肥姐出街令人擔心

「開心果」肥姐的身體狀況令人擔心，睇住佢出出入入醫院，次數亦愈來愈頻密，三兩日又返屋企，一陣又返入醫院，其實每次都好擔心肥姐，始終太頻撲，對身心都唔好，日前肥姐又秘密返咗屋企，成班記者唯有轉移陣地，留守肥姐屋企等候，昨日肥姐竟然出街食飯，得知佢出街時，真係嚇咗一嚇，事關昨日不停下大雨，時涼時熱，呢種天氣好容易令人病，一班記者行家都異口同聲話，寧願肥姐留喺屋企休養，大家會安心啲！