沖完涼之後:::::::

YOYO：今晚你同我訓啦,黎啦,琪琪 [拉住我隻手入房]

我：唔洗啦,我訓出廳呀! [放左手]

LOK：唔洗擔心我喎,我訓廳啦! [編者話:有人擔心你咩]

我：你地兩個訓啦,真係比我訓廳啦!好冇? [推左佢地入房]

YOYO：琪琪呀,我怕你亂諗野嘛,入黎啦! [其實我都好怕自己會亂諗野]

我：比我靜下啦,好冇?我唔想成日攪住你地呀! [一個人諗下野都好既]

LOK：好啦,YOYO,唔好迫佢啦,由得佢啦! [同YOYO入房]

我：唔洗擔心我喎,我係一個好堅強既女仔黎架啵! [同佢地微笑]

YOYO：好啦,你早D抖啦! [又同我微笑]

之後佢地兩個入左房啦,我幫佢地閂埋左房門,之後我坐左係廳,

開著左部電視,一個人係到睇平時我最鍾意睇既劇集,

比著平時我一定會笑得好開心,因為有呀龍陪住我睇,但依家點解我覺得一D都唔開心既?

不知不覺我好似一個傻婆咁喊左出黎,我用手不停抹眼淚,我唔想比眼淚掉出黎,

但冇用,因為[人傷心一定會流眼淚],我只希望痛痛快快咁喊一場,喊完之後就可以重新開始所有野,

但最後得唔得,都係未知知數! 希望有大左,諗野都會諗得通透D...

房:::::::::::

YOYO：琪琪佢有冇事架?我都係唔放心佢! [不停搖呀LOK隻手]

LOK：傻妹,有事就一定既,佢話就話冇事姐! [捉住YOYO隻手]

YOYO：你咁講,我都係出去睇下佢啦! [想跳落床,不過呀LOK制止左]

LOK：唔好咁啦,你乖乖地訓係到啦! [捉實YOYO]

YOYO：點解喎?佢依家唔開心呀!我當然要陪下佢啦! [係到掙扎]

LOK：你諗下啦,佢係你面前只會扮冇野架!咁樣佢會屈住屈住架,不如依家比佢大喊一場仲好!

YOYO：真係?但係我覺得佢一定會好寂寞架! [唉住左呀LOK]

LOK：佢一定唔想你見到佢軟弱既一面架,聽我講啦! [攬住YOYO]

YOYO：希望佢可以捱得過,忘記呀龍LEE個衰人啦!

龍屋企:::::::::::::

喬：龍,你餓唔餓呀?不如我地落街食D野啦! [呀喬見到呀龍呆左,所以叫佢]

龍：[冇反應,只係不停望住個電話]

喬：呀龍,你係咪唔舒服呀? [拍下呀龍,呀龍跳左一跳]

龍：做咩事呀? [好明顯比呀喬嚇親]

喬：你望梗咩呀?呆哂既? [望住呀龍個電話,原來呀龍望梗我同佢既合照]

龍：SORRY呀! [呀龍知道呀喬係唔開心既]

喬：唔洗講SORRY,我明既! [呀喬表現得份外冷靜]

龍： [好無奈咁望住呀喬]

喬：不如我地落街食野啦,好冇呀? [拉住呀龍去]

不知不覺已經過左一個月啦,每日過住一D好寂寞既生活!

但發覺自己唔得啦,因為我真係忘記唔到呀龍,忘記唔到同佢所有既經歷!

記得有一次,我同DINO一齊出左街,我見到呀龍同呀喬,

世界真係細,咁都見到佢地...

果次********

DINO：琪琪,不如我地去食下飯行下街睇下戲,拍下拖啦,好冇?

我：食飯行街睇戲都得,咩野拍下拖呀? [無奈]

DINO：嘻嘻,你知道架! [捉住我隻手]

我：SORRY,暫時我真係唔想拍拖住!比少少時間我好冇? [放開左手]

DINO：傻瓜,玩下你咋!我知道啦,我會比時間你,我等你好冇? [個樣好認真]

我：哈哈,你個樣好認真下喎,好MAN呀! [係到傻笑]

DINO：你個死蠢呀!我對你幾時都咁認真架啦!唔係咩? [自己都笑左出黎]

我：哼.\_/. 係至好講呀,我唔鍾意人地呃我架! [打左佢一下]

DINO：你似住我鍚你就打我呀! [捉住我隻手]

我：係架啦,唔得咩? [自己又係到傻笑]

DINO：好啦,本少爺比你拖住我隻手行街啦! [我心諗,關咩事呀]

我：唔希罕,嘿嘿.. [不過DINO都係拖住我隻手行]

之後我地係條街到拉拉扯扯係到玩,成個大細路咁樣@___@"

---------------------------------------------
另一面..

喬：龍,依家我地去邊呀? [佢地果陣同我地好接近]

龍：是但啦,冇所謂,你決定! [露出笑容,不過LEE D唔知算唔算係幸福既笑容]

喬：你話下事啦,我咩聽哂你講既! [呀喬係呀龍面前永遠都係小鳥依人咁]

龍：我尊重你呀嘛! 傻瓜 [仲記得以前呀龍都成日咁叫我]

喬：龍! [好大聲咁叫呀龍,之後伸左隻手出黎]

龍：嗯?咩事? [呀龍好好奇咁望住呀喬]

喬：點解你永遠出街都唔拖住我既? [個樣好失望]

龍：有咩? [呀龍好無奈咁望住呀喬]

喬：嗯,有呀! [唔開心中]

龍：好啦好啦,我錯啦! [之後拖住呀喬隻手]

喬：唔想拖可以唔拖既! [好似發梗脾氣咁]

龍：傻啦,邊個話我唔想拖呀?不知幾想拖呀!

喬：好啦,算你啦! [笑番出黎]

------------------------------------------------------------

我地終於見面啦.面對面碰頭!

