到左6點幾...

我：換好衫就出去啦,出到去都差吾多架啦! [我岩岩換好衫,開左房門]

龍：依家出去? [系到奸笑]

我：梗系啦,我地約左人7點呀!依家都6點半啦! [我系到望住個鍾]

龍：依家出到去又成班人,我地兩個系屋企到二人世界多一陣吾好? [呀龍系廳入左黎房攬住我]

我：嘿嘿,咩你咁注重二人世界架咩? [睜大隻眼望住佢]

龍：哈哈,梗系啦,兩個人一齊幾好呀,又浪漫喎 [個傻佬系到傻笑]

我：你要二人世界之嘛,日日都系啦,依家出去先啦,遲到好冇禮貌架! [我拉住呀龍出門口]

龍：但系..但系.. [不停但系]

我：行就行啦!衰野 [終於比我拉左佢出門口,之後鎖門]

跟住我地飛的去左茶餐廳門口,岩岩好,冇跳標,$15

其實茶餐廳離屋企好近,行幾步路就系,但系因為我地懶-0-"所以要飛的

我：呀喬黎左啦! [一落車,已經見到呀喬系到啦]

龍：黎左好耐啦? [呀龍行左過去,微笑望住呀喬]

喬：吾系呀,一陣之嘛! [我覺得佢地兩個好似有少少怪怪地咁]

龍：咁..我地等埋DINO先啦! [呀龍講野好似吾多想望住呀喬咁]

喬：嗯 [呀喬同呀龍個反應一樣]

我：嘿嘿,DINO哥黎到啦! [遠處見到DINO行梗過黎]

DINO：等左好耐呀? [DINO見到我地三個企左系到,所以就跑左過黎]

龍：慢慢黎,吾洗跑過黎喎 [DINO喘哂氣咁]

喬：我地都系黎左一陣之嘛 [呀喬微笑住咁同DINO講]

DINO：好啦,咁入去啦! [DINO幫我地D女仕們拉門,幾宥風度下]

我：吾該哂啵! [拍下DINO個肩頭]

龍：食咩呀?琪琪 [坐低左,呀龍即刻問我食咩,算你啦,仲當我有到]

我：不如我地點幾個小菜,跟住一齊食啦! [我系到望緊D小菜]

龍：呀喬,好冇呀?冇問題嘛? [呀龍終於開口同呀喬講第三句野啦]

喬：嗯,無所謂啦! [佢地好似尷尷尬尬咁]

我：咁DINO呢? [見到DINO比人冷落左,我就即刻問佢意見]

DINO：嗯,我都冇所謂呀!你話事啦,不嬲我都順你意架啦! [咁講咩意思喎-V-"]

龍：咁好啦,就叫D小菜囉! [呀龍又拎起個餐牌系到參詳]

我：我出一出去搵下YOYO先,我好快番,你地系到等我啦 [因為鋪頭就系附近]

龍：嗯,快D番黎啦!小心呀!有咩事打俾我喎 [呀龍拍下我隻手]

DINO：我都去呀,我都諗住去買蛋糕比娃娃食 [DINO又起左身]

龍：嘩嘩,24孝男朋友喎.. [呀龍系到笑DINO]

DINO：梗系啦.. [個樣幾鬼自大]

我：咁你地點整食啦,我好快番架啦! [我同DINO就走左啦]

************************************************************
路上..

DINO：你同佢真系冇野嘛? [DINO吾知系關心我定系八掛]

我：本來有野,依家就冇啦 [望住DINO傻笑]

DINO：點解呀? [個樣好疑惑]

我：佢尋晚去左呀喬屋企,點知佢呃我,話舊同學聚舊囉! [我慢慢講出黎]

DINO：咁你吾嬲佢架? [唉-V-"我想嬲都嬲吾落]

我：算啦,我都吾想為左少少野就嘈 [其實我同呀龍已經一齊左好耐啦,我會好好珍惜囉]

DINO：嗯嗯^^你自己都大個女架啦,我諗你自己做梗咩,都好清楚架啦!

我：嗯,知道啦,我自己識諗架啦! [希望自己真系大個女,吾洗咩都靠人啦]

YOYO：喂,做咩黎左呀? [我地已經行到去鋪頭啦]

我：冇呀,我地系果邊間茶餐廳食野之嘛,咪黎睇下你囉! [見到YOYO真系開心]

DINO：你地傾住先啦,我去簡蛋糕先!老闆娘 [我想同佢講,我系老闆,吾系老闆娘,不過佢已經走左啦]

YOYO：做咩事呀? [系到望住我]

我：咩做咩事呀? [佢望到我實一實,攪到我好吾自然囉]

YOYO：你隻眼,腫哂囉! [原來話梗我隻眼]

我：喊完囉.. [好簡單]

YOYO：邊個蝦你呀?喊到腫哂! [YOYO摸我眼皮]

我：唉,同呀龍差D又鬧交架啦! [坐左系到慢慢同佢傾,之後我講左成件事俾YOYO知]

YOYO：吾系嘛?咁大件事? [YOYO好驚訝]

我：吾系好大件事姐! [我仲笑得出,嘻嘻]

YOYO：你睇實D呀龍呀! [YOYO比起我仲緊張]

我：點解呀? [見到佢個樣真系好想笑,因為我依家覺得冇乜野,佢就咁大反應]

YOYO：佢地發生過咩你都吾知啦,系咪呀? [佢咁講,我就愈黎愈驚啦]

DINO：好啦好啦,吾好嚇佢啦! [DINO買完蛋糕出番黎]

YOYO：你話吾系咩? [YOYO系到指住我講]

DINO：得啦,佢識諗架啦,我地過番去食飯先啦!掰掰 [DINO拉住我走]

************************************************************
喬：尋晚你冇番去,琪琪冇點嘛? [得番佢地兩個]

龍：喊囉,佢系咁軟弱架啦! [呀龍咁講,呀喬望到佢賓一實]

喬：其實,我後悔啦! [呀喬視線望住地下]

龍：咩後悔?尋晚? [編者話:一定啦]

喬：我知道,我地冇可能架啦,不過我真系好開心,同你做朋友我都滿足架啦! [呀喬少少想喊出黎]

龍：呀喬,SORRY呀,我依家真系比吾到D咩名份你 [編者話:第三者既名份咪得囉]

喬：吾洗講SORRY啵! [呀喬強顏歡笑]

龍：時間,時間可以證明一切,我會解決,我吾會放棄你架! [呀龍捉住呀喬隻手]

喬：嗯,我會等你! [呀喬笑左出黎,不過吾知系咪真心笑]

當呀龍捉住呀喬隻手LEE一刻,我同DINO已經番左去門口,隔住門,我都見到佢地拖住左

DINO：做咩呀?吾行? [DINO仲咪知咩事]

我：冇事呀! [我回頭望住DINO笑左一笑] 我地番黎啦! [我再扮冇野入去]

佢地見到我,就即刻鬆手,好驚訝望住我,但我依然扮冇野,

因為我吾想出醜,我吾想鬧佢地系姦夫淫婦,我只可以繼續當佢地系好朋友先會咁..

龍：咁快番黎既? [其實呀龍知道我望到佢地拖手]

我：嗯,買完之後咪即刻番黎囉! [我刻意攬實呀龍,因為見到佢地拖手之後,我更加怕失去佢]

龍：好啦好啦,d小菜黎到啦! [呀龍鬆開左,其實我覺得佢好刻意囉]

我：大家起筷啦! [唉,我仲要系佢面前扮冇野,真系好辛苦]

全程食飯我地4個人都冇出聲,有時候我就望下呀龍,當佢望到我望佢之後,'

我就好自然咁轉移我既視線,而呀喬同呀龍都成日望住對方,

DINO都知道少少野,佢都不停望住我地三個..食完野之後..

喬：下個星期我生日啦! [食完野之後,呀喬第一個開聲講野]

龍：我仲記得喎 [呀龍望住呀喬笑]

我：諗住點過生日呀? [我終於都開聲講野啦]

喬：仲未諗到 [一聽到咁樣之後,我驚呀龍會同呀喬兩個自己過生日]

我：不如去海灘玩呀! [突然之間真系好想去海灘聽下海聲,散下心]

DINO：都好喎,又可以BBQ [好彩DINO撐我]

我：不過都要睇下壽星女想去邊既 [我望住呀喬]

喬：好呀,我都鍾意去海邊! [呀喬諗都吾洗諗,一口應承]

龍：嗯嗯^^咁到時叫埋YOYO同阿LOK去囉,冇問題嘛?

