你可唔可以比你電話我呀??
琳: 好似唔係咁好喎..
我: 大家做過朋友姐 難得咁都比我地見到
琳: 9xxx xxxx 我返屋企啦 有機會再見啦 掰掰
我即刻save低個電話 之後同佢講掰掰 我就去買野食 就跑返屋企
唔知係咪因為我跑返屋企 所以我個心跳得好快好快~
當時我唔知咁樣係咪叫鍾意人  但係心入面果個種感覺好奇怪
我即刻msn 戒仔
我: 得米啦今次
戒仔: 下? 你爆左機啦??
我: 爆咩機== 我尋晚同你講個件事呀
戒仔: 下????
我: 我岩岩落樓見到佢 佢仲記得我呀 好開心呀
戒仔: 之後呢???
我: 拎左電話啦  好開心
戒仔: 嗯 打機 88
戒仔一樣照舊打機好冷淡同我say bye 但係我果一刻我真係好開心
因為我發夢都估唔到我可以再見到佢
我拎左個電話號碼 但我又唔敢sd sms比佢..
我驚比佢覺得我因為想溝佢而搵佢 所以我都唔係幾敢搵佢..

過左一個星期..(待續)

繼續po a___a
快d update.

好小人..你支係冇用嫁~.~
同埋你都知道我電腦咩咩嫁啦t.t

[quote]原帖由 [i]POLLY#.#[/i] 於 2010-4-12 07:58 PM 發表 請切換完整版來瀏覽圖片和連結
好小人..你支係冇用嫁~.~
同埋你都知道我電腦咩咩嫁啦t.t [/quote]
電腦壞左-_-
係學校po囉-口-

因為呢排電腦既問題同埋要溫書同埋呢章太小既問題
我今次會post 2章出黎:)
第三章-驚喜
拎左佢電話之後 隔左成個星期
個電話都無乜聲氣 除左我d fd之外
一個都唔係佢  好down
心諗: 拎左等無拎咁
好記得個日我係要返學練波
我同我個老死阿勇都係籃球隊
個日f3同f4都要一齊train
所以一邊train緊果陣 另一邊就可以去休息
我地f3個邊train既時間比f4既多
練到成身都汗味 又累
我就去左買野飲
飲下飲下 阿勇拍我博頭 遞我部響緊既電話
我連睇都無睇 我聽
我: 喂
線內人: 喂 你做緊咩呀??
我: 你搵邊位?
線內人: 你唔記得我啦咩??
我諗左一諗 把聲好熟wo 我知啦!
我: 我記得啦 你搵我有事呀?(果陣好開心)
琳: 無呀 岩岩練完琴好累 咪搵你傾下計囉
我: 哦 我都係wo 岩岩練完波
琳: 嗯 做咩拎左我電話唔搵我既?? 又話做朋友 咁做朋友ga咩?
我笑左出黎: 哈哈 我忙呀嘛(根本就唔係 我驚之嘛=.=)
琳: 咁呀 不如搵日出黎食野啦 呢幾日d fd唔係咁得閒
我: 好呀 咁時間再約啦
我收左線之後 嘩 好開心囉
晚晚係度我等到啦
返到屋企我決定我唔可以再咁被動 係要追人就追人啦
比人請食檸檬咁食啦
試過就唔會後悔架啦

到左我同佢比較空閒果陣..