我地都望住對方,而我同呀龍之間既眼神交流都冇離開過對方!

我個身開始震啦,自從上次,我地依家係第一次再見面..

DINO都望住我,之後慢慢拖住我隻手,再帶我離開LEE個地方..

我已經再冇唔到呀龍啦,個心不過好辛苦,感覺好唔知點..

到左夜晚,番到屋企,心情仲未平復..冇耐,有個私人號碼打去我手提...

因為心情仲未平復,雖然知道電話係到響梗,但我依然發梗夢呆住望住個電話!

正當我清醒,終於知道電話真係響梗,我就好快咁拎起個電話諗住聽,

點知好快就冇響啦,果個人收左線,我都冇乜點理到,就諗住算數啦,

冇耐,電話又響起....

我：喂喂.. [聽左電話,3秘都冇人講野,所以我就講野先]

人： [依然冇出聲]

我：喂,你係邊個呀? [隔左一陣我就又出聲]

人：琪琪,知唔知我係邊個呀? [佢一出聲,我就知道佢係邊個啦,我唔知點做好]

我： [我冇出聲,今次到我冇出聲]

龍：嗯?琪琪.. [我唔出聲,所以呀龍就出聲啦]

我：係,咩事? [講完一陣間,我就出聲答佢啦]

龍：近排.. [停左一陣] 近排同DINO一齊開心嘛? [我好驚訝,點解呀龍會咁講]

我：我同DINO?

我坐左係沙發到, 用自己雙手用力攬實自己,
lee一刻先發覺, 原來我係好缺乏安全感!
原來我係咁怕自己一個人! 我D眼淚已經再受唔住控制不停咁流!
我真係好無助, 從前我傷心, 有呀龍,
從前我喊, 有呀龍幫我抹眼淚, 突然之間, 我想回到過去,
我寧願從來唔知呀龍同呀喬之間既野,
我寧願果日唔去揭發佢地之間既戀情,
我後悔啦, 我真係後悔啦... 嗚嗚/_\

YOYO岩岩開門番黎, 屋企冇開燈, 所以一開門就有一D光照住我!
照得我個喊樣好清楚..好清楚! 我隻眼都腫哂..
我望住YOYO, YOYO同時都望住我!我忍唔住,我衝左去攬實YOYO,
我攬實佢不停大喊, 我既眼淚都整濕左佢件衫!

我` 「YOYO, 原來我係咁軟弱, 原來我係唔可以冇左佢架」我唔知除左喊,仲有咩野可以做
YOYO` 「琪琪」YOYO都用力攬實我, 比番D安全感我
我` 「我真係好掛住佢, 好掛住佢! 嗚嗚嗚....」我再用力D攬實YOYO
YOYO` 「忘記呀龍, 忘記過去, 好冇」我嘗試過忘記呀龍, 但我做唔到
我` 「我唔想放棄佢, 因為我仲好愛佢」點解我仲係放唔低!?
YOYO` 「琪琪, 醒下啦, 佢已經有呀喬」佢講完LEE句之後, 我心更加痛
我` 「我知道..我知道佢仲好愛我架」呀龍到最後都放棄我嗎
YOYO` 「你醒下啦, 你再係咁, 冇人幫到你架啦」YOYO好大聲咁鬧我
我` 「我真係好愛佢架! 你唔會明架啦」我好大聲咁答YOYO, 之後我推開左佢, 反鎖自己係廁所
YOYO` 「琪琪,你做咩啊? 開門先講啦」YOYO不停拍門, 但我都冇理到佢

我只係坐係地下到不停喊, 不停喊! 望見有把界刀係到...
我好快手咁界左自己一下, 我又做多次傻事啦!
我記得, 曾經我都試過! 感覺同上次一樣,
我隻手一D都唔覺得痛, 只係心覺得痛/_\

LOK` 「YOYO,做咩事啊!?」LOK岩岩開門番黎, 就見到YOYO係咁拍廁所門
YOYO` 「琪琪反鎖左自己係裡面, 我驚佢做傻事啊」拉住啊LOK
LOK` 「琪琪, 開門啦! 有咩唔開心同我地講, 好冇?」LOK又拍門
我` 「嗚嗚.. 唔好理我! 唔好理我」
LOK` 「YOYO,借開先」啊LOK好大力咁撞開左道門,而坐係門後面既我,即刻成個人彈開
YOYO` 「琪琪, 你有冇事啊!? 係咪好痛?」我成個人訓左係地下喊
我` 「唔好理我啊,嗚嗚」推開YOYO
YOYO` 「做咩事啊你隻手」YOYO發現我隻手流梗血
LOK` 「傻妹, 你做咩咁傻啊?」佢地都望住我個傷口
我` 「我岩岩祝呀龍同呀喬幸福啊」我自己係到笑, 但仲係流梗眼淚
YOYO` 「拎野黎幫佢止血先啦」之後啊LOK衝左出去拎
我` 「呀龍都祝我幸福, 嗚嗚嗚嗚」我又失控喊啦
LOK` 「快D幫佢止血先啦」啊LOK拎左個藥箱入黎
YOYO` 「你乖, 你唔好喊, 你比我幫你止血好冇?」我見到YOYO既眼淚都流落黎
我` 「我個心好痛, 我可以點做? 我好想死左去」我已經到左絕望啦
YOYO` 「你冇左佢, 你仲有我」YOYO好細心咁幫我包紮, 佢既眼淚水滴左落我隻手到
LOK` 「唔好喊, 唔好喊」啊LOK安慰我地兩個,幫我地抹眼淚,但我知道佢都想喊
YOYO` 「你死左, 咁我點啊? 你係我最好既朋友, 知唔知」佢攬得我好實
我` 「我.. 我好辛苦啊! YOYO..嗚嗚」我都用力攬實佢
YOYO` 「我知道, 我知道你既痛苦! 不過你唔好做傻事好冇?我真係好驚」
LOK` 「我幫你搵呀龍好冇啊?」啊LOK攬住我地兩個
我` 「唔好.. 番唔到轉頭啦」已經唔可以再好似以前咁
YOYO` 「乖! 起身, 入房訓教, 訓醒就冇事」YOYO幫自己抹眼淚,再幫我抹

YOYO同啊LOK都扶實我, 我訓左落張床到, 之後幫我整好張被
坐係我床邊望住我訓教, 一個捉實我隻手, 一個摸住我D頭髮..
我合埋左隻眼, 但眼淚依然流... 好耐之後,我終於訓著左...

