2007-9-5 11:52 PM
anTi-Y偉少=P
廣告商擬告違約 火速補鑊 李嘉欣澄清無結婚大肚
最近有關李嘉欣 結婚大肚的謠言滿天飛，然而近日卻有多家廣告商致函到嘉欣的經理人公司，投訴她於合約期間結婚懷孕，並有意控告嘉欣違約。為此，嘉欣前晚於她為品牌Venilla Suite設計皮鞋的記者會上，澄清暫時沒有打算結婚及生BB的計畫，希望各廣告商不要再誤會，她更於活動後與許晉亨 及友人到銅鑼灣 晚膳。文：莫家聰
圖：陳敏華、吳耀輝、莫家聰
早前嘉欣為Venilla Suite設計了8對鞋款，並被命名為「Made TO Love Michele Reis」系列，並於前晚在上環某餐廳舉行產品發布會。
沒有「爸爸」的鞋子
嘉欣謂看到有份設計的皮鞋推出，就如看到自己的BB出生，問她「鞋子」的爸爸看過了沒有？她答：「我呢啲鞋無爸爸喎，（許生見過鞋款未？）佢未見過。（許生屋企都有好多女性成員喎，會唔會介紹俾佢哋呀？）我都無諗過好刻意咁介紹俾人，啲人鍾意就會自己買。」嘉欣坦言男裝鞋款只分皮鞋及波鞋，所以未有設計男裝鞋款。
「接好多投訴信」
近日有關嘉欣結婚大肚的傳聞鬧哄哄，為此她突然要澄清身分，「我本來真係唔想再講私人嘢，但係呢排我經理人公司收到好多廣告商的投訴信，話我喺合約期間結婚懷孕，係違約要告我咁話，為免我公司要向每家廣告公司回覆，所以我要講多次，我未有結婚同懷孕的打算。（咁係咪因為廣告合約令妳要延誤婚期？）當然唔係，（咁許生會唔會體諒妳？）我唔可以做佢�H代言人喎，總之我無計畫結婚同生BB啦。好似有家廣告公司想11月搵我拍廣告，佢哋問我到時可以拍我邊度，仲問我依家幾多個月𠻹。」嘉欣補充，現時有些廣告合約是註明合約期間不可結婚及懷孕，但以後的合約條款會否更改，則要看她經理人公司而決定。
活動後，許晉亨到活動場地接嘉欣，往銅鑼灣富瑤酒家晚飯，至晚上11時多才離開。嘉欣見記者拍照時，原先木無表情，可是聽到有途人讚她漂亮，即露出甜美笑容，隨即登上座駕離開。許晉亨於嘉欣香閨逗留5分鐘後離開。