喬：好呀,多D人陪我,我會好開心架! [呀喬即刻笑得好甜]

DINO：話定啦!到時我帶埋我的麻煩女友去得吾得先? [麻煩女友-V-"]

喬：好呀!約定你地啦! [呀喬冇望我地,只系望住呀龍]

我：好啦,埋單啦! [傾完之後即刻嗌埋單]

喬：我請你地啦今次.. [呀喬即刻拎銀包出黎]

龍：吾洗,我埋啦! [呀龍一手推開呀喬既銀包]

DINO：好啦,兩個都吾會爭啦,我埋啦! [DINO拎埋錢出黎埋單]

我：嘻嘻,比錢個個爭住比.. [我系到笑佢地]

龍：咁行啦.. [呀龍自己起左身,走左開門]

我：龍,等埋我啦! [我即刻嗌住呀龍]

龍：SORRY,自己有自己行添 [呀龍伸左隻手出黎拖住我,望住我微笑,之後又望下呀喬]

喬：咁我走先啦! [呀喬佢個樣好似好吾開心咁]

龍：自己番去小心D啦,我要送琪琪番去呀! [呀龍果然吾送佢番去]

DINO：咁我都走先啦,約定下個星期啦! [DINO揮手講掰掰]

我：好啦,掰掰 [之後我同呀龍就拖住手慢慢行番屋企啦]

好快就過左一個禮拜啦!今日系呀喬既生日..

LEE一個禮拜都風平浪靜咁過左,呀龍表面上好似都冇同呀喬聯絡,

但實際上就吾知有冇?有時候,我沖完涼出黎,偷偷望呀龍,

見到佢拎住個電話系到禁,到呀龍望到我果陣,佢又系到禁禁禁..

好似想DEL野咁,我見到咁既情形,我就第一時間諗佢系咪同呀喬SD MESSAGE..

吾知我地咪諗多左啦?希望佢地真系冇野啦T^T

龍：嘩,今日好有陽光氣色喎 [呀龍由頭望到我落腳]

今日因為要去沙灘,我著左件背心仔,短褲,人字拖,仲要札起左頭髮

我：去沙灘玩喎,我最鍾意架啦! [我去左照鏡]

龍：今日開心嘛? [呀龍系我後面攬實我]

我：開心? [諗左一陣間] 開心果個吾應該我.. [我系到暗示比呀龍知,其實我LEE排都吾系好開心]

龍：嗯?咁又系喎,今日系呀喬既生日! [呀龍到底明吾明我講咩架?]

我：好啦,依家都下晏兩點幾啦啵! [成日覺得呀龍吾守時]

龍：約左YOYO,DINO佢地未呀? [呀龍之後望下錶]

我：約左啦,約左去附近果間超市等 [諗諗下,約左人地三點,系時候出門口啦]

龍：咁行囉,仲要買野食添! [今次呀龍好乖咁行左出門口]

我：喂喂喂,成日自己行,又吾等埋我 [我企左系到吾行]

龍：衰豬,等老公仔抱下你啦! [一手抱起左我,講D野仲好肉麻咁]

呀龍一直抱住我,抱到我去超市門口,佢地都黎到哂啦!

我地黎到之後,呀喬望住呀龍微笑點頭一下!

龍：生日快樂! [呀龍即刻行左去呀喬面前同佢講生日快樂]

喬：生日禮物! [呀喬諗都吾洗諗,伸手問呀龍拎生日禮物]

龍：咩你咁冇禮貌架? [呀龍拍左呀喬個頭一下]

喬：算啦,我都吾計較有冇生日禮物,你黎左咪得囉! [呀喬又系到笑]

龍：咁行啦,去超市買野食去BBQ啦! [今次呀龍主動拖住我]

我：YOYO,生日蛋糕準備好未呀? [我一路行一路同YOYO傾計]

YOYO：你覺得呢? [咁又系,YOYO一家記得既]

LOK：個傻妹成晚系到整,加哂料架! [阿LOK同YOYO仲系咁恩愛]

我：咁吾該你啦啵! [之後望下阿LOK] LOK,你好似肥左喎

DINO：我都覺得,冇見你一排姐! [DINO系到笑阿LOK]

我：梗系好幸福啦依家 [撞下阿LOK]

LOK：下-V-"肥左?我吾覺既.. [阿LOK即刻望下自己]

龍：算吧啦,就算你幾肥,YOYO都要你架啦! [系到奸笑]

YOYO：邊個話架?未必架啵! [望住阿LOK]

LOK：你話呀?你一世做死我既黃面婆架啦! [一手攬住YOYO]

我地一路傾計…都好似冇乜點留意過呀喬…

我就望去後面…睇下呀喬做乜…

我見到佢自己一個悶悶不樂咁跟住我地行…

我：龍,陪下呀喬啦,佢同YOYO果D吾系好熟,我驚佢悶親呀! [吾知點解我主動叫呀龍陪呀喬]

龍：嗯? [呆左望住我] 聽心理專家講,女人系最小器既動物

我：咁你依家系咪吾陪先?人地話哂今日都生日 [我同呀龍一直都好細聲咁講野]

龍：喬,行過黎啦,行得咁慢! [呀龍拉住我停左系到,等埋呀喬,之後就一手拉呀喬過去佢隔離]

喬：嗯? [呀喬又好懷疑咁望住呀龍] SORRY呀,行得咁慢 [呀喬之後即刻講SORRY]

我：壽星女今日大哂呀! [我望住呀喬微笑]

喬：傻啦,有咩話邊個大哂呀?大家出黎開心架嘛.. [呀喬用佢一個微笑答番我,禮上往來XD]

我：系啵,黎到都未同你講生日快樂 [我行左去呀喬身邊] 生日快樂! [講完鍚左一啖呀喬,吾好亂諗,只系面到鍚]

喬：多謝,吾怪得之呀龍咁鍾意你啦,琪琪你真系人見人愛呀! [呀龍真系愛我咩?]

DINO：系呀,我地個琪琪真系幾人見人愛架! [望住我奸笑,我覺得好似有少少諷刺,衰人-V-"]

我：咁講咩意思呀? [行左過去打佢]

DINO：咩呀?話你人見人愛咋啵! [不停走不停笑]

LOK：你地系到等我同YOYO啦,我地自己上去買啦! [想二人世界咋-V-"]

DINO：拎吾拎到咁多野呀? [DINO冇同我玩,停左一停問阿LOK]

LOK：我地有兩個人,點算吾夠拎呀? [指住YOYO]

DINO：行啦,一個女仔拎得幾多野姐? [推左佢地兩個行]

LOK：咁吾該架啵! [兩兄弟又好似之前咁啦]

YOYO：琪琪,你地系到等我地啦! [YOYO停低左大嗌]

我：知道啦.. [大嗌回應番佢]

就系咁樣…佢地三個就走左啦…睇住佢地個背影走得愈黎愈遠…

我就覺得愈黎愈尷尬…因為得番我同呀龍仲有呀喬三個人咋…

龍：你地口吾口渴呀? [過左一陣,呀龍第一個人出聲講野]

我：吾口渴呀! [我講完之後,呀喬都搖頭]

龍：咁呀…冇野啦! [又冇人講野啦]

喬：今日好多謝你地呀,肯抽時間出黎陪我 [過左一分鍾,呀喬又開口講野啦]

我：傻啦,你系呀龍好朋友,都系我個好朋友,吾洗講埋LEE D野架啵! [又好無奈笑笑口咁答]

龍：你今日開心未得囉… [總系發覺,佢地講野都吾鍾意望住對方]

喬：嗯…我諗今個生日一定好開心 [終於望住呀龍啦,望住佢隻眼,就知道佢一定好開心]

我：佢地落黎啦… [好彩佢地都落黎啦]

DINO：喂喂,屎忽琪,仲吾過黎幫手拎野 [無啦啦叫我屎忽琪,突然之間諗番起以往既事,佢都成日串我]

我：你講咩呀?講多次-V-" [佢拎住左一袋袋野,我就偷襲佢,因為佢點都冇手打我架啦]

DINO：好啦好啦,吾好嘈啦,幫手拎啦,好重呀! [即刻比左兩大袋我拎]

我：嘩,好重呀! [即刻扮哂野]

喬：我幫你手拎啦…YOYO比D我拎啦 [呀喬過左黎]

YOYO：吾洗啦,今日你生日,壽星女喎 [YOYO將D野俾哂阿LOK]

LOK：但系今日吾系你生日喎 [阿LOK好無奈,要幫YOYO拎埋]

YOYO：拎就拎啦,咁多野講 [好惡咁鬧阿LOK,佢地兩個真系攪野呀]

DINO：好啦,我幫你拎番啦,邊捨得你拎咁重既野呀? [個樣好認真]

我：咁好啦,吾該哂啦! [即刻比番哂DINO]

DINO：吾洗客氣喎…不過你爭我一個人情呀! [之後做口形叫我屎忽琪-V-"]

我：哼\._./咁都得? [啞哂望住佢]

龍：好啦好啦,DINO,每人一半呀! [呀龍一手搶左幾袋野]

DINO：呀龍,我地三個好慘呀,出黎做阿四 [即刻啤住DINO]

我：咩你好慘咩? [好大力咁MEET DINO手臂]

DINO：吾慘吾慘… [即刻180度轉變]

之後我地分開左兩架的士去沙灘,我,呀龍,呀喬三個就一架,

都算好左好多啦,我地三個都有講有笑..