第四章-上天注定的緣份?
我就係第二日打比佢
我: 喂
琳: 喂
我: 上次你係咪問我得唔得閒既?
琳: um..係呀 你點呀咁??
我: ok呀 不如約你黎緊呢個星期五 好無??個日我放學無野做
琳: ok呀 到時見啦 掰掰
我: 掰掰
收左線之後 我好開心呀>_< hahahahahaha 第一次約佢成功左
直情係心花怒放呀!! 連我阿媽都好奇問我發生咩事..
阿媽: 喂 你痴左呀?
我: 無呀無呀 無特別事
阿媽: 係咪有女朋友?
我: 傻啦 我之前同你講我終世不娶架嘛([心諗: 我唔娶你就真係驚啦)
食完飯之後 就跑上房諗住同戒仔講
點知 戒仔又掛住打機 唔理我 算啦 難得佢肯應我約 無謂搞到自己心情唔好啦
呢份心情仲正過球隊囉左第一名呀!!!!!!
從未試過架   唔知算唔算發姣呢??
個心唔知點咁 不如sd個sms比佢 唔知佢會唔會覆我呢?
-------琳
     hi .你依家做緊咩呢??
              -----助
過左成10分鐘, 佢都未覆我/  \ 由發姣mode變左無心機mode
阿媽又係咁吹我沖涼 咁我就去沖涼啦
一度沖一度諗 唉 約就約左啦 佢會唔會到時唔黎架?(個心驚緊 佢會唔會其實係有男朋友架??)
沖左成半個鐘  乜都沖乾淨啦  出到黎唔係幾敢第一時間睇電話
因為唔想見到佢無覆我   所以我爽性走去打機
開頭覺得好high  因為殺左隻大佬 點知打到一半又好down 走左去禁電話
咦咦咦咦咦咦!!!!!!!!!!!!!!!!!!!!!
--------助
        我執緊個袋呀 你呢??
              -----琳
--------助
         做咩唔覆我呀=0=訓左啦??如果係訓左咁聽朝再搵你啦??
               ------琳
2個sms 呀!!!!! 好開心呀!!!!拎住部電話成5分鐘都唔禁 白痴! 人地就訓啦
我就拿拿林sd 返比佢
--------琳
        未呀未呀 我悶緊~你依家得閒同我傾陣嘛??!
              --------助
之後都係左d 閒計無乜特別了 同佢sd 完sms 嘩~好好訓呀 一訓訓到天光^^
*******************
到左星期五啦!!!!yeah!!!!my dream day!!!!!
一起身霸住個廁所 比阿媽係咁嘈(唔好吹我啦 你個仔今日見人啦)