YOYO` 「你知唔知我見到佢咁, 我個心真係好痛」YOYO好細聲咁講, 佢喊梗
LOK` 「我個心都好痛, 我知道我地幫唔到佢」YOYO捉住YOYO隻手
YOYO` 「你係到睇住佢」YOYO出左廳

[嘟..嘟..嘟..嘟..] 電話通梗, 佢要打比呀龍
YOYO` 「喂, 呀龍」好冷靜咁講
龍` 「嗯? YOYO,咁夜咩事?」呀龍好似訓左教咁
YOYO` 「你同呀喬一齊梗啊?」
龍` 「(冇出聲)」
YOYO` 「係咪啊?」再問多呀龍一次
龍` 「嗯, 佢係我女朋友」終於答左YOYO
YOYO` 「咁..你愛佢嗎?」
龍` 「就算愛唔愛, 佢都係我女朋友」好快咁答左YOYO
YOYO` 「琪琪喊得好西利, 佢岩岩自殺」
龍` 「嗯?」反應好冷淡
YOYO` 「點解你可以咁冷淡? 佢係為左你,先攪成咁」YOYO鬧呀龍
龍` 「我同佢..已經完結啦」YOYO估唔到呀龍咁講
YOYO` 「你真係會忘記佢, 放棄佢嗎?」
龍` 「嗯..我會忘記佢, 我會放棄佢」

YOYO` 「既然你都決定左, 我知道我應該點做啦」
龍` 「幫我同琪琪講聲, 叫佢忘記我啦」
YOYO` 「放心, 就算你唔講, 我都會同佢講」
龍` 「嗯, 我相信佢同DINO一定會好好」
YOYO` 「點解到依個時候你都唔明, 琪琪愛既係你, 佢需要既係你」
龍` 「但..我已經決定放棄佢啦」好忍心
YOYO` 「OK,連依家琪琪有事,你都唔理佢,我好懷疑你之前係咪愛佢」
龍` 「我係愛佢, 不過已經係之前啦, 依家再唔愛」
YOYO` 「咁姐係你愛呀喬啦」
龍` 「係! 我係愛呀喬」
YOYO` 「好啦, 唔阻你, 你地同佢幸福」
龍` 「我都祝你同啊LOK幸福」
YOYO` 「一定, 拜」之後就收左呀龍線

YOYO企左係到, 郁都唔郁, 佢發覺, 唯一可以幫到我既人依家都唔幫我
佢好無奈, 佢覺得自己好冇用!
LOK` 「YOYO,做咩事啊?」LOK從後攬實YOYO
YOYO` 「呀龍同我講佢唔愛琪琪啦」YOYO慢慢咁講出依句
LOK` 「你打過比呀龍啊?」啊LOK好驚訝咁問
YOYO` 「嗯,佢話佢會忘記琪琪, 放棄琪琪」
LOK` 「(冇出聲)」因為啊LOK都唔知講咩好
YOYO` 「冇人再幫到琪琪啦, 咁我地可以點幫琪琪啊」YOYO面對住啊LOK
LOK` 「我唔知道....」
YOYO` 「我唔想見到琪琪咁, 佢咁樣我好唔開心」YOYO攬實啊LOK
LOK` 「我地幫唔到咩, 心病還需心藥醫」

第二朝早, 我訓醒起身, 身體任何一個地方都好痛..
我隻手好痛, 條腰好痛, 隻眼好痛! 但個心係最痛/_\
我睜開眼, 望見YOYO同啊LOK訓左係床邊, 佢地都捉住我隻手
我慢慢起身, 我嘗試唔嘈醒佢地, 但我一鬆手, 佢地就醒左啦!

我` 「對唔住」我為尋晚既事,同埋嘈醒佢地而講聲對唔住
YOYO` 「好痛嗎?」YOYO好溫柔咁摸我個傷口
我` 「嗯..好痛」我自己係到傻笑
LOK` 「要唔要去醫院啊?」我咁講, 佢地都好緊張
我`「唔洗啦, 好小事姐」又再傻笑
LOK` 「肚餓嗎? 出去同你食野好冇?」佢地真係關心我
YOYO` 「我知道你肚餓架啦」拉住我隻手起身
我` 「嗯,大家梳洗下出去食野啦」

我慢慢咁落床, 我條腰真係好痛, 可能係尋晚啊LOK撞門既關係啦
我好慢好慢咁行, 原來隻腳都好痛...
LOK` 「對唔住啊」啊LOK終於發覺我既步姿
我` 「我對你地唔住就係」每次我做完傻事之後我都好內疚,我令朋友傷心啦/_\
LOK` 「不如去醫院好冇?」佢扶住我
我` 「唔洗啦, 雖然係有少少痛, 但好快冇事架啦」
YOYO` 「乖啦, 去好冇?」好似哄小朋友咁
我` 「真係唔洗, 我知道既身體我最清楚」微笑咁講
YOYO` 「咁到真係需要去, 記得要同我地講」
我` 「嗯,知道啦! 啑..啊LOK今日唔洗番工咩?」
LOK` 「我請左假陪你嗎」又係我既關係,我真係好麻煩
我` 「對唔住」我又內疚啦
LOK` 「係朋友就唔好咁講, 好啦, 刷牙洗面出街食野啦」