我：依家都四點鍾啦! [不知不覺四點鍾嚕]

龍：都仲早,去游下水,夜晚再BBQ啦 [呀龍拖住我隻手]

喬：今日天氣好好呀,好多年都冇成班人過生日啦,自從我失憶之後 [呀喬望住窗外既風景]

龍：吾緊要喎,今年開始,我會年年都陪你過生日 [作為朋友既身份陪嘛?]

喬：用咩身份陪我先? [編者話:呀喬刻意咁問]

龍：朋友 [呀龍諗左一陣間,再望下我,先答LEE個問題]

喬：朋友咋? [呀喬個樣好似好失望咁]

龍：嗯? [呀龍望住呀喬好無奈咁嗯左一下]

喬：我吾要朋友呀! [我地兩個都望住呀喬,之後呀喬系到笑]

喬：吾洗咁驚喎,我只系想講,我要你用好朋友既身份黎陪我 [嚇死我,我以為佢會講以男朋友既身份]

********************************************************************
DINO：到未架?乜咁耐架? [DINO好似個大細路咁系到郁黎郁去]

YOYO：比D耐性啦吾該! [YOYO禁住DINO]

DINO：仲之同琪琪佢地一架車啦! [同我一架車,梗系想打架呢-V-"]

LOK：點解呀? [DINO咁講,好易令人誤會架]

DINO：同你地兩個一架車都冇野講既,你地又系到打情罵悄 [DINO好無奈咁望住佢地兩個]

YOYO：再嘈依家掉你落車呀! [YOYO一野打落DINO到]

DINO：阿LOK,睇下你條女! [搵阿LOK救佢,可惜阿LOK都救吾到佢啦]

YOYO：啑啑,娃娃呢?今日冇黎既? [系喎,吾講吾覺]

DINO：本身叫佢出黎既,不過諗諗下都系吾好啦! [男朋友喎]

LOK：點解呀? [阿LOK又頭都大埋]

DINO：佢煩呀!成日跟住我,因為佢太愛我啦! [幾鬼自大]

我：系咪到啦? [我望住窗外面,都系一大片海境]

龍：嗯,前面就系啦! [呀龍同我一齊望出窗外]

喬：好靚呀!我真系好耐都冇黎過海邊啦! [呀喬今日成日笑,我諗佢好開心啦]

龍：鍾意黎既話,我地幾個可以成日黎玩架! [如果日日都可以過LEE D咁自由自在既生活咁就好啦]

我：記得帶埋我黎呀! [我系到嗲呀龍]

喬：梗系帶埋你黎啦,呀龍咁鍚你! [呀喬咁講完,佢地兩個都系到對望]

龍：好啦,到左啦,落車啦! [好快就到左啦,我地比完錢,之後企左系到等YOYO佢地]

我：佢地都到左啦! [見到DINO佢地岩岩落車]

YOYO：嘩,好正呀! [YOYO衝左過黎望住個海,伸左個懶腰]

DINO：行啦,今日咁好天,落去游水呀! [DINO急不及待衝落去沙灘既方向]

YOYO：DINO,等埋我呀! [YOYO又同DINO一齊癲]

LOK：吾好跑咁快呀!小心跌倒呀! [阿LOK跟住YOYO,因為YOYO跑得好快,落沙灘又有條斜路,好危險]

我同呀龍,呀喬跟住佢地後面,慢慢咁由條斜路行落去,海風慢慢吹落我塊面到,

就系好舒服,望住個天同個海都藍色,感覺真系超正,一路行一路微笑

DINO：喂,行快D啦! [佢地三個已經落到去沙灘啦,仲同我地揮手添]

我：嗯嗯^^依家落黎 [我好興奮,即刻衝落去會合佢地]

DINO：小心呀!慢慢黎啦!個海吾會吾見左架啵! [又系到串我]

我：我都廢事理你呀! [之後我落到去,吾理DINO,望住個海]

YOYO：琪琪,我地落去游水囉.. [YOYO系個沙灘到除衫,除左面頭果件衫,裡面有件三點色]

我：嗯嗯^^ [我學YOYO系到除衫,裡面同樣有件三點色,不過我既身材比起YOYO差好多啦]

DINO：快D啦,呀龍呀喬,落水玩啦! [我地個個都除剩泳衣,差呀龍同呀喬]

喬：知道啦 [呀喬都系系海灘到除左件面衫]

YOYO：嘩,咁好身材既? [呀喬除左衫之後,露出佢既驕人身材]

我：攪到我自卑添! [即刻望下自己]

DINO：吾洗自卑架啵! [無啦啦行左過黎,仲聽到我講咩] 我鍾意咪得囉 [細細聲同我講]

我：你好似笑梗我既? [即刻好無奈]

DINO：吾系,認真架!鍾意一個女仔吾系鍾意佢個樣或者佢既身材,而系個種感覺! [突然間好認真咁講]

我：如果到時冇左果種感覺,咪姐系吾鍾意囉? [我成日都咁諗]

DINO：我對其他女仔可能會,不過對你系吾會既! [又攪到我好尷尬]

我：我知道,好朋友嘛! [笑住黎同佢講]

DINO：落水玩啦! [DINO拉住我落水,我吾識游水既]

我：吾好呀,我吾識游水架,等我拎左個水泡先啦! [系咁掙扎]

DINO：吾洗驚啵!死吾去架啵! [仲不停拉我出去]

我：救命呀!救我呀! [不停嗌救命,佢地成班系咁笑]

DINO：落去啦,好淺水咋! [掉左我出去]

我：呀!救..救命.. [不停撥水]

YOYO：琪琪,好淺水咋-V-" [YOYO不聲嗌出黎,之後我試下用腳企住,點之真系好淺水]

我：啑,系喎 [D水先到我條腰-V-"岩岩一定好柒]

DINO：都吾知你驚咩? [DINO又系到大笑]

我：咁我驚嘛! [見到佢地個個都笑我,我好無奈]

喬：好啦,游水啦! [呀喬繼我之後,第二個落水]

DINO：你仲玩吾玩呀?琪琪 [死人頭DINO成日整估我]

我：好呀,不過你玩先啦! [一野推左佢落水,笑死我]

DINO：玩野,死人頭! [拉埋我一齊落水,用水不停潑我]

就系咁,我地成班人都玩得都開心,開始入夜啦!我地都上左水..