因為我個間學校比較嚴  連gel頭都唔係咁比 不過唔理啦 為左佢我gel啦
返到去  d女同學對我d眼光令我覺得好恐怖 好驚
阿勇: 喂 死仔 今日返黎殺死女呀?
我: 下 殺咩女?
阿勇: gel到個頭咁行 唔係溝女係咩?
我: 我約左人之嘛 都唔係溝
阿勇: 擺明係溝女啦 仲唔係?你睇下我地班d暴龍流哂口水啦
我: .....上堂啦
上堂唔係幾敢訓 因為驚整衰個頭
好啦 我最期待既時間終於黎啦!!!
我約左佢係隔黎公園度 我同fd出街成日都遲到 所以決定早到十五分鐘
呢十五分鍾真係好漫長!!!! 唔易等!! 我等到啦
但係.... 點解佢套校服同我間學校d女仔一樣既??
十個不明白!!唔理啦 阿琳笑得好靚咁行過黎
琳: hi 等左好耐呀?
我: 唔係呀 岩岩到之嘛(突然覺得自己好假 平時遲到唔夠半個鐘都唔會見人 對你梗係唔係咁啦)
琳: 哈哈 食野囉 有少少肚餓
我: 好呀 你想食咩?? 我請你呀
琳: 唔係幾好喎 不如一人出一半啦
我: 唔制 我請! 今日無得你say no!
琳: ...um 咁好啦
行行下  好沖動想拖佢 唔可以咁既 比佢誤會我係咸濕仔咪衰 唔得唔得
但係一路上大家都好靜 過左一陣佢出聲啦
琳: 其實你係咪讀xxxx中學架?
我: 係呀 你又知?
琳: 因為你同我間學校既校服一樣架(佢個樣係好無奈)
我: 哈 哈 哈 乜我地真係咁有緣呀(我面都紅哂)
琳: 你做咩面紅呀? 我第一次見男仔會面紅架咋 哈哈
(我就係度以笑去染飾我既尷尬)  
我: 哈 哈 哈 ..你覺唔覺得我地有緣=.=?
琳: -_-覺呀 我地前世係仇家??
我: 哈哈 (不是怨家不聚頭呀嘛)...
過左一陣 我地去左茶餐廳食野
佢叫左碗魚旦粉 我就叫左杯凍檸水 我唔係好肚餓 所以齋飲
原黎佢食野好可愛咋  
食完野之後 我同佢係公園傾左陣 佢就話要返屋企溫書啦
琳: 好啦 我都係時候返屋企啦 今日多謝你呀
我: 唔洗客氣 我都應該多謝你應我約啦
琳: ...嗯嗯  咁你得閒就搵我啦  
我: 哈哈 好呀 等我搵下你係邊班啦
琳: 你搵到先算啦 咁大
我: 有心一定搵到既 我送你返屋企呀
琳: 唔洗啦 下次先啦
之後我就同佢講掰掰啦  yeah!!!
佢個句「下次先啦」 證明仲有下一次!!!!
而且佢仲同我同一間   yeah!! 天注定你一定會同我再見面既!!!!!
我唔洗再擔心啦!!!!! 第一時間通知戒仔啦梗係!!!!!!

