2006-10-4 06:16 PM
`妍
＊１２星座２００７運程之下 ~〔〔人馬座•山羊座•水瓶座•雙魚座〕〕．．
人馬座
12星座之中，運氣最好的就係人馬座！幸運女神孖響你身邊孖足一年，就算中間都會出現一dd障礙，但係基本上全年各方面運氣都係最GOOD，去到邊都逢凶化吉！記得要好好享受07年啦！
事業方面~工作無驚無險，但如果想轉工的人馬座就要趕住響9月之前完成，唔係只會越轉越差，尤其係9月d工。
金錢方面~放心啦，算係無災無難，不過要注意，07年借出去d錢要追得返有d難度，尤其係6月、7月同11月，借得就預對方唔還，唔係盞激氣。
戀愛方面~感情非常穩定，而且額外仲有其他桃花出現添！不過要注意響11月出現的桃花較爛，自己好好注意一下啦！
山羊座
07年對山羊座來講係個平平安安、心情愉快的年頭，響新的一年，山羊座精力充沛，腦入面會湧出唔同的諗頭，計劃多多，成年都好似好唔得閒咁；踏入下半年進修運麻麻，正計劃想進修的就最好盡早或者索性延期。
事業方面~可以平穩發展，雖然話工作有時亦會出現麻煩，不過都算係穩步上揚；算係有dd小進入，不過較要注意的係7月。
金錢方面~全年財運屬中上，尤其係由下半年開始，收入的途徑亦有所增加；不過響投資時就要小心一d，較為動盪。
戀愛方面~單身山羊未有新突破；拍緊拖的山羊座同情人大部分時間關係都唔錯，不過要留意6月、7月同11月，衝突較嚴重，下下去到盡。
水瓶座
響07年水瓶座有開心亦有煩惱，陷入困局好耐的戀愛終於出現大轉機，無論係單身定係有拖拍緊的都會受惠；社交運亦都好強，鍾意交朋結友的水瓶自然可以樂在其中；不過響事業方面亦有唔少阻礙有待解決。
事業方面~最要留意係事業運，麻煩事接踵而來，尤其係11月，容易因工作的失誤而招致名譽上的損失，要謹慎行事。
金錢方面~響07年財運算係不過不失，不過財政來源必須要努力掙返來，辛苦錢；橫財運屬於一般咋，尤其係踏入7月之後。
戀愛方面~無論單身又或者拍緊拖的水瓶響戀愛上都會有好大的突破，雙雙步入教堂的機會亦好高！做老襯？恭喜恭喜！
雙魚座
對最鍾意談情說愛的雙魚座來講，可能會覺得07年唔係太合心意。07年的事業有新突破，地位會得到進一步提升，升職冇難度；但係戀愛運就只係一般，冇乜生氣，桃花欠奉之餘連舊感情都只係會停滯不前。
事業方面~地位得到提升，得到公司進一步肯定，而且之前遇到的困難都可以一筆勾銷，大放異彩，工作變徥好順利。
金錢方面~財運相當唔錯，收入穩定好多，經濟壓力全部消失；但要留意冇必要07年就唔好亂投資，因為風險不細，尤其係3月。
戀愛方面~單身的雙魚唔好有咩寄望啦，全部都係d冇乜結果的桃花；拍緊拖的魚仔毫無進展，收拾心情工作罷啦！