YOYO同啊LOK佢地整野先, 佢地整完就到我整啦,
我自己入左廁所, 望住鏡中自己個樣,
真係殘左好多, 用手摸住自己塊面, 又流左滴眼淚出黎啦/_\
我` 「我想見佢」我細細聲咁同自己講, 好掛住佢
講完之後, 我就抹走滴眼淚, 之後開始刷牙洗面啦, 攪左一大輪, 就出番黎
我` 「YOYO, 我想見呀龍, 我想知道佢仲愛唔愛我」我出黎捉住YOYO隻手講
YOYO` 「琪琪, 佢唔愛你架啦!佢依家愛既係呀喬」YOYO好絕咁講, 我唔識點比回應佢
我` 「我想係想聽到佢親口講唔愛我」我諗住一陣, 之後笑住咁講
YOYO` 「真係要見佢?」YOYO再問多我一次
我` 「嗯, 我想見佢, 我好掛住佢, 即使佢唔再愛我」一提到佢唔愛我, 我心就好痛
YOYO` 「啊LOK, 幫佢打電話約呀龍出黎啊」要約呀龍啦, 唔知佢出唔出黎呢
LOK` 「真係要打比佢啊?」再問多次YOYO
YOYO` 「嗯, 佢自己咁大個人, 應該識得處理自己既感情問題」之後啊LOK就打電話啦

[嘟..嘟..嘟..嘟..]
龍` 「喂」響左一陣間, 呀龍就聽左電話啦
LOK` 「呀龍, 我係啊LOK啊」其實依個世界有來電顯示, 呀龍一早知啦
龍` 「嗯, 咩事?」呀龍講野依然好冷淡
LOK` 「琪琪想約你出黎傾下計, 你得唔得閒?」一講完之後, 呀龍就停左一停
LOK` 「嗯?」見咁耐呀龍都唔出聲
龍` 「佢想約我出黎?」呀龍再問多一次, 唔係佢唔清楚問題, 係佢唔識答姐
LOK` 「嗯, 得閒嗎?」啊LOK有D不詳既預感
龍` 「我今日行唔開啊, 呀喬發燒, 我要照顧佢啊」果然拒絕左
LOK` 「咁.....」啊LOK都唔知應該講咩好
龍` 「幫我同佢講聲對唔住啊, 搵日再搵佢出黎飲野啊」之後就收左線啦
企起啊LOK身邊既我同埋YOYO, 都知道結果啦, 睇住啊LOK個表情
我` 「佢唔肯見我啊?」我好失望咁講
LOK` 「唔係唔肯啊, 佢話呀喬發燒, 要照顧呀喬啊」啊LOK不停安慰我
YOYO` 「又係呀喬, 呀龍成日都係開口埋口都係呀喬架啦」我好傷心/_\
LOK` 「算數啦, 下次再約佢啦好冇?」點解見下我都唔得
我` 「LOK, 借個電話比我, 我要自己打比佢」一手搶左啊LOK個電話
YOYO` 「琪琪, 算啦, 好冇?」YOYO捉住我, 但我禁梗呀龍個電話號碼

禁完之後,電話通左 [嘟..嘟..嘟..嘟..]
我` 「喂, 呀龍, 我係琪琪」有人聽既時候, 我即刻講
龍` 「嗯? 咩事」終於又聽到呀龍把聲啦, 我好掛住依把曾經溫柔過既聲線
我` 「我想約你出黎啊」我想一次咁講
龍` 「但呀喬發高燒, 我唔放心佢啊, 對唔住」佢親口拒絕我啦
我` 「我黎搵你好冇? 我唔會阻你好多時間」再搵第二個方法可以見到呀龍
龍` 「不如第二日先啦」佢又拒絕我啦
我` 「我真係唔會阻你好多時間, 最後一次, 好冇?」我把聲好明顯就好失望
龍` 「咁好啦, 你黎啦, 我係屋企」屋企, 從前我地兩個人既家
我` 「嗯, 多謝你」我竟然為左依D事而多謝呀龍, 可笑

YOYO` 「琪琪, 你約左佢啦?」收線之後我竟然由心底裡笑出黎
我` 「嗯, 佢肯見我啦」估唔到呀龍影響力真係咁大
YOYO` 「你約左佢係邊到等啊?」YOYO見到我開心, 但反而佢唔係咁開心
我` 「係我地屋企囉」一時時口快快, 因為果到曾經算係我既家
我` 「唔係, 應該係呀龍屋企」即刻講番一次, 算啦, 邊個屋企都好
YOYO` 「你依家出去啦?」我知道YOYO會擔心我
我` 「嗯嗯」我微笑咁講
LOK` 「自己出去小心D啊, 知唔知?」點解個個都好似當我小朋友咁架
YOYO` 「都係唔好啦, 我陪你去好冇?」YOYO突然又好緊張\
我` 「我想同呀龍單獨傾下」微笑答YOYO
LOK` 「係囉, 比佢地單獨傾下啦」啊LOK拍下YOYO
YOYO` 「咁不如我地送你去, 之後去樓下等你好冇?」YOYO仲係唔放棄
LOK` 「YOYO啊, 琪琪大個女啦」YOYO望住我, 好擔心既樣
我` 「好啦好啦, 你係樓下等我囉」我比YOYO陪我去
YOYO` 「嗯嗯, 咁行啦」拖住我 「咪住, 帶埋LEE個啊」拎左眼鏡比我
我` 「有需要嗎?」我係到傻笑
YOYO` 「你知唔知你隻眼好腫好醜樣啊, 哈哈」我地兩個都係到笑

之後我地去左搭車, 落左街, 我好快手咁坐左上架的士到,
因為我太心急想見呀龍啦-_______-"
YOYO` 「記住, 發生咩事都要堅強」捉住我隻手
我` 「堅強? 我可以嗎?」我堅強唔到, 我好軟弱/_\

