2007-3-19 08:12 AM
Akaisha_Oki
[轉] 死都要返屋企
自從地鐵通車之後，想自殺0既人就又多一個選擇——「跳軌」。以前我都唔相信地鐵咁邪，直到我阿叔入0左去地鐵度做之後，佢
八埋八埋唔少以前0的恐怖怪事俾我聽，唔到我唔信到十足十，搭地鐵0個陣諗起都真係起毛管動。
記得阿叔講過，20幾年前，0係油麻地站度，有個女人突然無緣無故跌落路軌，究竟係自殺定係俾人推落去，都真係冇人知。意外發
生之後，地鐵0的工作人員急急腳落去睇0下咩情況，點知搵0左好耐都搵唔到個女仔條屍！但現場所有目擊者都異口同聲話：睇住個
女人跌0左落去，一直都冇返過上0黎。
咁究竟個女人去0左邊度呢？結果都係搵唔到，經過一輪調查後，到而家仲係一個謎。
不過，阿叔話有種講法：點解大家會搵唔到條屍？原因好簡單，係因為個女人活生生咁返0左屋企，而佢0的屋企人就一0的都唔知佢
曾經跌落路軌呢件事，只係見到佢返到屋企0個陣神情呆滯，轉個頭就返入房；冇耐，屋企人發現佢0係房入面死0左。
本來搵唔到條屍經已夠恐怖，點知轉個頭仲話佢自己行返屋企，最後仲死0係房入面添，真係嚇餐飽！不過玄學家就解釋：因為呢個
女人死前同死後都充滿怨氣，而且死0個陣仲好想見屋企人一面，所以用盡最後一啖氣都要 返屋企見親人最後一面。