我地各自去左換衫,女還女,男還男XD

我：今日開吾開心呀?呀喬 [我地一路換衫,一路傾計]

喬：當然啦,有咁多人陪我過生日,我真系幾感動架! [呀喬抹住頭同我講]

我：開心咪好囉!我諗呀龍都想你開心架! [我知道,呀龍系好在乎呀喬既感受架]

喬：呀龍想你開心就真! [呀喬覺得好尷尬]

YOYO：不過我覺得今日好似琪琪你開心D啵! [YOYO同D好討厭既眼神望住我]

我：當然啦,因為可以同成班人一齊玩,好耐冇試過啦! [今日我似主角多D,哈哈]

喬：個個開心咪得囉,如果得我一個開心,而其他人吾開心,我就會吾開心架啦! [咁又系]

我：好啦,換好衫出去啦!好餓呀! [我最鍾意就系BBQ架啦]

YOYO：好啦好啦,依家行出去啦! [YOYO頂我吾順,所以拖住我出去]

***************************************************************************
龍：好啦,我地整定個爐先啦! [佢地岩岩換完衫出左沙灘]

DINO：嗯,佢地都就出去啦! [DINO拎起D炭]

我：喂,我地出黎啦! [好興奮咁走出黎]

LOK：出黎啦,坐多陣就食得架啦! [LOK拖住YOYO,幫佢霸住個靚位]

我：呀龍,系咪好辛苦呀? [系呀龍後面攬住佢]

龍：你坐低先啦,好快得架啦.. [呀龍幫我拎左張登]

之後我同YOYO一路傾計,一路等佢地整好個爐,

呀喬坐系我地既對面,我望左佢一陣,發覺佢既視線系望住呀龍,

個一樣含情脈脈既眼神,望住整梗爐既呀龍,微微咁笑,

之後我同YOYO一路傾計,一路等佢地整好個爐,

呀喬坐系我地既對面,我望左佢一陣,發覺佢既視線系望住呀龍,

個一樣含情脈脈既眼神,望住整梗爐既呀龍,微微咁笑,

開始覺得,呀喬佢一直都系仲鍾意呀龍,從來冇放棄過呀龍,

但果次呀龍做完手術,呀喬系醫院同我講果一番說話,系咩意思?

龍：琪琪?望梗咩呀? [呀龍岩岩好行左過黎,我望住呀喬,呀喬望住行左去我身邊既呀龍]

我：冇野呀!得啦? [呀喬開始知道我望住佢啦,佢既視線即刻吾望住呀龍]

龍：得啦,食野啦,你今日玩左咁耐,我知道你一定好肚餓架啦! [呀龍拉左我起身,之後帶我去拎野食]

我：嘩,望到D野食我就流哂口水啦! [我笑得好開心,不過一切都吾系真架]

龍：你自己整住先啦,我想去一去廁所呀! [呀龍即刻衝左去,我諗佢一定好急啦]

之後我差左兩條腸仔,坐低燒,又一路望住個火,一路諗野

DINO：你條腸仔呀! [DINO無啦啦行左過黎]

我：魚..?哂啦! [因為我一路發夢,一路燒野食]

DINO：諗梗乜呀? [DINO幫我掉左條腸仔]

我：冇野呀,有咩諗呀? [咩原來我諗梗野,都好易俾人睇得出]

DINO：算啦,吾想講就算,你想食咩呀?我幫你燒呀! [我跟住DINO去張木台到,睇下有咩食]

我：我想食雞翼! [一指就指住D雞翼]

DINO：好啦! [DINO差起左兩隻雞翼]

我：你真系幫我燒呀? [突然之間,吾會覺得DINO咁好死既]

DINO：系呀!煩人,見你咁可憐咋! [之後DINO坐低左]

我：咁真系吾該哂喎.. [笑笑口咁同佢講]

DINO：你做咩吾坐低呀? [DINO坐低左,我都未坐低]

我：吾坐啦,我想出去吹下海風 [望住個海講]

DINO：嗯,你小心D呀!吾好走咁遠呀!燒好叫你黎食啦! [DINO講左一大輪野]

我：知道啦,你估我系三歲小朋友,會走失架? [我系到傻笑]

DINO：如果有色魔記住大嗌喎.. [講左LEE句,都吾知系咪笑我架]

我：色魔簡都吾簡我啦!我樣又冇,身材又冇 [講起上黎,其實我都好差-V-"]

DINO：咁又系喎.. [仲要系到笑,之後我冇理佢,走左出海邊坐低]

我望住個海,好靜好靜,可以聽到D海浪聲!真系好舒服

依家我個腦海中,只系諗到呀龍同呀喬兩個,

日日我都過得好擔驚受怕,日日都好驚呀龍會離會我,

日日都好驚呀龍吾知邊日會番番去呀喬身邊,太多野要諗..

有人話,做人最重要系每日都過得開開心心,吾系生存都冇意義

但我日日都諗住D吾開心既野,我開始對自己愈黎愈冇信心,

我覺得自己冇能力留住呀龍個心..

龍：琪琪,做咩一個人坐左系到呀?LEE到凍喎.. [呀龍行左出黎]

我：吾凍呀,LEE到好舒服呀? [起左身,對住個海伸左個懶腰]

龍：琪琪,我愛你! [突然間系我後面攬實我]

我：傻瓜! [我由個心到笑左出黎]

龍：我真系愛你架,你吾信呀? [呀龍再攬得我實D]

我：龍呀,我可吾可以問你一個問題呀? [我真系好想知道個答案,好想呀龍親口講]

龍：嗯?問囉!傻妹 [一聽到呀龍好溫柔既語氣,我又覺得我吾應該諗太多]

我：算啦,冇野啦! [我又吾想問啦]

龍：問啦,兩個人最重要系坦誠 [編者話:你依家仲呃梗琪琪喎]

我：你.. [講吾出口,諗左一陣間] 你系咪鍾意番呀喬啦? [我一口氣講左出黎]

龍：鍾意番?呀喬? [呀龍個樣好驚訝]

我：sorry呀!我知道,我諗多左啦! [我好驚呀龍會嬲我,嬲我問埋D咁愚蠢既問題]

龍：吾洗講sorry,可能我做得未夠好啦! [我知道,我又攬到人吾開心啦]

我：吾系呀,你做得好好架啦,你好鍚我,只不過我成日亂諗野之嘛! [我捉住呀龍隻手]

龍：冇事啦,仲之,我真系愛你架! [呀龍攬住我]

我：嗯嗯,以後我吾會再懷疑你架啦! [下次我吾會再咁架啦]

龍：琪琪.. [呀龍系個褲袋到拎左個盒出黎]

我：嗯? [我望住個盒]

龍：送俾你架,我簡左好耐架啦,吾知你鍾吾鍾意呢? [呀龍打開左,原來系一隻介子黎架!]

我：送俾我?真系架? [我好開心,開心到吾知講咩好]

龍：介子當然系送俾自己最心愛既人啦! [呀龍攬實我,鍚左我一啖]

我：多謝你呀!我真系好鍾意,好鍾意,以後我都會戴住佢架! [好開心咁攬住呀龍]

龍：吾好成日亂諗野啦,你咁樣,我會好吾開心架! [原來呀龍都會為左我而吾開心架]

我：你可吾可以吾好離開我,就算到左我地變左老公公,老婆婆,你都要陪住我..得嘛? [LEE個時候我好小鳥依人]

龍：咁到時你咪好醜樣囉.. [放開左我,之後望住我個樣]

我：系架啦,咁你仲要吾要我呀? [系到傻笑]

龍：要呀!一世都要!你死我都會陪住你死! [再一次攬實我]

LEE一刻我真系好開心,我好想永遠停留系LEE一刻,

因為我知道依家呀龍好愛我!

YOYO：吾好咁恩愛好喎.. [YOYO行左過黎,望住我奸笑]

我：咩喎.. [之後我同呀龍都鬆開左]

YOYO：琪琪,DINO叫你過去食野呀!佢燒好雞翼啦!

我：好啦,呀龍我地過去啦! [拖住呀龍過左去]

LOK：啑,二人世界完啦? [LOK又同YOYO一樣,系到奸笑]

龍：食野啦,咁多野講 [拍左阿LOK一下]

YOYO：你隻介子好靚喎.. [YOYO望到我手上面隻介子]

我：我都覺得..嘻嘻 [笑得好甜]

YOYO：邊個送架? [又明知故問啦]

LOK：仲洗講既?梗系呀龍送架啦! [當然啦,哈哈]

我：吾同你地傾呀!個個系到笑我,我去廁所啦![之後衝左走]

YOYO：個傻婆原來識得怕醜架喎 [邊個話我怕醜呀-V-"]

LOK：系得你一個女仔吾識得怕醜之嘛! [哈哈,YOYO對住你都會有怕醜既時候架]

YOYO：阿LOK,我又要介子 [系到嗲阿LOK]

LOK：呀龍,下次買介子送俾琪琪吾好俾佢知道呀! [阿LOL同呀龍咬耳仔]

YOYO：你講咩呀?阿LOK哥! [俾YOYO聽到,YOYO用好兇恨既眼神望住阿LOK]

LOK：冇野呀! [阿LOL好驚YOYO鬧佢,哈哈]

DINO：算啦,YOYO,阿LOK愛你咪得囉! [咁又系,愛一個人,用個心去愛就得架啦]

YOYO：好啦,我等你呀! [YOYO捉住阿LOK隻手]