YOYO` 「知唔知, 就算發生幾大件事都好, 始終會有方法解決」
我` 「你咁講, 你都覺得我同呀龍冇機會一齊番嗎?」失望既表情
YOYO` 「我唔敢肯定同你講, 不過你要做定心理準備」我真係好唔開心
我` 「真係冇機會一齊番嗎?」自己係到細細聲講
LOK` 「唔洗咁擔心, 你只要講哂你心底裡既說話比呀龍聽就得架啦」
我` 「嗯, 我知道啦, 我真係有千言萬語想同佢講」

一邊搭車, 我腦海中不停浮現我同呀龍之間既回憶..
腦海中仲不停浮現我想同呀龍講既說話..好快架車已經到左啦
我落車, 周圍望下周圍既環境, 我諗梗, 我到底幾耐冇黎過依到,
依到已經變得陌生了..忽然間覺得好失落
YOYO` 「琪琪, 做咩事啊?」YOYO見到我呆左
我` 「下」好大反應 「冇事」之後笑一笑
YOYO` 「你上去先啦, 我幫你打電話叫呀龍出黎」
我` 「嗯, 唔該哂」我好開心咁入左棟樓到啦
YOYO` 「琪琪, 有咩事打比我啊記住」
我` 「知道」大嗌過去, 之後就繼續行

[嘟..嘟..嘟..嘟..]
龍` 「喂」好快就聽左電話
YOYO` 「呀龍, 琪琪到左啦, 佢依家上梗黎」
龍` 「嗯嗯, 麻煩你啦」好禮貌咁講, 同時都覺得佢地之間既友誼已經唔同以前
YOYO` 「龍, 可唔可以應承我一樣野?」
龍` 「嗯?」
YOYO` 「唔好HURT琪琪HURT得咁勁, 我知道佢一陣一定會喊住出黎」
龍` 「YOYO, 你咁講咩意思?」
YOYO` 「我咩意思你最清楚, 你快D出去門口等佢啦」之後就收左線

依家搭梗[車立]既我, 心情好緊張, 我又整下依樣整下果樣..
終於到左啦, 我見到呀龍已經企左係到等我, 佢望到我都笑一笑
龍` 「不如我地去後樓梯坐好冇?」佢咁講, 我突然唔知比咩反應佢好
我` 「呀喬訓梗教嗎?」望下呀龍屋企道門
龍` 「嗯, 我唔想嘈住佢」睇得住呀龍好關心佢
我` 「你好鍚佢」我笑左一下, 不過其實我內心好難受
龍` 「嗯」之後我地慢慢行左去後樓梯到坐

樓梯........
龍` 「隻手痛嗎?」坐左係到, 大家都冇野講, 呀龍睇到我個傷口啦
我` 「嘻嘻, 小事姐」我竟然仲係到笑, 我知道呀龍個樣好認真
龍` 「你應承我, 以後唔好再咁傷害自己, 好冇?」呀龍好溫柔, 好認真
我` 「我冇傷害自己啊」我唔敢望住呀龍講
龍` 「我望住你個傷口, 我真係好心痛」呀龍好似以前咁
我` 「對唔住」我唔知道應該講咩好
龍` 「仲有, 唔好再喊啦, 你一定喊左好耐啦」呀龍望住我眼角
我` 「我....」呀龍對我咁溫柔, 攪到我好想喊
龍` 「唔好再喊, 好冇?」但依個時候我已經眼有淚光
我` 「我唔想架.. 不過..」我已經開始流眼淚
龍` 「你唔好咁啦, 我最唔鍾意見到你喊, 你喊我就最唔開心」
我` 「嗚嗚/_\ 你知唔知我好掛住你, 我仲好愛你」我攬住呀龍係到

之後一直攬住呀龍放聲痛哭, 呀龍都有用手輕輕攬住我,
雖然佢係有攬實我, 但感覺已經唔同左啦, 佢已經唔係以前既呀龍,
從一個擁抱我就知道到底我對佢重唔重要...
原來呀龍冇左我, 佢一樣活得同樣好, 呀喬已經成功取代左我既位置
其實我好想知道, 呀龍到底從來有冇愛過我!?
點解佢可以咁易就放低我?而過左咁耐,我依然放唔低佢!?

我` 「龍, 我地可唔可以重新開始過?」我知道佢依家有呀喬, 但愛情就係自私架啦
龍` 「琪琪, 我地之間既野已經成為過去啦」編者話:其實呀龍依家都想喊
我` 「成為過去?」我放開左呀龍「咁係咪姐係番唔到轉頭?」再問呀龍
龍` 「嗯, 依家我只想全心全意對呀喬」編者話:其實呀龍仲係愛琪琪,只不過扮到莫不關心
我` 「(無言)」我真係唔知道可以講咩, 呀龍親口講要放棄我啦/_\
龍` 「SORRY」點解佢要講SORRY?我寧願佢唔講依句,我果心都冇咁痛
我` 「我... 我係咪姐係要徹徹底底咁放棄你?」我就黎忍唔住又要大喊啦
龍` 「忘記我啦, 我地仲係朋友黎架嗎」編者話:呀龍最唔想講果句都講左出黎
我` 「朋友?」望住佢慢慢咁講出依兩個字
龍` 「已經番唔到轉頭啦」其實呀龍心裡面係幾想番轉頭
我` 「龍, 你有真係愛過我嗎?」已經唔可以番轉頭啦, 我只想知道依個答案
龍` 「嗯, 我有愛過你, 曾經我愛你多過愛我自己」聽到之後, 我真係好開心
我` 「唔係啊, 我既愛一定比你多, 哈哈」我自己係到笑, 原來呀龍依一句我可以咁開心
龍` 「傻瓜」呀龍都自己係到笑
我` 「以後, 我只會當你係朋友咁看待, 放心」我望住呀龍傻笑
龍` 「嗯」編者話:呀龍聽到依句之後都好難受, 但佢依然強顏歡笑
我` 「你番去照顧呀喬啦, 多謝你同我講清楚, 我依家終於明白啦」
龍` 「你自己小心啦, 再見」
我` 「嗯嗯, 再見」微笑同佢講