返到屋企之後...(待續)

[quote]原帖由 [i]#;dIC.`[/i] 於 2010-4-12 08:00 PM 發表 請切換完整版來瀏覽圖片和連結

電腦壞左-_-
係學校po囉-口- [/quote]
唔想用學校戈啲
太廢lu-3-

[quote]原帖由 [i]POLLY#.#[/i] 於 2010-4-12 08:10 PM 發表 請切換完整版來瀏覽圖片和連結

唔想用學校戈啲
太廢lu-3- [/quote]
-0-廢都要po上黎
幾好睇a_a

我又番黎啦xd
同上次一樣..post2篇(:
多啲cm啦唔該啦-___-

第五章-一個意義深重的約會
返到屋企之後 心跳跳到阿媽都唔認得我
跳得好快 仲快過打完波=_= OMG
坐低同阿媽食飯 突然阿媽咁問我 我都唔知比咩反應
阿媽: 仔丫仔 由尋晚開始我覺得你好唔對路
我: 下?
阿媽: 你係咪有病呀? 定發燒呀? 尋晚你塊面到依家都好紅啦喎? 洗唔洗睇醫生?
我: 係呀 阿媽 我有病呀^^ 都好嚴重
(我咁大個仔未試過因為一個女仔搞到面部進行劇烈既血液循環 因為妳 我係唔會放棄 )
食完飯之後 突然想約佢聽日同我出街 咁我就sms佢啦
------琳
      hi 食左飯未呀?? 你聽日得唔得閒呀??
                     -----助
好緊張好緊張呀!!唔知佢會點覆我呢!!一定要覆我「得閒呀」!!!!
唔知佢係咪食緊飯呢/  \ 等左成個鐘啦 佢都未覆我
我就開始行黎行去 坐立不安 好驚佢唔理我/  \
突然電話響~ 我沖去聽
琳: sorry呀
我: 做咩sorry呀?(下 sorry/ \你唔係想拒絕我呀嘛?)
琳: 我岩岩部電話hd左機呀 覆唔到你呀..sorry 呀
我:  ...嗯 哦 係呀(即刻輕鬆哂)
琳: ....嗯
我: ....er er er 咁你...聽日...ok...呀可?(太緊張)
琳: ok 呀 反正星期一無野test~
我: 咁我地11點半係旺角地鐵站等呀^^
琳: 好啦~ 聽日見(佢笑住咁講架 最衰無錄低啦)
*******
到左第2日 嘩 個地鐵站好多人呀
死啦 雖然我尋晚叉滿舊電 但係又唔係幾收到
11:29 啦 佢仲未出現既  死啦 我又打唔出個電話
佢會唔會唔黎架 我開始心跳加速 愈黎愈驚 唔知點算好
突然有野姐住我對眼
神秘人: 知唔知我係邊個呢?
我: er er 女仔聲黎既 你係?
琳: 咪我囉 你好蠢下喎
我: 咁我點知喎 ..(個樣仲係好驚青咁)
琳: 你知唔知呀 我幾難先行到你後面呀
我: 下 點解呀??
琳: 你又高喎 又要周圍望 睇到我咪問唔到你我係邊個囉
我: 仲玩/  \ 我電話又打唔出 你知唔知我好驚架?
阿琳無出聲 對住我係度笑 我又覺得塊面又好熱啦
之後我同佢去左食pizza hut 食2人套餐 haha(無咩意思架 因為都幾平 份量都唔錯 錢方面梗係我出啦^^)
食完之後 佢想行下寵物街 我就陪左佢去睇d 小動物
琳: 你睇下隻貓幾得意=_______=(佢係咁篤個玻璃 好似小朋友咁 好想要)
我: 哈哈 有錢先買啦~.~
琳: ...真係好得意丫
我: 我知呀~.~(其實你仲可愛啦 )
睇下行下都成5點幾 我諗佢都要返屋企食飯嚕
我就陪佢搭巴士返屋企 搭到半路個陣佢累到挨左落黎訓
wowowowowowowow 心跳不斷上跳!!!!!
個種感覺...嘩!!!!!!!!!!!!!!!!!!!!!!!!!!
開心到想跳起 但係唔想整醒佢 唯有係心入面興奮~~~~~~
yeah!!! yeah!!!! yeah!!! 三次yeah都唔夠 自己返到屋企慢慢yeah!
係落車前3個字 佢開始醒
佢發現佢挨左我身邊 佢無出聲 對住我笑
琳: 你博頭累唔累?你累你挨返我呀 我博頭都幾舒服架
果刻 我真係笑左出黎 真係傻妹黎既 係累值得架^^
行去佢樓下 條路好似好短咁既 咁快行完 好唔捨得
我以為佢同我講完掰掰之後 就檸轉頭入大堂啦
點知...
琳: 喂 你呀 黎緊個比賽你要加油呀 無第一唔好搵我呀
我: 一定呀!!!!!!!(死都要嬴第一返黎 唔係你會唔比我搵你架)..
一路行返車站 我一路諗: 嗯 我真係鍾意左個傻妹啦...

(待續..)

多啲cm呀!!!!:em09:
遲啲會有佢地啲相睇嫁:em23:

第六章-自責
籃球比賽都差唔到啦..
我梗係同阿勇積極練兵啦
小息又打 lunch完又打 唔理得咁多放學打到學校閂為止
星期6 日都係一樣約埋孖仔 同戒仔 同其他fd一齊打
打到好累 搞到連搵妳既時間都無 sorry呀^^