LOK：等我咩呀? [阿LOK又系到扮哂野啦]

YOYO：等你送俾我既第一次介子! [YOYO系到奸笑]

LOK：知道啦! [阿LOK好無奈咁答YOYO]

當佢地傾得好開心既時候,呀喬好明顯就吾系咁開心,

佢一個人走開左,沙灘附近有個碼頭,佢行左去果邊,

冇人見到佢走,只系得呀龍一個見到佢走,呀龍起左身,追住呀喬,

龍：呀喬.. [呀喬坐左系碼頭既一張登到]

喬： [呀喬另轉見到呀龍,但冇出聲,只系眼濕濕咁]

龍：做咩事自己一個走左出黎呀? [呀龍坐左系呀喬身邊,捉住呀喬隻手]

喬：冇野,只系想一個人靜下! [呀喬好似好吾開心咁]

龍：今日你生日,你吾開心呀? [呀龍好溫柔咁摸呀喬D頭髮]

喬：你真系愛我嘛? [呀喬望住呀龍,好認真咁問呀龍]

龍：嗯.. [呀龍諗都吾諗,就已經答左呀喬]

喬：你都好愛琪琪嘛? [呀喬再一次問呀龍]

龍： [但呀龍今次冇答呀喬,因為佢吾識答]

喬：嗯,我明白架啦,我吾應該問埋D咁愚蠢既問題! [呀喬喊左出黎,佢用手擦下自己既眼淚]

龍：喬,吾好喊啦! [呀龍見到呀喬咁,就攬住呀喬]

喬：嗚..我知道,我冇得同佢比落去,因為你最愛始終系佢.. [呀喬攬住呀龍不停喊]

龍：呀喬,吾好亂諗野啦! [呀龍好無奈,佢HURT左呀喬啦]

喬：我真系覺得好辛苦,好辛苦!我撐吾到落去啦! [呀喬D眼淚就好似水喉咁,不停流]

龍：喬,你吾好喊啦,我知道,我系吾應該愛兩個女人! [呀龍見到呀喬咁,都開始眼濕濕]

喬：我好怕,好怕見到你對琪琪好!嗚... [呀喬喊得隻眼已經紅哂啦]

龍：呀喬,SORRY呀! [呀龍吾知應該講咩好]

喬：我輸左啦! [呀喬放開左呀龍]

龍：我愛你架! [呀龍咀左埋呀喬到,佢地兩個系到KISS]

好好睇呀=]
十卜你呀-.-''
支持你`~

響左好耐,都冇人聽,直到去左留言信箱..

DINO：點呀?冇人聽呀? [我好無奈收左線]

我：冇人聽呀! [我真系好驚]

LOK：打多次囉,冇事既,吾好咁擔心啦! [之後我再打多一次]

***********************************************************
LEE個時候,呀龍望住個電話,個電話不停響,都系我既來電,

但呀龍選擇吾聽電話,之後緊緊咁捉住呀喬隻手,

喬：龍,聽電話啦! [呀喬搖下呀龍隻手]

龍：吾想聽住呀! [點解呀龍要咁講]

喬：吾聽住?吾通你想一世都吾想?LEE一分鍾可能你仲系陪住我,但下一分鍾你陪住既人就系琪琪! [呀喬講完開始又靜下黎啦]

龍：咁我..我.. [呀龍自己都吾知想講乜]

喬：番去啦,我知道依家琪琪一定擔心咁你架啦.. [呀喬流左一滴眼淚]

龍：呀喬..你吾好咁啦! [呀龍攬住呀喬,流左滴眼淚出黎,估吾到,呀龍會為左呀喬喊]

喬：聽啦,佢始終系你女朋友! [呀喬拎起左個電話]

龍：你想我番去呀?你吾想我陪你咩? [呀龍個樣有少少嚴肅]

喬：想,但系我可以點?我又吾系你邊個.. [大家都靜左一靜,只系緊緊咁攬實對方]

***********************************************************
我：吾理啦,我出去搵佢地! [我掉低左個電話,之後跑左出去]

DINO：你等我一陣先啦,我去追琪琪 [之後DINO跟住我走]

我只系不停跑,不停嗌住呀龍個名,周圍咁望下,行行下,我行到碼頭啦..

我： [我停左系到,我見到兩個人攬埋一齊,我就望住,因為太黑,我吾知系咪呀龍]

DINO：琪琪,你做咩事呀? [DINO拉住我隻手]

我：呀龍黎架嘛? [我一步一步咁行過去]

DINO：呀龍? [DINO都見到一男一女]

我腦海中真系諗左好多野,我心裡面好似有把聲,

同我講,吾會系呀龍同呀喬,一定吾會系既,

但一步一步咁行近,我既直覺話俾我知,

真系佢地兩個攬住左,就算吾系直覺,

我都有眼見架!個兩個人既背影真系好似佢地!

我想走,但我想知道事實既真相!

愈行愈近,我已經完完全全肯定左,

真系佢地兩個,我停左系到吾郁,我隻腳行吾到啦,

成個身系到震梗,我既眼淚都開始湧梗出黎..

DINO：琪琪 [DINO都知道,肯定左,佢眼前見到既野系好真實]

我：嗚嗚嗚嗚嗚.. [我已經喊左出黎啦,我冇上去踢爆佢地,只系不停走不停走]

DINO： [DINO都出聲,只系不停跟住我走]

走走下,我已經走吾到啦,雙腳都好痛,跌左落地下,

DINO：你有冇事呀?你吾好咁啦! [DINO即刻過左黎睇我]

我：我撐吾到啦!DINO [我成個人訓左系地下到大喊]

DINO：琪琪,我吾識安慰人,見到你咁,你知吾知我真系好心痛架? [DINO扶起左我]

我：點解佢地兩個要咁對我?點解? [我攬住DINO喊]

DINO：傻妹,吾好喊啦! [DINO不停安慰我]

我：嗚嗚嗚嗚.. [我喊到都講吾到野啦]

DINO：吾好喊啦,我咩你番去! [DINO咩起左我,因為我隻腳流哂血]

*********************************************
一直我都冇出過聲,只系系DINO背上喊..

YOYO：點呀?你搵吾搵到呀龍呀? [我地已經行到番去啦]

DINO：殊!吾好問啦! [DINO放低左我,之後拎左張登俾我坐]

LOK：琪琪,你做咩事呀?隻腳流哂血既? [阿LOK留意到我隻腳留哂血啦]

YOYO：做咩事呀?做咩事喊呀?發生咩事呀? [YOYO見到我喊啦]

DINO：冇事呀!你俾佢靜下先啦! [DINO拎左張紙巾俾我]

YOYO：有咩事要同我講呀!吾好自己收收埋埋呀!知吾知呀? [YOYO摸下我個頭]

我自己一個坐左系到半個鍾,望住個火!不聲吾聲,眼淚忍吾住不停流,

佢地幾個都望住我,吾敢出聲...

LOK：呀龍同呀喬呀! [阿LOK見到佢地兩個已經行梗番黎啦]

YOYO：喂,你地做咩一齊既?岩岩去左邊呀? [YOYO衝左過去問佢地]

龍：冇呀!我岩岩撞到呀喬之嘛.. [撞到?點解呀龍仲要講大話]

LOK：哦,依家都夜啦!不如我地食生日蛋糕呀! [YOYO拎左個生日蛋糕出黎,生日蛋糕用冰箱裝住]

龍：琪琪?做咩坐左系到粒聲吾出呀? [呀龍行左過黎望住我]

喬：你隻腳做咩事呀?痛吾痛呀? [呀喬跪左系到睇我個傷口,但我冇應佢]

龍：你做咩呀?眼濕濕既?傻妹,跌到吾洗喊架喎.. [呀龍望住我微笑,但佢根本吾知我為左咩而喊]

我：你地岩岩去左邊呀? [我好冷淡咁講]

龍：岩岩我諗住出去買野飲,買完就見到呀喬,之後就一齊番黎啦! [講大話就系叻]

我：咩系咩? [我流左滴眼淚出黎同佢講]

龍：琪琪,你做咩事呀?邊個蝦你呀?系咪我又做錯啦? [呀龍好緊張咁幫我抹眼淚]

我：可能今次真系我錯啦,我睇錯人,我簡錯人! [我望住呀喬同呀龍兩個]

龍：做咩事呀?有冇人可以話俾我知呀? [呀龍個心已經怯梗啦]

喬：琪琪,做咩事呀?有咩事要話俾我地知呀! [呀喬捉住我隻手]