開始發覺, 原來今日佢親口同我講, 冇得再番轉頭
我都冇唔開心到, 我終於醒啦, 過左去既野就算,
我唔可以單方面想一齊就叫呀龍同番我一齊咁自私,
佢話, 佢曾經愛過我, 聽完之後, 我覺得咁樣就足夠了...
明白到, 雖然依家唔可以再一齊,
但我慶幸曾經同佢一齊過, 佢比過幸福我..
我地一齊開心過, 一齊喊過, 一齊顛過..
以後依D事就變成我一個美好既回憶,
我今日可以好認真咁講一句,「呀龍, 我會放棄你」

離開左屬於呀龍同呀喬既地方, 出左棟樓外面
見到YOYO同啊LOK係到等梗我, 兩個係到打情罵悄,
場面雖然攪笑左D, 但又比人另一番感覺, 覺得佢地真係好恩愛
就好似我同呀龍之間既事咁, 雖然我地最後都決定分手,
但原來可以兩個人都會開心, 呀龍幸福, 我就幸福了...
好多情侶分左手之後, 都好似攪到冇朋友做咁,
但我相信我同呀龍永遠都會係好朋友!

YOYO` 「LOK, 琪琪出左黎啦」佢地玩玩下,終於見到我啦,而我都望左佢地好耐
我` 「實在太恩愛啦, 我羨慕/_\」扮唔開心咁
YOYO` 「傻瓜, 你都有人愛架, 唔好唔開心」
我` 「冇啊, 冇人愛我, 呀龍都放棄我啦」好失落咁既樣
YOYO` 「唔好咁啦, 好冇?」YOYO好關心咁攬實我
我` 「嘻嘻, 事情解決左啦」我突然又大笑
LOK` 「你同呀龍一齊番?」可能佢地唔相信,我同呀龍分手都笑得出
YOYO` 「真係架?」好驚訝
我` 「唔係, 我地最終既決定都係分開」好認真咁講
YOYO` 「咁你又笑?」如果比著以前, 我一定笑唔出
我` 「我已經諗通左啦!」捉住佢地隻手
LOK` 「有唔開心嗎?」其實依個問題我都唔知, 又開心又唔開心啦
我` 「總之, 唔洗擔心我, 我冇事, 我唔會喊」微笑同佢地講
YOYO` 「好啊! 我介紹男仔比你識好冇?」
我` 「唔洗啦」好快咁拒絕佢
YOYO` 「因為呀龍?」點解成日覺得都係因為佢-____-"
我` 「唔係啊, 我想順期自然, OK?」
YOYO` 「好啊, 咁我地洗唔洗去慶祝下?」
我` 「都好喎, 哈哈」

估唔到, 今日因為同呀龍正式分別而慶祝...
我知道, 冇左愛情, 仲會有友情!
「是世界將愛講得太重要」

今日可以為左正式分開呀龍而慶祝, 原來時候一日一日咁過去,
自己都會一日一日咁改變, 以前總喜歡喊, 連尋日都係,
以為冇左一個人就唔可以生存, 其實有時候將每件睇開d
所有野就會易解決, 正所謂<舊既唔去,新既又點會黎?>

DINO` 「琪琪, 今日又令左喎」YOYO真係同左我去慶祝, 但無啦啦又殺出個DINO
我` 「啑, 你又會黎既?」我都知道係YOYO叫架啦
DINO` 「我黎搵下你地食飯之嘛」望住我傻笑
我` 「好啦, 咁坐低一齊食野啦」DINO坐左我隔離
DINO` 「感覺如何?」無啦啦咁講
我` 「下=.=」我都唔知佢講架咩
DINO` 「問你感覺如何?」傻傻咁微笑
我` 「都唔知你講咩感覺, 你傻傻地」無奈中
DINO` 「你同呀龍既事啊」原來佢係問依樣野
我` 「我都唔知道啊」突然唔識答佢
DINO` 「你睇得開就好啦, 知唔知我真係好驚會失去你」無奈=.=
我` 「關事嗎?」
DINO` 「等我永遠保護你, 做你身邊既........」停左一停「好朋友」
我` 「kaka, 好啊, 好朋友」

我地食完野之後, 都已經12點幾啦,
今日真係玩得好開心, 好輕鬆, 因為再冇唔開心既事擋住我既去向啦
我` 「我地番屋企囉, 好冇?」我同yoyo同lok講
yoyo` 「嗯嗯, 我都開始累啦」你貓貓地就真=.=
lok` 「好啦, 咁我地番屋企啦」我知道, 佢地都累啦
dino` 「琪琪, 你累嗎?」我地準備行果陣, 佢就問我啦
我` 「少少啦, 又唔可以話好累既」
dino` 「不如我地行一陣啊, 行完之後我送你番屋企啊」
我` 「um.....」 諗左一陣「咁好啦」
yoyo` 「咁dino你記得送琪琪番屋企啦啵」
dino` 「知道啦, 你唔講我都會送架啦」
lok` 「嗯嗯, 咁琪琪小心啦, 知唔知?」之後佢地就慢慢遠離我地啦