離比賽仲有2日  我要比心機呀\  /
好記得個陣上緊 math 電話震左震..
噓 嚇死我啦 阿sir岩岩行過
睇下先~~~
----助
    見你呢幾日係籃球場練波練得好辛苦
    記住休息多d 比心機丫^^
                 -----琳
睇完 個刻覺得好sweet 真係好似一齊左咁^^
anyway 得到妳既關心我所有辛苦都係值得ga^^
為左妳我一定會嬴個比賽~
返到屋企 乜都無諗到訓教~
第2日都係咁~無特別事發生
***到左比賽個日..係放學個陣開始ge 係同第二間學校比賽 嬴左可以晉級
到左放學 this is my showtime
我同阿勇準備衝落樓梯個陣
突然聽到有人叫我全名 我就檸左轉頭
嘩 =.=成班女仔係我後面 發生咩事??
我: 咩事? (好冷淡咁問)
carmen: 無呀^^ 比心機呀你(佢係我個級既大家姐 係人都驚左佢)
我: ....bye
即刻衝落更衣室 諗起carmen個一笑我都驚 佢個樣係唔錯 但係性格太恐怖啦
阿勇突然係我後面拍我
阿勇: 喂 carmen冧你呀?(個樣勁變態)
我: 下 你傻架? 我同佢不嬲無兩句點會??
阿勇: 世事難絕對 至驚你唔受姐
我: ...咁呀 我讓比你呀(勁無奈)
阿勇好無癮咁繼續換褲 過左15分鐘之後
終於出場啦^^ yeahyeah~
因為太多人 所以我搵唔到妳 希望妳有睇啦
個日對方個隊係我地區最鍾意用賤招既一隊 但實力一時ok 一時唔ok..
我就打前鋒ge 我諗住拎返個波個陣
對面個件一腳踢埋黎 踢中我之前傷左個條骨
搞到我拎唔到個波 痛到阿媽都唔認得
球證吹停 問發生咩事
對方竟然話無事 掂都無掂過我
我隊友睇到 講比球證知 球證話好小事囉
心諗: 算 反正對方無實力 我忍..
我忍到下半場多d 頂唔順
叫阿輝頂我位  我就去左醫療室
場賽我就睇唔到 好唔開心.. 始終我無踢哂全程 好唔開心
阿勇跑上黎同我講嬴左  不過我都係好唔開心
因為我無得落場同佢地一齊開心囉個獎
唉 點解為妳做一件事我都做唔到? 我諗我都無面見妳 應承妳咁簡單既都做唔到...
當我走出醫療室 我見到妳.. 妳笑住咁行埋黎
我真係唔知點面對妳 唉 好對妳唔住呀
妳望住我 我連望都唔敢望住妳 sorry
妳: 你有冇事呀??
我: 無呀 ^^(個陣強顏歡笑)
妳: 你係咪怪緊自己呀??咁既樣既??
我: ....
妳: 我無怪你架 真架 我見到你呢幾日咁比心機練 我就知你好想嬴個比賽 依家咪嬴左囉
我: 都唔同(聲都變埋)
妳: ...
我: 係嬴左呀 我練左咁耐 我都係等今日咋 點解偏偏要係呢個時候傷喎????
妳: ...
我: 我練 我日日練 我真係好比心機架 點解我唔可以落場呀!!!!!!(個陣想喊)
妳: ...(妳都係無出聲)
我: 點解我咁唔爭氣...(講都未講完 妳捉住我同我講)
妳: 真係唔緊要^^ 我睇到架^^ 我知架 (妳笑住講)
我: 我...
妳: 唔好再我啦 我真係知架^^ 你所做既都係為我姐..我明架
我聽到妳咁講 係妳知我鍾意妳呀 定係點呢??
反而妳咁講令我更為唔明
我真係好想同妳講 我好鍾意妳 但我驚妳會唔接受我..

(待續)

喂喂 繼續繼續^^

你喂我.我唔post啦

[quote]原帖由 [i]POLLY#.#[/i] 於 2010-4-15 07:45 PM 發表 請切換完整版來瀏覽圖片和連結
你喂我.我唔post啦 [/quote]
-_-咁都吾po.

supp*寶寶yeahyeahyeah!!!`

[quote]原帖由 [i]#;dIC.`[/i] 於 2010-4-15 07:48 PM 發表 請切換完整版來瀏覽圖片和連結

-_-咁都吾po. [/quote]
唔係..我好想post-3-

[quote]原帖由 [i]POLLY#.#[/i] 於 2010-4-15 08:05 PM 發表 請切換完整版來瀏覽圖片和連結

唔係..我好想post-3- [/quote]
快d快d 好睇好睇^^