我：放手呀! [我好大力咁鬆開左]

龍：呀喬,你走開先啦! [見到咁,呀龍就叫呀喬走]

我：你吾好走呀!咩你覺得你做人第三者好開心咩?好好玩咩? [我發哂癲咁好大力打左呀喬一巴]

龍：你做咩打人呀? [呀龍企左系呀喬前面]

我：哦,我知道啦,到今時今日你仲要保住佢! [我喊得愈黎愈勁]

DINO：琪琪,吾好喊啦! [DINO過左黎幫我抹眼淚,之後就兇啤呀龍]

YOYO：你地到底發生咩事呀?我都吾知你地發生咩事! [YOYO同阿LOK都緊張上黎啦]

喬：你岩岩打我,話我系第三者,自己諗深一層啦,邊個先系第三者! [講LEE句說話講得好絕]

我：咁你做咩要同呀龍偷偷摸摸系碼頭攬埋一齊,之前做咩要拖住手? [諗番起D傷心事]

龍：你見到哂啦? [呀龍終於再次出聲啦]

我：我問你,如果今日我見吾到,系咪你一世都呃住我? [我好大力捉住呀龍隻手,眼淚不停流]

龍：我依家吾知應該講咩好,我只可以同你講句sorry! [我最怕,最怕就系呀龍同我講sorry]

我：我依家問你,如果我同呀喬兩個,你簡邊個? [我問埋D好愚蠢既野]

龍：吾好迫我簡啦,好冇?我依家都好煩架啦! [呀龍好大聲咁講]

DINO：你系咪男人黎架?你記吾記得我之前同你講過咩?叫你好好照顧琪琪架! [DINO好似想打呀龍咁]

我：算啦,我依家吾洗你簡啦!我地分手啦!徹徹底底咁分手,以後各不相干! [我冷靜左落黎啦]

LEE個時候個個都望住我,呀龍呀喬都系,佢地都吾知LEE個時候應該講咩好!

龍：琪琪,真系要攪到咁嘛? [呀龍用好溫柔既聲線同我講]

我：吾系我攪成架,系你自己攪成架! [我仲好冷靜咁答佢]

龍：分手? [呀龍望住個海講出LEE兩個字]

我：依家吾系我對你吾住,系你對我吾住!系你負我! [我又忍吾住喊左出黎啦]

龍：sorry!我依家真系吾知點做好! [呀龍都喊左出黎啦]

我：由今日開始,我會從心裡面憎你! [我講得好絕]

龍：sorry,sorry [呀龍跪左系到大喊,我驚我知道會心軟,所以我決定走]

我：各位,我走先啦! [我同YOYO佢地講]

YOYO：琪琪,你冇事嘛?我陪你呀! [我又要令YOYO擔心我啦]

我：放心啦,我咩都捱得過架,我俾以前更堅強! [我眼紅紅咁同YOYO講,不過我真系可以學識堅強嘛?]

我：呀龍,我依家番去拎走哂我D野,我走果陣會放低條鎖匙架啦! [呀龍望住我,眼淚流得好快]

我：真系走啦!掰掰 [我另轉身,慢慢行走]

DINO：琪琪,等埋我呀!我始終吾放心你! [DINO慢慢跟住我後面]

龍：琪琪,琪琪 [呀龍望住我背影,不停嗌住我個名]

聽住呀龍不停嗌我個名,我個心真系好痛,人地睇我好似好堅強!

我只不過岩岩忍住,吾想大喊,依家走啦,一路背住佢地,我就一路喊,

而身邊既DINO就一直陪住我走LEE條咁漫長既路!

離開,始終都要離開,到依家我都系做吾到大方,

我做吾到去扮大方咁祝福呀龍呀喬,

依家對住佢地,我只系得個 [恨] 字..

希望時間會沖淡一切!

DINO：傻妹,上車先啦! [DINO截左架的士]

我：真系要走啦? [我眼紅紅咁望住DINO]

DINO：琪琪,醒下啦!你吾好咁啦! [我知道,我咁樣,DINO一定好擔心我]

我： [我只系粒聲吾出,上左車]

我一直望住車外既風景,就諗起今日本來我系開開心心咁黎,

但點解依家要傷傷心心咁走?其實我系愛呀龍,

但我真系忍受吾到佢背住我同第二個女仔一齊,

個天系咪玩我?點解要俾咁多考驗我?

我只系想簡簡單單咁愛一個人!

DINO：吾洗驚,我系到,吾好亂諗野,吾好做傻事! [DINO捉住左我隻手]

我：DINO,我番完呀龍屋企執野,我可以去邊?到底邊到先系我真正既家? [我一直只系望住車外]

DINO：你有咩事仲有我嘛! [DINO捉住我隻手捉得好緊,好緊]

我：系咪我又做錯啦? [我望住DINO講野啦,不過又開始想喊想喊]

DINO：傻瓜,你冇做錯呀! [DINO望住我微笑,我知道,佢根本吾想笑既]

我：但,點解..點解我個心會咁痛? [我又開始流眼淚,再控制吾到自己既情緒]

DINO：你放心啦,我以後會一直保護你,吾俾人蝦你,好冇? [DINO突然之間攬實我]

我：我好掛住佢,好吾捨得佢!嗚....... [我系DINO擁抱中大喊]

DINO：信我啦,時間會沖淡一切! [DINO不停摸我個頭]

************************************************************
龍：真系分手啦! [呀龍坐左系地下,細細聲咁講,佢個樣好失落]

喬：龍,你吾好咁啦,好冇? [呀喬不停搖呀龍,不過呀龍都冇乜反應]

龍：俾時間我冷靜下,好冇? [呀龍企左起身,望住個海]

YOYO：你地兩個到底想點架? [YOYO終於開聲鬧佢地啦]

龍：YOYO,阿LOK,SORRY! [呀龍一副歉意既樣望住佢地]

LOK：你冇對我地吾住,你只不過對琪琪吾住姐! [講完LEE句,呀喬即刻捉住呀龍隻手,因為佢吾想呀龍難受]

龍：我知道,今次我做錯啦,仲系好錯果隻! [編者話:嗯,錯得好勁]

YOYO：如果,琪琪諗吾開,自殺,你會吾會安落? [極度容易受傷的女人]

喬：可能,今次我錯,我吾應該愛上呀龍,吾應該做第三者! [呀喬無啦啦冇講野]

YOYO：系咩?咁岩岩吾知邊個叫人諗清楚邊個先系第三者呢? [YOYO好惡咁同呀喬講野]

喬：可能你地個個都覺得我同呀龍錯啦,但我真系愛呀龍架! [呀喬好激動]

YOYO：你愛呀龍?琪琪都愛架!咁你依家系咪迫琪琪退出呀? [YOYO愈講愈大聲]

喬：根本冇人叫佢退出! [呀喬同佢鬥鬧]

YOYO：咁系咪你退出呀?你講囉,系琪琪先信你咋,之前又同人講話放棄呀龍,依家呢? [YOYO推左呀喬一下]

喬：系佢系到扮楚楚可憐!邊個最可憐呀?果個咪我囉! [呀喬又推番YOYO一下]

YOYO：仲之,琪琪有咩事,我吾會俾你好過架! [YOYO啤住呀喬]

龍：夠啦,一人少句啦! [呀龍終於出聲啦]

YOYO：阿LOK,我地走,我想睇下琪琪! [YOYO拉住阿LOK走]

龍：對吾住!我吾知道依家應該講咩好,只可以講LEE句說話! [呀龍再一次同佢地講對吾住]

YOYO：仲次依家你自己就好自為之,你簡琪琪定簡LEE個賤女人,你自己諗清楚! [YOYO指住呀喬]

喬：你講邊個賤女人呀? [呀喬火都黎埋]

YOYO：邊個搶人條仔,邊個系第三者,果個咪系賤女人囉,有時候吾洗講咁明既! [YOYO拉住阿LOK走]

喬：激死我啦! [呀喬睇住佢地個背影愈走愈遠]

龍：嘈少陣得吾得呀? [呀龍開聲鬧呀喬啦]

喬：做咩無啦啦鬧我喎?我知道,你系吾開心,不過你覺得我又好開心咩? [呀喬愈講愈激動]

龍： [無言中...]