我地一路行, 一路行, 都唔知目的地要去邊...
大家路上都冇出聲, 好靜...好靜....
直到我地行到去一個公園到, 我停低左, 微笑咁望住個公園
dino都望住我個表情, 自己都係到傻笑...
dino` 「入去玩囉, 睇下你個傻樣幾開心」dino拖住我隻手入左去
我` 「你知唔知我好耐冇黎過公園啦」
dino` 「你知唔知我好似好耐冇拖過你隻手啦」
我` 「你知唔知你同以前好唔同啊?」我同佢鬥講, kaka
dino` 「係? 咁我有咩唔同啊?」dino原來都唔知道自己既改變
我` 「你變得識得關心人, 在乎人地既感受」
dino` 「嗯?」
我` 「咁我覺得你一定好鍚娃娃啦」我諗, 娃娃一定好幸福
dino` 「我只係識得對你好, 只係識得在乎你既感受」
我` 「嗯?」我都唔知講乜好
dino` 「時間一日一日咁過去, 我發覺我真係後悔啦」
我` 「後悔?」其實我都知知地佢想講乜
dino` 「我日日都諗番起我地以前既回憶」
我` 「哈哈, 你仲好講喎」
dino` 「如果... 依家我地仲係一齊, 你話我依家會覺得幾開心啊」
我` 「咁依家你唔開心咩?」
dino` 「開心? 已經冇以前咁開心啦」
我` 「點解?」
dino` 「失去你啦」
我` 「傻瓜, 你邊到有失去我? 我仲係你身邊」
dino` 「我真係好想比你知道我心裡面既感覺」
我` 「嗯?」
dino` 「到今日, 原來我從來都未放低過你!」
我` 「下」唔知又比咩反應好, 好尷尬
dino` 「我唔會強迫你同我一齊, 我只會等你」

我` 「可能以後我地都只係朋友既關係」
DINO` 「一定會嗎?」DINO好失望咁問
我` 「我唔知道.. 不過我只係知道依一刻唔會」
DINO` 「嗯.. 我明白啦」DOWN哂
我` 「DINO, 我想番去啦」其實我咁快話走, 唔係想避開DINO, 而係我真的累了
DINO` 「嗯, 咁好啦, 我送你番去啦」編者話: 其實DINO不知幾唔捨得琪琪走啊
我` 「唔該哂你」微笑

之後DINOI送我番屋企果陣, 一路上我地都冇講野...
都係好安靜好安靜咁慢慢行, 好快我就番到屋企樓下啦
我` 「多謝你送我番屋企啊」我地企左係個門口到
DINO` 「嗯嗯, 唔洗啦, 應該既」
我` 「咁我番去啦, 你自己小心D啦, 拜拜」我就行左入去啦
DINO` 「琪琪」佢又突然間嗌我
我` 「嗯?」我停低左, 係到望住佢
DINO` 「um.. i love you」

聽完之後, 我真係有少少無奈, 我唔知比咩反應佢好
之後微笑一下就番左去了, 其實DINO真係唔錯既...
曾經我真係好鍾意佢, 好想同佢永不分離, 好想佢真心愛我一個
但依家已經唔同以前啦, 我心裡面唔可以再容納第2個人
就算我唔可以同我鍾意既人一齊, 我都唔會拍拖...
點解!? 我自己都唔知道.....

到左第2日, 我一早就起左身, 唔知咩事...
尋晚明明好夜晚, 今日就9點幾起左身啦...
起左身之後, 見到YOYO同呀LOK都未起身,
所以我就唔嘈住佢地啦, 我自己一個人落左街行下...
突然間, 行過一間旅行社, 旅行社竟然吸引住我...
我停左係到望住, 腦海中不停諗住「離開香港」
見到台灣依個地方, 我就更加比佢吸引住, 因為我好耐之前已經想去啦
其實我自己都問自己, 係咪應該要離開下呢!?

番到屋企之後, DINO同YOYO都醒左, 果陣原來已經1點幾嚕
我係條街行左咁耐自己都唔知道...

YOYO` 「咁早去左邊啊?」其實佢地好似仲未訓醒咁
我` 「冇啊, 一個人落左街行下之嘛」
YOYO` 「你自己小心D啊, 知唔知啊?」
我` 「哈哈, 落下樓下姐, 唔洗咁擔心喎」可能係我一直都太依賴人

之後我地都冇講野, 只係係到睇電視

我` 「YOYO, 呀LOK, 我有D野想同你地講啊」我想同佢地講, 我想離開香港
YOYO` 「嗯? 咩事?」佢地兩個都望住我啦
我` 「我想走啦, 我想離開」我鼓起好大勇氣講
YOYO` 「離開? 離開邊到?」
LOK` 「都話唔緊要架囉, 搵屋既野慢慢黎啦」
YOYO` 「咪係囉, 如果我地係朋友既話, 你就唔好成日話搬走啊」
我` 「唔係啊, 我想離開香港」直接D講
YOYO` 「離開香港? 點解啊?」佢地都好驚訝
我` 「我想自己一個人冷靜下, 我想去台灣」
LOK` 「咁樣我地邊到放心啊?」我都知道佢地會咁講
我` 「我大個啦, 我自己識得照顧自己」我只可以咁講
LOK` 「但自己一個人生活會好辛苦架喎」
YOYO` 「係囉, 你果邊又冇朋友」
我` 「我想自己一個生活下, 唔想咁依賴人, OK?」
LOK` 「真係決定左?」
我` 「嗯, 我決定左啦」
YOYO` 「咁你要去幾耐?」其實我自己都唔知
我` 「...............」唔識答
YOYO` 「以後唔番?」YOYO見到我唔答, 以為我以後都唔番
我` 「唔係啊, 點會啊? 香港仲有你地, 我一定會番」
YOYO` 「咁你可唔可以比個時間我?」
我` 「可能一個月, 可能一年, 又可能兩年, 其實我自己都唔知道」

我講完之後, YOYO眼紅紅咁, 可能我地第一次要分開啦...
大家都冇再講野啦, 依個場面好可怕, 攪到我唔想離開香港

[ 過左一個星期後, ]
雖然我知道YOYO係唔捨得我,
但我真係好堅決! 因為我決定左了。
聽日我就走啦,去台灣重新開始!
依幾日YOYO都好少同我講野,
我知道, 佢一定嬲左我啦/ . \
今晚早點訓,聽日一早就上機。