喬：如果你系愛琪琪既話,你依家可以走,你可以去追番佢! [呀喬冷靜落黎啦]

龍：咁我又吾系咁既意思! [呀龍語氣開始變得溫柔]

喬：龍,對吾住! [呀喬攬住呀龍]

龍：吾系你錯,系我錯姐,我吾應該愛上兩個女人! [依家呀龍都好心痛]

喬：你冇左琪琪,但以後我都會陪住你,我地從新開始呀,好冇呀? [呀喬個樣好天真咁問呀龍]

龍：喬,你可吾可以俾D時間我冷靜下?我依家吾想講LEE D野住! [呀龍放開左呀喬]

喬：嗯,我明白既!總之,我愛你咪得囉,我等你,好冇? [呀喬笑住同呀龍講]

龍：我想..我想番屋企睇下琪琪點! [呀龍口窒窒咁講,因為佢驚呀喬會發脾氣]

喬：哦,吾洗擔心我架!我自己番屋企就得.. [估吾到呀喬會放走呀龍]

龍：SORRY!呀喬 [講完LEE句之後,呀龍就走左啦]

呀喬企系原地到,望住呀龍走,佢既眼淚都流出黎啦,

佢問自己,點解?點解要放呀龍番去?

咁樣等於將呀龍交番俾琪琪,但佢又吾可以迫呀龍陪住佢,

因為佢吾想呀龍吾開心,佢依家既希望就系想呀龍可以開開心心!

*******************************************
DINO：琪琪,到啦! [都到左啦,不過我系到發呆,乜都吾知]

我： [我又粒聲吾出,好似自閉咁,落左車]

DINO：咩都吾好諗!知吾知呀? [DINO拍下我個頭]

我：我上去執野先啦! [死死下既聲氣]

DINO：我陪你啦! [DINO拖住琪琪隻手,一步一步咁番去執野]

番到去屋企到啦,突然之間,好想喊,因為我知道我就快要離開,

離開LEE個以前令我覺得好溫暖既家,離開呀龍!

我：你等我一陣先啦! [我入左房]

我將我既衫一件一件咁執落個袋到,但執得好慢,

因為每執一件,我就望下間屋既每一個地方,

諗下同呀龍系每一個各落做過D咩?

DINO：我幫你呀! [DINO入左黎,見到我呆左]

我：嗯 [我坐埋左一面,繼續回想下一D甜蜜既回憶]

DINO：你今日開始去我屋企住好冇呀? [其實我冇諗過要去邊]

我：吾好啦! [我知道,DINO系好緊張我,但我吾想咩都煩到人]

DINO：琪琪,俾我照顧你啦,如果你一個人系外面住,我會吾放心架! [DINO對住我永遠都好真]

我：SORRY呀!我又要麻煩到你啦!如果我搵到屋,我第一時間就會搬走架啦! [今日開始,我就要去DINO屋企住啦]

DINO：傻啦,我都冇話要你搬走! [DINO執好哂D衫啦]

我：走啦! [岩岩入黎果陣,我吾想走,但依家我好想快D走,因為愈留得耐,我就愈吾捨得]

DINO：嗯,走啦! [DINO幫我拎住所有行理]

我放低左條鎖匙落[木台]面,之後就走左啦!

我要忘記一切,同呀龍既一切一切!!!!!!!

正當我地準備閂門既時候,就見到YOYO同阿LOK岩岩黎到..

YOYO：琪琪,執哂野啦? [YOYO望住DINO手上既行理]

我：嗯 [其實我吾想朋友為左我既事而擔心,但依家我實在做吾到系到扮開心]

YOYO：過黎我屋企住呀!我有地方呀! [YOYO第一時間叫我去佢屋企]

DINO：吾洗擔心啦!琪琪去我屋企住呀!我會好好照顧佢架! [朋友真好,我有咩事都幫我]

LOK：琪琪,有咩事吾開心,諗吾通,記住要講出黎呀! [阿LOK摸下我個頭]

我：嗯 [諗起呀龍,我個心真系好痛,我流左滴眼淚出黎]

YOYO：乖啦乖啦,吾好喊啦! [YOYO好快咁拎左張紙巾出黎,幫我抹眼淚]

我：我冇事呀! [我自己拎起左張紙巾抹眼淚,之後俾一個微笑佢地]

LOK：系冇事先好,有事要講,吾好成日覺得煩住我地而吾講,知嘛? [我就系驚煩住你地]

DINO：我諗琪琪都累架啦!我送佢番去先,好冇? [其實我最想快D離開LEE個地方]

YOYO：好啦,咁一齊行啦!有事打俾我地呀! [YOYO拍下我隻手]

當我地想走既時候,呀龍佢出現啦,佢企左系到望住我,我都望住佢

龍：琪琪,走啦? [呀龍望住左D行理]

我：嗯 [點解,臨走都要見到佢]

龍：吾好走得吾得?我真系吾想失去你! [呀龍過左黎捉住我隻手]

我：吾好咁啦! [我好大反應咁鬆開左隻手]

DINO：喂,好啦啵!當初系你對吾住琪琪先架啵! [DINO隔開左呀龍]

龍：琪琪,我地入去講清楚好嘛? [呀龍再次捉住我]

YOYO：好架啵!要講岩岩已經講哂啦! [YOYO好惡咁鬧呀龍]

龍：最後一次,好冇? [見到呀龍咁,我就心軟啦]

我：嗯,你地可吾可以等我一陣呀?我好快就會出番黎架啦! [我想佢地明白我,我真系想講清楚]

YOYO：但系.... [我知道,一定會有人反對]

我：我想講清楚,最後一次,真系架! [講完之後,佢地都點頭]

之後我就同呀龍坐低左,我吾出聲,只系等呀龍出聲..

我：你想講咩呀? [我終於忍吾住,要出聲啦]

龍：你真系走?真系離開我啦? [呀龍輕輕咁攬實我]

我：依家冇得再一齊架啦,我地做番朋友啦,好冇? [我冇反抗,只系系呀龍到喊]

龍：琪琪,吾好咁好冇呀?你俾次機會我啦! [攬得我好實好實,不過我知道,我吾可以心軟架]

我：咁呀喬呢?你會放棄佢? [我知道,呀龍吾會放棄呀喬]

龍： [無言..........]

我：吾洗答啦,你已經俾左答案我啦! [我鬆開左呀龍隻手,起左身]

龍：琪琪,我吾可以放棄你架! [大力汶住我隻手]

我：你一定要放棄,不過依家吾系你放棄我,系我放棄你啦,徹底咁放棄! [我轉身準備走人]

龍：我知道啦,我做錯啦,我吾應該同時愛上兩個女人! [一聽到lee到,我覺得好心痛]

我：我知道,你已經知道錯啦! [我停低左,另番轉望住呀龍]

龍：你系咪姐系肯原諒我呀? [個樣好似鬆左口氣咁]

我：原諒? [我望住呀龍傻笑]

龍：嗯,從新開始過好冇?我會好好學做一個稱職既男朋友架! [過黎攬實我]

我：夠啦,做錯左,就姐系做錯左! [我推開呀龍]

龍：琪琪,你到底咩事呀? [呀龍眼濕濕咁望住我]

我：吾系我做咩事,系應該問下你做咩事呀! [我既語氣重左]

龍：俾次機會,最後一次,好冇? [呀龍不停搖我隻手]

我：俾左次機會你,咁邊個俾機會我呀? [我都吾知點解我要咁講]

龍：琪琪呀!吾好咁啦! [呀龍不停用力攬實我,但換來既只有我既不停掙扎]

我：再見啦!呀龍 [我可以微笑同佢講再見]

之後我就另轉面走啦,我知道,呀龍系到喊梗,

佢既眼淚,我俾佢流多十倍

**********************************************************
DINO：琪琪,決定左留低? [我知道,佢地個個都以為我會心軟,但我吾會]

我：走啦! [我慢慢咁行走]

YOYO：琪琪,你同佢傾好左啦? [我都吾知算吾算傾好左]

我：我同佢真系分手啦! [我笑住同佢地講]

LOK：有咩幫忙記得搵我地呀!知吾知呀? [佢地個個依家都為我而擔心]

我：知道啦! [再一次微笑同佢地講]

YOYO：聽日出黎搵我啦,吾好自己一個系屋企亂諗野呀! [拖住我隻手行]

我：DINO,不如我自己搵屋企啦,始終系吾方便!

DINO：方便呀! [DINO諗都吾洗諗,即刻答左我]

YOYO：一系黎我屋企啦!

LOK：系囉,黎囉,冇乜所謂架!

我：我驚阻左你地既私生活嘛! [我又再次笑啦]

YOYO：點會呀?傻婆! [YOYO又笑]

LOK：DINO,不如琪琪黎我地屋企啦,你屋企話哂娃娃都系到

DINO：咁呀!好囉,我會日日黎睇住佢架!

我：吾方便記得要講呀! [望住YOYO講]

YOYO：點會呀?傻瓜,我地系好朋友黎架嘛!

之後我一步一步咁走,以前屬於我同呀龍既地方,

都漸漸遠離我啦,係真真正正既遠離嗎?

我退出,真係會得到真正既解決?我真係放得低?

我嫉妒,我嫉妒呀喬,因為無論呀喬離開左呀龍幾耐,

呀龍個心始於有呀喬,呀喬係佔左一個好重既位置!

一次一次既失敗,一次又一次令我失望,傷心..

開始,我發覺左,愛情真係好討厭!我想放棄啦..

DINO：琪琪,上車啦,做咩呆哂呀? [原來我又試係條街發呆]

我：冇事呀! [我擦下隻眼,因為我知道,我有眼水]

DINO：冇事嗎? [DINO都發現左]

我：吹沙入眼之嘛,嘻嘻 [我係到傻笑]

DINO：咁你地番去先啦! [幫我地閂埋左的士門] 掰掰 [係個窗到同我講再見]

我：今日麻煩你啦,你自己番去小心D呀!知唔知呀?

DINO：男人老狗,一個人番屋企,吾會俾人姦架!最緊要係你姐 [摸我個頭]

我：我冇事呀!唔洗擔心我呀!傻仔 [微笑,一個微笑就可以令到DINO安心D]

DINO：阿LOK,YOYO,麻煩你幫我照顧佢啦! [好長氣XDXD]

LOK：琪琪都係我地個好朋友,放心,我地會好好照顧佢架啦^^

DINO：司機,開車啦! 琪琪,番到去好好休息... 仲有....

我：仲有唔好諗咁多野嘛.. [幫DINO講埋]

DINO：聽日過黎搵你啦,掰掰 [無啦啦鍚左我額頭一下]

之後司機就開車啦..DINO微笑揮手咁同我講再見

YOYO：DINO發姣呀?阿LOK [一路向後望,望住遠處既DINO]

LOK：鬼知佢囉.. [之後佢地兩個望住我]

YOYO：琪琪,你同DINO做過咩呀? [YOYO用好可怕既眼神望住我]

我：冇做過呀!唔好咁望住我啦! [好大反應]

YOYO：真係? [訓左落我肩頭到]

我：都話冇囉,我同佢可以做咩姐?朋友,OK? [又好激動]

LOK：其實DINO依家好左好多,我睇得出,佢對你好好! [LEE層我知,但可以點?]

YOYO：諗得過架,你試下放低佢(呀龍),考慮下佢啦(DINO)

我：暫時... [停左一陣] 我都唔想諗男人,諗拍拖 OK? [望住YOYO同阿LOK]

YOYO：好啦好啦,知道啦,唔好嬲啦,我知道我講錯野啦!SORRY呀! [不停同我道歉]

我：傻瓜!我冇怪到你,我只係想講出我內心既感受姐! [捉住YOYO隻手]

YOYO：琪琪,放心,有咩撐唔住,仲有我幫你撐住^^

聽完LEE句說話之後,我真係好開心,因為,無論我趺低過幾多次,

我身邊總會有一班朋友幫我,扶番我起身,今次都唔例外...

我LEE一刻,我真係好想親口同YOYO講聲:THANK YOU!

但係,唔知點解我講唔出任何一句說話,我只係想緊緊咁攬實YOYO

從佢身上再搵番一D我失去左既溫暖!

[嘟..嘟..嘟..嘟..嘟]

呀龍個電話不停響,不停響..

呀龍望下個電話既來電,好失望,電話來電唔係我,

而係呀喬,佢想一個人靜下!所以冇聽到,但電話響左好多次,

有成20幾次未接,終於,呀龍都拎起左個電話聽啦..

喬：龍,你發生咩事呀?做咩事唔聽電話呀? [呀喬好緊張咁問呀龍]

龍：[冇出過聲,只係腦海中不停諗住"琪琪"LEE兩隻字]

喬：應下我啦,好冇?我真係好擔心你架! [呀喬急到都就黎喊出黎啦]

龍：嗯? [細細聲嗯左一下]

喬：龍呀! 唔好咁自私好冇呀?[好大聲咁嗌]

龍：嘿 [眼淚都流出黎啦,傻笑左一聲]

喬：我知道,我對你黎講係唔重要,但我真係好想係你身邊,一直陪住你架! [呀喬都喊左出黎]

龍：俾時間我靜下,好冇呀? [呀龍把聲好失落咁]

喬：我係你屋企門口,我會一直等你,等你冷靜落黎! [呀喬之後就CUT左線啦]

一個一個鍾咁過去啦,呀龍係知道呀喬係外邊,但佢可以點?

佢個心依家只係得"琪琪"兩個字,所有野,佢都唔在乎啦!

到左天光啦,呀龍成晚都冇訓,諗左好多野,個樣都憔悴左..

佢行左去屋企大門,開左門,呀喬坐左係門口..

雙眼眼紅紅咁望住呀龍,楚楚可憐咁望住呀龍

喬：呀龍,你出黎啦?我等左你好耐啦! [呀喬又忍唔住喊啦]

龍：你唔洗係到等架喎..我冇叫你咁做! [呀龍好惡咁鬧呀喬]

喬：點解喎?點解你要咁對我姐? [呀喬起左身,攬住呀龍]

龍： [好無奈,冇出聲]

喬：今日,我終於知道事實既真相啦!其實LEE個答案除左我想知,其實你一直都好想知架!

龍： [一直冇理過呀喬既說話]

喬：就算你唔應我,我都要講架啦! [呀喬流哂眼淚,呀龍件衫都濕哂]

龍：你唔好咁啦 [見到呀喬咁,呀龍又開始心軟啦]

喬：今日琪琪離開你,我知道,你最愛始終係佢,你可以為左佢喊,流1日眼淚=你平時流既10年眼淚! [不停喊]

龍：呀喬呀! [呀龍開始用力攬實呀喬啦]

喬：不如你番去琪琪身邊啦,呀龍,以後我唔會再煩住你架!真係架! [其實呀喬真係好愛呀龍架]

龍：番番去琪琪身邊?可以咩? [呀龍個心又痛左一痛]

喬：我地起埋一齊都唔會開心,我知道你係好痛苦架! [編者話:咁當初就唔好一齊啦]

龍：如果我番去琪琪身邊,我知道你都會好痛苦,我真係唔會又再一次放棄你! [估唔到呀龍咁講,呀喬好開心]

喬：咁你係咪依家選擇放棄琪琪? [再用好天真既眼神望住呀龍]

龍：可能,我真係要放棄佢啦,我知道我地段感情應該劃上句號啦! [呀龍真係要放棄我]

喬：龍,你會唔會後悔?我怕你會後悔!因為我唔會你既最愛! [呀喬攬得呀龍好實,因為佢怕失去呀龍]

龍：呀喬,依家開始我會慢慢忘記琪琪,你俾D時間我呀!好冇呀? [摸呀喬個頭]

喬：無論等幾耐,我都會等! [呀喬即刻好甜咁笑左出黎]

龍：依家我可以補償俾你啦,以後我只會愛你一個,好冇? [同呀喬KISS]

************************************************************
YOYO：琪琪,入黎坐下呀! [我地都岩岩番到去啦]

我：嗯,真係麻煩你啦! [我微笑回答YOYO]

LOK：黎呀,俾D行理我呀!我幫你拎入房! [佢地真係太好啦,攪到我唔好意思]

我：真係唔該哂你地呀! [再一次講唔該]

LOK：拿,係朋友就唔好再講唔該啦,你岩岩開始已經講左好多次啦! [哈哈哈哈-V-"]

我：係朋友就俾我講多一次 [停左陣] 真係多謝你地!

YOYO：好啦好啦,知道啦,唔洗咁認真喎,你以後係到安心住啦!

我：放心啦,我盡快會搬走架啦! [如果自己一個住會點呢?]

YOYO：冇人叫你咁趕喎,反正LEE到有地方,大家咁多年朋友,唔洗客氣啵!

LOK：你呀,快D沖涼,之後訓覺,唔好諗咁多啦! [對住我講]

我：知道啦,今日我都累啦!