[ 第二日 ]
一早起左身,我冇嘈醒YOYO同阿LOK
我自己整好野,執好行理,一個靜靜雞走左!
去到機場,好驚訝,竟然見到YOYO,阿LOK同DINO三個

我`「你地...做咩會係到既?」行左過去
YOYO`「我同阿LOK黎送你機囉」微笑
我`「你唔係嬲左我咩/ . \?」捉住YOYO
YOYO`「傻瓜,我邊捨得嬲你」聽到之後,我放心哂
我`「咁點解DINO又知道我走既?」我明明冇同DINO講架啵=.="
YOYO`「我話佢知架囉」我都估到架啦-0-"
DINO`「我唔係黎送你機架」無奈
我`「咁你黎做咩啊=.=?」
DINO`「我黎係陪你一齊去台灣架」啞左=.="
我`「咩話=.=?」
YOYO`「係啊,有DINO陪住你,我就放心比你走,kaka」
我`「真係要?」
YOYO`「嗯」好決絕-0-"

最後,DINO真係跟我一齊走左,一齊上左機=.="

飛機上,一路我都好安靜好安靜....
隻眼只係望住外面既風景....依家要離開香港了。
同呀龍既一切一切,係到開始,就應該係到結束?
依家唔想再理你仲鍾唔鍾意我,我只係想知道...
你有真正愛過我嗎? 受害後 我都懷念你的好....

DINO`「發哂呆既?」 DINO突然講一講野,我成個人醒左
我`「邊有」扮傻
DINO`「依家咪幾好」
我`「有幾好啊?」
DINO`「有我一齊陪你去囉,你唔洗咁寂寞嗎」
我`「我自己一個都OK架啦,洗鬼你陪我咩」
DINO`「係咩?一個人去左一個陌生既環境就會唔習慣架啦」

之後我都冇再答佢啦,其實我心裡面都覺得DINO陪我去係一件好事...
起碼我都唔洗咁寂寞,傷心都起碼有個人比我攬下,同我傾下心事...

-------香港------
[嘟..嘟..嘟..嘟..嘟..]
YOYO`「喂,呀龍啊唔該」
喬`「你係邊位搵佢?」
YOYO`「YOYO」
喬`「喔,你等等啦」心知不妙
龍`「喂」呀龍聽電話啦
YOYO`「龍,琪琪離開左香港啦」
龍`「嗯?」唔知比咩反應
YOYO`「佢去左台灣啊,唔知幾時再會番黎」
龍`「咁又點?」
YOYO`「你知道佢做咩要走架,咪因為你」
龍`「佢依家覺得幸福未得囉」
YOYO`「你又知道佢會幸福?如果佢真係幸福,佢做咩要走?」
龍`「DINO冇陪佢去咩?」
YOYO`「嗯」
龍`「有DINO照顧未得囉,佢一定會好幸福」
YOYO`「佢需要你,而唔係DINO啊」
龍`「佢上次係電話同我講,佢同DINO一齊好開心」
YOYO`「你信佢?」
龍`「maybe」
YOYO`「但我可以同你講,佢一D都唔開心」
龍`「...............」冇出聲
YOYO`「佢愛既一直都係你,聽就聽,唔聽就算」

之後YOYO就CUT左佢線......

-------台灣------
唔知坐左幾耐飛機,我終於到左台灣啦
拎住好重既行理,好彩有個男人係到姐= =+

DINO： [行行下無啦啦自己係到傻笑]
我：有咩咁好笑? [自己都笑埋一份]
DINO：我係到諗, 點解我會咁鍾意你A_A"
我：.......... [無奈]
DINO：琪琪,比我照顧你好嗎?
我：你又黎啦 [DINO成日咁問=.="]
DINO：我真心愛你,記得我地以前既事嗎?
我： [腦海中諗番起以前既事]
DINO：比次機會我好嗎?
我：.......... [無奈]
DINO：我知道,你依家個心仲係有呀龍,但我相信我可以改變你
我： [唔知點解果陣時,我比左隻手DINO]
DINO： [DINO即刻拖住我,微笑咁同我手拖手行]

就係咁樣....我同DINO復合了....
這樣是好還是壞?
我地搵到一間屋,唔算貴,都好,總算有個家....

係台灣既平凡生活不知不覺已經過左半年了...
同DINO一齊生活的確係幾好,我覺得好開心...
不過唔係果種幸福既感覺,係因為對我好果個人唔係呀龍掛=v="
時間一分一秒咁流走,但對呀龍既感覺依然不變...
對佢既感覺冇因為時間既流走,長情係好事定壞事?

係台灣,我同DINO一人一份工,雖然係辛苦!
但起碼算生活安定,三餐唔成問題....

DINO：傻瓜! 今日累嗎? [ 攬住我 ]
我：日日都累架啦=v=" [ 嗲佢 ]
DINO：咁唔好做啦,好冇? [ 其實佢已經叫過我好多次唔好做野 ]
我：如果我唔做野,你咪會好辛苦囉?
DINO：辛苦係值得咪得囉!
我：唔得,咁我咪好悶囉
DINO：你可以係到等嫁架嗎 [ 從來未諗過同DINO結婚 ]
我：下-0-" [ 唔知可以比咩反應 ]
DINO：點啊? 唔想嫁我?
我：唔係咁既意思啊, 只不過......
DINO：只不過咩野?
我：哎呀......
DINO：點都好,我係真心愛你^^
我：你對我太好啦 [ 發覺自己好衰 ]
DINO：對你好係我應該做既野....

好想睇落去牙T^T
PLZ 快D PO=]

幾時先po唷-[]-!
掉左我好耐引=_=

鳴鳴..我睇到喊晒喇!!

希望琪琪可以真係完全忘記阿龍啦..

但係我覺得阿龍好衰呀..琪琪對佢咁好..

佢竟然背叛琪琪..同阿喬搞野..

但係..講到尾..阿喬最衰囉...

係都要破壞阿龍同琪琪..

我好憎阿喬呀..好黑人憎呀佢!!

快d post啦..好想睇呀!!

希望DION同琪琪永遠都咁幸福啦!!^^